Jan 21:17 - DAWAN BÎLA AISKA

¹⁷ Jisas aima yumhpa ra kli makabi walan: —Saiman, Jan luhpia, ¿man latwan ai kaikisma ki? Pita naha kat sari takan, kan Jisas naha kat aima yumhpa witin ra latwan kaiki sapa makabi walan bamna. Baku mika Saiman win: —Dawan, man diara nani sut ba kaikisma, bamna man kaikisma yang bui man ra latwan sna ba. Jisas bila: —Baku sa kaka, sîpki nani ba plun dakaks.

Jan 21:17 ပူးပေါင်းရင်းမြစ်များ

2 Samuil 7:20

Dawan, ¿yang kau dîa mai wiaia sna ki, man mita yang albikam na kaikaia sma na?

1 King Nani 17:18

Bamna piarka ba Ilayas ra win: —¿Man wal yang dîa daukaia sna, Gâd waitnika sma ba? ¿Balram sa saurki nani dukiara kupi kraukaia, bara luhpi ba sin yarka pruaia?

1 Kronikas 17:18

¿Dîa kau aisamna ki, baha mayunan lâka albikam waitna ra yaram ba dukiara, kan man naha albikam waitna na kakaira pali sma ba?

1 Kronikas 29:17

Dawanki, yang kaikisna man upla kupia tânka pliki kakaira sma, bara kupia wapnikira ba man yamni kaikisma; baha mita yang kupi wapnikira ni naha diara nani na maikri sa, bara nanara man uplikam nani nahara asla taki banhwan na, liliakira pali wal diara maikan sa.

Lawana Nani 17:3

Man bui yang lukanki nani ra dimram, tihmia ra bal aihwaki ai kaikatma; tâinka aihwa sapa plikatma, bara diara saura nani yang ra sakras katma; sturi aisaia apia nani ba, yang aisaras.

Jirimaya 17:10

Yang, Dawan, upla kupia tânka pliki kaikisna, bara lukanka nani ba tihuka ra kaikisna; witin nani dîa briaia aitani ba kat kumi bani ra mana yabisna.”

Inanka Nani 3:33

Kasakka pali ba sika, witin brin daukras sa pât saura ra blikaia, baku sin brin daukras sa upla ra latwan yaia.

Matiu 25:40

Bara King ba wibia: ‘Kasak pali man nani ra mai wisni, dîa dîa naha muihki bawikira nani ra diara kumi dukiara daukram ba, yang pali ra sika man nani ai daukram ba.’

Mark 14:72

Baha sim piua ra, kalila ba aima wala aiwanan. Bamna Pita Jisas wisata ba ai kupia krawan: ‘Kau kalila aima wâl aiwanras kaka, man aima yumhpa yang ra ai kaikras sma wima.’ Bara naha luki, mahka inan.

Jan 12:8

Piu bani upla umpira nani ba tilamra bri kama, sakuna yang lika piu bani ban ai bri kama apia.

Jan 13:38

Jisas mita pana win: —¿Man ba yang tâiwan rayakam yaia ridi sma ki? Kasak mai wisni, kalila wainhka kau aiwanras ba ra, man aima yumhpa ai kaikras wima.

Jan 14:15

“Bamna man nani latwan ai kaikisma kaka, lâika bîla nani ba wali dauki kama.

Jan 15:10

Man nani lâika bîla kat wali dauki kama kaka, yang laitwanka lâka ra sin ban kama, sim yang Aisiki lâka wali daukisna bara latwan ai kaiki ba kat ban sna ba baku.

Jan 16:30

Nanara yang nani kaikri man ba diara sut pali kaikisma, bara upla kum mita baha dukiara mamkabi walaia apia sa. Baha mita yang nani kasak lukisna man ba Gâd wina balram sa.

Jan 18:27

Pita kli apia win, bara baha sim piua ra kalila wainhka kum aiwanan.

Jan 18:4

Jisas lika pat kaikan dîa witin ra takaia ba, bamna mapara taki wih, makabi walan: —¿Man nani ya pliki banhwisma ki?

Jan 21:18

Bamna yang kasak pali mai wisni, man kau wahma katma ba ra, kwalkam dimi anira waia want kapram ba ra taki wi katma, kuna man almuk takma ba ra, mihtam sakbi brima bara wala kum mita kwalkam mai dingki, bara anira waia want apia sma ba pliska ra mai brih wabia.

Jan 4:16

Jisas mita win: —Man wih mayam wini brih, nahara kli bal.

Apastil Nani Sturka 1:24

Witin nani baha dukiara naku ai pura sunan: “Dawan, man baman sika upla nani kupia tânka kaikisma ba; wan mariks naha waitna wâl na wina, ani pali ba man bâk sakram

Apastil Nani Sturka 11:10

Naha diara na aima yumhpa takan ba ningkara, diara nani sut kli kasbrika purara brih wan.

Apastil Nani Sturka 15:8

Bara Gâd, witinka upla kupia pain kaiki ba bui naha diara na wan marikan sa, nahki Ju apia nani ra sin want ba, bara Spirit Holikira baha nani ra yaban, sim yawan ra wankan ba baku.

2 Korint 1:12

Diara kum bâra sa wan kupia âuyapah daukisa, bara baha sika: wan kupia lukanka ba mita wan wisa, yang nani lika naha tasba ra holikira lâka ra bara kunin tânka âpu kira watauki banhri sa; bara kau pali lika man nani tilamra. Baku kaia tânka ba lika, yang nani sinski ba mita lika apia, sakuna Gâd ai kupia latwanka lâka tara ba mita sika.

Epesus 4:30

Gâd Spiritka Holikira ba sarka paskpara, kan man nani aihka saki mai muni baha sim Spiritka Holikira ni, Gâd dukia kaia wisi sîl mai mangkan sa, aiska mai swaki sakan kaia yua witin maikbia ba kat.

Jasua 22:22

—Gâd nani sut Dawanka bara Gâdka ba, witin nu sa yang nani dîa luki naha altarka paskri ba, witin mapara buaia, apia kaka witin wina tnaya ra tawaia dukiara. Baha witin nu sa, bara witin baha nani sut tânka ba man nani ra mamrikbia. Baha baku daukaia tâka sa kaka, yang nani ra raya ai swipara.

1 Pita 1:6

Naha dukiara man nani lilia brisma, ban kra aitani kabia, piu wiria pan traika kaikanka ailal pâtka brima.

2 Pita 3:1

Muihki laitwankira nani, naha kat pat wauhkataya wâl man nani ra ulbisna. Wauhkataya wâlsut ra yang want kapri smalkanki pain wal man nani ba, maikrika kasak wapni kat iwi kama.

Param Marikanka 2:23

pât tara witin nani wahwaia blikamna. Baku serts nani sut ba ai dara walbia, yang lika upla lukanka bara kupia munhta ba sut kaikisna; bara man nani kumi bani ra dîa daukram ba kat maikamna.

Param Marikanka 3:19

Yang lika latwan kaikisna bara uplika sut ra lawi daukisni, wapni sin daukisna. Baku bamna, man kasak bas bara kupiam sin laks.