Jan 20:22 - DAWAN BÎLA AISKA

²² Jisas mita disaipil nani sut ra ai wingka puhbi, naku win: —Man nani Spirit Holikira ba bris.

Jan 20:22 ပူးပေါင်းရင်းမြစ်များ

Blasi Sturka 2:7

Bamna Dawan Gâd bui upla ba tasba yuya pali wina paskan, bara raya kaia payaska ba kakma unta nani ra puhbi dingkan. Baku sika upla ba ai rayaka mahka brin.

Job 33:4

Gâd, karnika sut bri ba mita ai daukan, ai wingka yang ra ai puhban.

Lawana Nani 33:6

Dawan ai bîla aisin ba mita, kasbrika purara diara bâra ba paskan bara sin ai bîla wingka puhbra ba mita paskan.

Isikiel 37:9

Bamna Dawan bui ai win: “Yang nini ra pâsa ra aisas raya kaia wingka puhbi ba ra wis: ‘Dawan naku aisisa: Tasba mapa walhwal wina bal bara upla pruan nani na ra rayaka yas.’ ”

Jan 14:16

Yang Aisa ra makabamna, witin bui man nani hilpkam bara maisam nihkaia dukiara wala kumi maikbia, baha sika kasak tânka Spiritka ba, witin ba man nani wal kabia ban kaia ra.

Jan 15:26

“Sakuna witinka hilp mai munaia bara maisam nihkaia wisi balbia ba, kasak tânka Spiritka yang mita Aisa wina blikamna ba, witin lika yang dukira witnis aisabia.

Jan 16:7

Sakuna kasak pali mai wisni: yang waia sna ba lika, man nani mampa ra kau pain sa. Kan yang waras kamna kaka, Spirit Holikira ba man nani wal kaia balbia apia, hilp mai munaia bara maisam nihkaia; sakuna wamna kaka lika, yang mita witin ba blikamna.

Jan 20:21

Baha ningkara Jisas kli win: —¡Kupia kumi lâka man nani wal kabia! Aisa mita yang ai blikan ba baku, yang mita man nani ba mai blikisna.

Jan 20:23

Ani uplika saurka nani ba man nani mita swih tikma kaka, baha nani ba pâtka swih tikan kabia; sakuna ani uplika saurka nani ba swih tikras kaka, baha saurka nani ba ban swih tikan kabia apia.

Jan 7:39

Naha tânka na wal, Jisas wiaia want kan, ya witin ra kasak lukbia ba Spirit ba bribia. Baha piua ra Spirit ba kau balras kan, Jisas kau ai prana daukras kan bamna.

Apastil Nani Sturka 10:47

Baku bamna, Pita aisin: —¿Upla sip kabia ki naha nani tahbi daukaia ba wina takaskaia, witin nani pat Spirit Holikira brin na yawan baku?

Apastil Nani Sturka 19:2

Bara baha kristianka nani ra makabi walan: —¿Man nani pas kasak lukatma ba ra, Spirit Holikira ba brisatma ki? Witin nani bila: —Yang nani Spirit Holikira bâra sa sapa tânka sin walras pali.

Apastil Nani Sturka 2:38

Bara Pita baha uplika nani ra win: —Man nani daukankam saura nani ba swi si mahka Dawan ra taws, bara kumi bani sin yarka lî ni tahbi mai daukan kabia Jisas Kraist nina ra; baku mika saurkam nani swih tikan kabia, bara Dawan mita Spirit Holikira ba maikbia.

Apastil Nani Sturka 2:4

Kumi bani ba Spirit Holikira ni aibanhwan, bara mahka bîla sât wala nani ra aisin, Spirit mita yan aisan ba kat.

Apastil Nani Sturka 4:8

Bamna Pita ba Spirit Holikira ni aibanhwan, bara baha nani ra naku win: —Man nani lika naha uplika nani wihtka nani sma ba, bara almukka nani sin:

Apastil Nani Sturka 8:15

Witin nani wan ba ra, ai pura sunan, Sameria ra lalukra nani ba Spirit Holikira bribia dukiara.

Galesha 3:2

Bamna naha na man nani ai wis: ¿Moses lâka bîla wali daukan ba mita Gâd Spiritka Holikira ba briram ki, apia kaka, sturi yamni wali kasak lukram mita ki?