Jan 5:30 - DAWAN BÎLA AISKA

³⁰ “Yang yakan diara sip daukras. Aisa mita aikan ba kat daukisna, bamna kasakka lâka kat lâ daukisni; yang brinki ba kat daukaia lika plikras, sakuna Aisa ai blikan ba brinka kat mika.

Jan 5:30 ပူးပေါင်းရင်းမြစ်များ

Blasi Sturka 18:25

¡Sip apia pali, man sip baku daukma apia, pâtkas nani ba pâtkira nani ba wal aikuki baku ikaia, wâlsut ba baha saurka ba aikuki daukan kan baku prais! ¡Baku daukpara! Man sika tasba aiska wihtka tara sma, ¿wapni lâka ba man daukma apia ki?

Lawana Nani 96:13

Dawan mawanra, witin aula ba! ¡Âu, witin aula tasba wihtka aimakaia bara tasba aiska uplika nani wihta aimakaia kasakka lâka bara kasak tânka ba wal!

Aiseya 28:6

lâ kasak daukaia spiritka yabia wihta nani lâ dauki bara suldiar nani ra sin kupia karna daukbia tawan ba kan kahbaia.

Sofonías 3:15

Dawan pât ra mai lakaia mampara aisin ba kli swin, bara waihlam nani ba kangbi sakan. tilamra sa; Dawan, Israel kingka, man nani bara diara saura kumi sin sîa yama apia.

Matiu 26:39

Bara Jisas kan mapara kau wiria wih, ai mawan ra tasba kat kauhi, Gâd ra ai pura suni, win: “Aisiki, sip kaka, yarka yang naha pâtka wahwamnara; sakuna yang want sna ba baku lika apia, man kupiam lâka kat lika.”

Jan 14:10

¿Pilip, man kasak lukras sma ki, yang na Aisa wal asla pali sna ba bara Aisa sin yang wal asla pali ba? Diara nani man nani ra mai wisna ba lika, yang yakan mai wiras. Aisa yang ra iwi ba mita sika ai warkka daukisa.

Jan 17:4

“Yang mita naha tasba ra mamyunri, bara dîa daukaia wisi ai blikram ba sin sut daukri.

Jan 18:11

Sakuna Jisas mita Pita ra win: —Man sordkam ba kli ai watlika ra mangks. ¿Man lukisma Aisa mita pât wahwamna wisi aikan ba, ban wahwaia apia sna?

Jan 4:34

Sakuna Jisas mita win: —Yang pati sika witinka ai blikan ba kupia lâka daukaia, bara ai warkka sin sut pali daukaia.

Jan 5:19

Bamna Jisas bila baha nani ra win: “Yang kasak pali man nani ra wisna, Gâd Luhpia ba witin yakan diara daukras sa, sakuna Aisa dîa daukan kaikan ba sika, witin daukisa. Diara sut Aisa mita dauki ba, Luhpia sin daukisa.

Jan 6:38

Yang kupi lâka kat daukaia wisi kasbrika pura ba wina balras, sakuna witinka ai blikan ba kupia lâka daukaia mika.

Jan 8:28

Bamna Jisas baha nani ra win: —Man nani mita Upla Luhpia Waitna purara bukma, bâra mika kaikma “Yang sika, Yang sna” ba tânka, bara yang yakan lika daukras, Aisa ai smalkanka ba baman lika aisisni.

Jan 8:42

Bamna Jisas pana win: —Gâd ba kasak man nani aisikam kata kaka, latwan ai kaikaia katma, kan yang lika Gâd wina ai blikan nahara sni. Yang yakan balras, sakuna Gâd mita ai blikan.

Jan 8:50

Yang lika maiyunra ba plikras, sakuna wala kumi lika bâra sa, yang baha maiyunra plikisna, bara baha mita lâ daukisa.

Roman 15:3

Kan Kraist pali sin ai kupia lâka baman plikras kan; sakuna, Ulbanka dîa aisi ba kat ai mapara takan: “Baha nani mita saura mai wi kan nani ba yang purira kauhan sa.”

Roman 2:2

Bamna yawan lika kaikisa, naha diara dauki uplika nani ba, Gâd mita kasakka lâka kat lâ dauki pât ra dingkisa.

Roman 2:5

Sakuna man lika kupiam karna pali sa, ba mita kupiam lakaia sin want apia sma. Bamna man mita puramra pât tara mangkisma, Gâd kasakka lâka kat lâ dauki marikbia ba yua ra;