Jan 3:16 - DAWAN BÎLA AISKA

¹⁶ “Bamna Gâd tasba ra uya latwan kaikan, bara witin mita ai Luhpia kumi baman bri kan ba yan; bara baku mika ani uplika witin ra kasak lukbia ba, sut pali tanis tiwbia apia, sakuna raya ban kaia lâka ba bribia.

Jan 3:16 ပူးပေါင်းရင်းမြစ်များ

Blasi Sturka 22:12

Insal ba witin ra win: —Tukta ba ikaia mihtam bukpara, kan nanara yang pat mai kaikisna man lika Gâd ra sibrin lukisma ba, man luhpiam unhsak ba Dawan ra yabaia apia wiras sma bamna.

Blasi Sturka 22:2

Bara Gâd bui witin ra win: —Man luhpiam waitna Aisak ba bris, luhpiam unhsak ba, man bui witin ra latwan pali kaikisma ba, bara Moria tasbaya ra taki was. Bahara wama ba ra, yang il kum mamrikamna, bara man baha ilka ra luhpiam ba angki sakripais dauki aik.

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Matiu 9:13

Man nani was, bara Ulbanka ra naha tânka na lan taks: ‘Yang want sna man nani uplikam ra umpira kaikma, daiwan nani sakripais daukanka ba lika apia.’ Kan yang lika upla kasakkira nani ba paiwaia balras, sakuna saura dadaukra nani lika.

Mark 12:6

“Kau kumi baman takaskan kan: ai luhpia waitna aihwa ba, baha ra latwan pali kata. Baha blikan ban luki: ‘Witin nani bui luhpi ra kulkbia.’

Luk 2:14

“¡Gâd ra mayunan kabia laih purara! ¡Kupia kumi lâka tasba ra, witin mita yamni kaiki uplika nani tilara!”

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

Jan 1:18

Upla kumi sin Gâd ba kaikras pali sa, sakuna ai Luhpia kumi baman, witin sika Gâd, Aisa lama pali kat wal asla iwi ba, witin mita sika Gâd tânka ba wan marikan.

Jan 1:29

Yaprika wala, Jan kaikan Jisas witin ra aula kan, bamna upla nani ra naku win: “Kaiks man nani, naha waitnika aula na sika Gâd Sîpka Luhpia, naha tasba saurka bri saki ba.

Jan 10:28

Yang baha nani ra raya ban kaia lâka ba yabisni, bamna witin nani sin prubia apia ban kaia ra raya kabia, baku bamna upla kumi sin âpu sa baha nani ba mihti wina dakbi briaia.

Jan 3:15

Bamna witin ra kasak lukbia ba sut, raya ban kaia lâka ba bri kabia.

Jan 3:18

“Ani uplika Gâd Luhpia ra kasak luki ba, pât ra lakan kabia apia, sakuna ya kasak lukras ba, witin lika Gâd Luhpia kumi baman ba ra kasak lukras bamna, pât ra lakan kabia.

Jan 3:36

Ya Gâd Luhpia ra kasak luki ba, raya ban kaia lâka ba brisa; sakuna ya Gâd Luhpia ra kasak lukaia apia wi ba, sip baha rayaka ba bribia apia, sakuna Gâd klalka saura pali ba bribia.

Jan 6:40

Naha sika witinka ai blikan kupia lâka ba: Upla sut mita Gâd Luhpia ra kaiki kasak lukbia, bara baku mika raya ban kaia ba bribia; bara tnata piua ra, yang mita pruan wina kli bukamna.

Roman 5:10

Bamna yawan na kau Gâd wal wan waihla kan, sakuna ai Luhpia pruanka ba mita witin wal kupia kumi wan daukan, bamna nanara kau aiska pali Kraist rayaka ba mita swaki wan sakan kabia, nanara witin wal yawan kupia kumi sa bamna.

Roman 5:8

Sakuna Gâd ai latwanka tara ba wan marikisa: yawan kau upla saurakira nani kan, sakuna Kraist lika wan tâwan pruan.

Roman 8:32

Gâd ai Luhpia pali ba sin wankaia apia wiras, sakuna yawan sut wan mata ban prura mihta ra mangkan; bamna, ¿nahki yawan na witin ai Luhpia wal asla diara sut ba wankras kabia ki?

Epesus 2:4

Sakuna Gâd lika umpira kaikan lâka tara pali brisa, baha mita witin yawan ra uya latwan wan kaikan,

2 Tesalonaika 2:16

Wan Dawan Jisas Kraist pali mita bara Gâd wan Aisa, witinka ai yamnika ra latwan wan kaikan ba, ban kaia ra maisa nihkra wankan ba, bara bîla kaikanka yamni kum sin wankan sa,

Taitus 3:4

Sakuna, Gâd wan Sasakra ai kupia pihni bara ai latwanka lâka upla nani ra latan marikan ba ra,

Hibru Nani 2:9

Sakuna yawan Jisas ba kaikisa, witinka Gâd mita piu wiria insal nani wina kau mâyara mangkan kan ba. Gâd ai latwanka mita want kan, Jisas ba upla sut dukiara prubia; bara nanara witin prura pâtka wahwan ba mita, prana kraunka ba bara pain kulkan lâka kraunka ba sin witin ra yaban sa.

1 Jan 3:1

Kaiks man nani, nahki Aisa Gâd latwan tara wan kaiki ba, bamna yawan na Gâd luhpia nani wan kulkan sa, bara kasak pali yawan lika witin ai uplika nani sa. Baha mita tasba uplika nani bui wan kakaira apia sa, kan witin nani lika Gâd ra kakaira apia ba mita.

1 Jan 4:19

Yawan bui Gâd ra latwan kaikisa, witin mita pas latwan wan kaikan bamna.

Param Marikanka 1:5

bara Jisas Kraist witnis kasakkira ba wina sin, witin sika pas upla pruan wina kli buan ba, bara naha tasba aiska kingka nani sut purara karnika bri ba. Kraist mita latwan wan kaikisa, bara ai tâlia laiki wan saurka nani sikbi sakan sa;