Jan 20:19 - DAWAN BÎLA AISKA

¹⁹ Baha sim piua tihmika tutni pali ra, disaipil sut asla taki kan, bamna utla durka nani sut prakan kan, Ju nani sîa. Jisas bal dimi, disaipil nani lilapas kat buan, baha nani ra lakula dauki, naku win: —¡Kupia kumi lâka man nani wal kabia!

Jan 20:19 ပူးပေါင်းရင်းမြစ်များ

Lawana Nani 122:8

Bara nanara, muihki nani ra bara upliki nani ra wimni: “Kupia kumi lâka man nani ra maikbia.

Matiu 10:13

Baha watla uplika nani pain mai brisa kaka, kupia kumi lakula ba witin nani wal ban swis; sakuna pain mai briras kaka, baku daukan kabia apia.

Matiu 18:20

Kan ani anira upla wâl, apia kaka yumhpa yang nini ra asla prawbia kaka, yang sin bahara witin nani lilapas kat sni.

Mark 16:14

Naika Jisas ai disaipilka 11 ra latan takan, tibil ra iwi kan piua ra; bara witin nani ra lawi daukan sip kasak lukras, ai kupia nani karna bri kan ba dukiara sin, witin nani lika Jisas buan ba kaikan uplika nani ra kasak lukras kan bamna.

Jan 14:27

“Man nani wina dakwi takuna kupia kumi lâka ra. Kupi kumi lâka man nani ra maikisni, sakuna tasba uplika nani kupia kumi lâka yabi ba sât lika apia. Man nani kupiam trabil bripara bara sibrin kapara.

Jan 16:22

Baku sin, man nani nanara sari sma, sakuna yang kli bal mai kaikamna ba ra, man nani kupiam lilia pali kabia, liliaka kum upla kumi mita sin mai dakbi briras kabia ba.

Jan 16:33

Naha dukia sut na mai wisni, yang wal asla kama ba mita kupia kumi lâka ba bri kama. Naha tasba ra man nani ban pât wahwaia kama; kuna kupiam karna bri bas, kan yang mita tasba na pura luri sa.

Jan 20:21

Baha ningkara Jisas kli win: —¡Kupia kumi lâka man nani wal kabia! Aisa mita yang ai blikan ba baku, yang mita man nani ba mai blikisna.

Jan 20:26

Yu 8 luan ningkara, disaipil nani ba kli utla kum ra asla taki banhwan kan, bara naha piua lika Tamas sin baha nani tilara kan. Bamna dur nani ba sut prakan kan, sakuna Jisas ban dimi disaipil nani lilapas kat buan, lakula dauki, naku win: —¡Kupia kumi lâka man nani wal kabia!

Jan 21:1

Bamna naha diara nani ningkara, Jisas kli ai disaipilka nani ra latan takan Tiberias lakunka un ra. Baku bamna witin naku daukan:

Jan 21:14

Naha kat aima yumhpa Jisas ai disaipilka nani ra latan takan, witin pruan wina buan ningkara.

Jan 7:13

Sakuna upla kumi sin param taki aisaras kan, Ju nani ra sibrin luki kan bamna.

Apastil Nani Sturka 1:3

Jisas pruan wina buan ningkara, yu 40 witin apastil nani ra ai wîna param taki kan. Sain nani wal mariki kata nahki witin ba raya sa, bara Gâd king aimaki ba lâka dukiara sin aisi kan.

Roman 15:33

Kupia kumi Gâdka ba, man nani sut wal kabia. Baku kabia.

1 Korint 15:5

bara Pita ra latan takan, bara baha ningkara apastil wala nani ra sin.

Epesus 2:14

Kraist sika wan kupia kumi lâka. Ju nani bara Ju apia nani ba wal upla daknika kumi daukan, waihla lâka kutbanka ba mita dakbi wan saki kan ba slingban bara Kraist ai wîna ra.

Epesus 6:23

Bamna Gâd Aisa bara Dawan Jisas Kraist mita, wan muihni nani ra kupia kumi lâka bara latwan lâka yabia, kasak lukan lâka ba wal;

Pilipai 1:2

Man nani, wan Aisa Gâd bara Dawan Jisas Kraist wal wina, yamnika nani bara kupia kumi lâka sin bri kama.

2 Tesalonaika 3:16

Bara kupia kumi lâka Dawanka ba mita, piu bani kupia kumi lâka natka sât sât ra maikbia. Dawan ba man nani sut aikuki kabia.

Hibru Nani 7:2

Ebraham mita war aiklabi diara nani dakbi brin ba matawalsip bani wina kumi ba, witin ra yan. Melkisedek nina tânka pas ba lika “king kasakkira”; bara witin Salem kingka kan ba mita, ai nina tânka ba sin “kupia kumi lâka kingka”. Salem tânka ba “kupia kumi lâka” sa.

3 Jan 1:14

Pat pali mai kaikamna baku sa, bara baha piua ra yawan wal aisabia.

Param Marikanka 1:4

Yang Jan, Asia tasbaya ra serts 7 ba ra ulbisna. Gâd wina yamnika nani bara kupia kumi lâka ba man nani bris, witinka bâra ban ba, ban kan ba, bara naika balaia ba; spirit 7 ai king iwaika mawan kat ba wina sin,