Jan 4:6 - DAWAN BÎLA AISKA

⁶ Bahara sika Jekob layawanhta mâki banhwi kan ba bâra kan. Jisas yabal wihka pali wapan ba mita swapan kan bamna, layawanhta ba lamara iwan; baha piua ba lika pat yu wan lal kat baila kan.

Jan 4:6 ပူးပေါင်းရင်းမြစ်များ

Matiu 27:45

Bara tasba aiska ba tihmu tara takan, yu wan lal kat wina tutni 3 aklak kat.

Matiu 4:2

Witin bahara kakna 40 bara tihmia sin 40 plun piras kan, bara plun dauki kan.

Matiu 8:24

Bamna pâsa tara kum krawan, rip nani ba sin ban duri bilara aimaki kan. Sakuna Jisas lika yapi kan.

Luk 2:7

Bahara witin ai luhpia waitna tawahkia ba aisuban, bara kwala ra karbi, daiwan pata watla ra tnikan, witin nani hutil ra takaskaia plis âpu kan bamna.

Luk 9:58

Jisas pana win: —Sikiski nani ai watla nani brisa, tnawira nani sin ai watla nani brisa; sakuna Upla Luhpia Waitna ba lika ai lal kahbaika sin briras sa.

Jan 11:9

Jisas bila: —¿Kasak apia, yu aiska ba ra 12 awar brisa? Bamna upla kumi kakna ra wataukisa kaka, ai mina prukbia apia, kan naha tasba ra ingni bâra ba kaikisa.

Jan 4:12

Yang nani damiki Jekob naha liwanhta na wankan; witin pali sin naha wina din, ai luhpia nani bara ai daiwra nani sin. ¿Bamna dîa man kau tara sma ki witin ba wal?

Jan 4:5

Bamna witin Sameria tawanka kumi ra balan, nina ba Sicar; baha ba lika Jekob mita ai luhpia Josep ra tasba kum yabata ba wal baila kan.

Jan 4:7

Disaipil nani ba lika, plun wiria atki piaia dukiara tawan ra wan kan. Baha sim awarka ra, Sameria wina mairin kum balan lî panhkaia, bamna Jisas bui win: —Lî wirâ aik diaia.

2 Korint 8:9

Man nani lika wan Dawan Jisas Kraist latwanka lâka tânka ba pat kaikisma. Witin lika yuyakira pali kan, kuna man nani ra latwan mai kaikan ba mita witin umpira pali takan, bara witin umpira takan man nani yuyakira kama ba dukiara.

Hibru Nani 2:17

Baku bamna, Jisas lika diara sut mapa ra ai muihni nani baku takaia kan, bara baku mika witin sip kaia kan, kasak mapa ra bara umpira wan kaikan lâka ra sin Gâd mawanra prîs tara kaia, bara upla nani saurka nani ba sin sakripais dauki bâk saurka diki sakaia kan.

Hibru Nani 4:15

Bamna wan prîska tara ba mita yawan wan swapnika nani bri ba dukiara umpira wan kaikaia sip sa, kan witin pali sin yawan baku traika kaikanka sât sât brin, sakuna saurka lika daukras kan.