Jan 21:23 - DAWAN BÎLA AISKA

²³ Bamna baha disaipilka prubia apia sturka ba disaipil nani sut tilara sahwan. Sakuna Jisas lika wiras kan baha disaipilka ba prubia apia, witin win: “Witin na yang kli balamna kat raya kabia want sna kaka, ¿baha ba dîa sa man mampara?”

Jan 21:23 ပူးပေါင်းရင်းမြစ်များ

Job 28:28

Bara Gâd mita upla nani ra win: “Dawan dukia ba kasak daukaia ba, baha sika sins lâka ba, saura wina tnaya ra tawaia ba sika, diara tânka kaikaia lâka.”

Job 33:13

¿Dîa muni mawan kat param aisisma, dîa aisinkam nani ba mapara bîla kumi sin aisabia apia wisi?

Daniel 4:35

Witin ai mawanra upla nani sut tasba purara iwi ba lika bahki pali sa. Witin diara daukisa, ai kupia lâka ba kat, kasbrika purara ba wina naha tasba aiska ra sin. Upla âpu sa ai karnika ba mapara buaia, sip makabi walras sa dîa muni baku daukisa.’

Matiu 16:27

Kan Upla Luhpia Waitna ba ai Aisika prana ra ai insalka nani kira balbia ba ra, upla bani ra dîa daukan ba mana aibapbia.

Apastil Nani Sturka 1:15

Baha yua nani kum ra, Pita lika wan muihni nani lilapas kat buan. Upla nani asla bâra kan ba lika 120 baku kan. Witin bila baha nani ra:

Apastil Nani Sturka 28:14

Bahara wan muihni tila nani wal prawri. Witin nani ai watla ra wan paiwan, bara wik kum aikuki takaskri. Baha ningkara, Rom mata yang nani impakri.

Apastil Nani Sturka 6:3

Bahamna, man nani tilam wina waitna pain 7 pliki sâks, sins lâka aitani bri nani ba, bara Spirit Holikira ni sin aibanhwan kaka; baha nani ra naha warkka na yas daukbia.

1 Korint 11:26

Baku bamna, aima bani naha britka na pima bara naha kapka sin dima ba ra, Dawan pruanki ba param aisi banhwi bas, witin balbia ba kat.

1 Korint 4:5

Baku bamna, piu kau kan ba ra diara nani ba lâka aisi dauki kapara. Dawan bal, tihmu ra yukukan dukia nani ba ingni ra brih sâkbia ba, bîla kaiki bas. Dawan mita upla nani ai kupia ra dîa daukaia luki ba sut latan sâkbia. Bâra mika, upla bani mayunra briaia ba kat, Gâd wina bribia.

Kli Smalkanka 29:29

“Diara nani bâra sa yawan tânka briras: baha nani ba Dawan Gâd dukia sa. Sakuna diara nani yawan ra marikan bara wan luhpia nani ra sin mariki ba, baha lika piu bani ra alki daukaia sa naha lâka nani na.

Jems 5:7

Bahamna, muihki nani, man nani wihka bîla kaiki bas insla dawanka baku, Dawan balbia ba kat. Ya insla warkka dauki ba, mâ manakira dâkaia wihka bîla kaikaia sa, lî piua aimaki auhbia ba kat.

Param Marikanka 2:25

Sakuna diara pat brisma ba ban alki bri bas, yang balamna ba kat.