Jan 2:19 - DAWAN BÎLA AISKA

¹⁹ Jisas pana win: —Man nani naha tempelka na sauhki banhs, bara yu yumhpa bilka ra yang kli paskamna.

Jan 2:19 ပူးပေါင်းရင်းမြစ်များ

Matiu 12:40

Inska tara biara ra Jona yu yumhpa bara tihmia yumhpa kan ba baku, Upla Luhpia Waitna ba sin yu yumhpa bara tihmia yumhpa tasba biara ra kabia.

Matiu 16:21

Baha piua wina Jisas ai disaipilka nani ra mahka smalkan, witin ba Jerusalem ra waia kabia, bara wihta almuk nani, prîs wihtka nani bara Lâ Smasmalkra nani sut mita munka kasak pât wauhbia. Bara sin win witin ra ikbia, sakuna yu yumhpa ra kli bukan kabia.

Matiu 27:40

naku aisan kan: —¡Man, tempel ba slingbi yu yumhpa ra kli paskisma ba, man wînam kat swaki taks! ¡Gâd Luhpia sma kaka, dus prihni ba wina bal iws!

Matiu 27:63

bara witin ra naku win: —Wihtki, yang nani kupi krawisna baha kuninkirka ba kau raya kan piua witin aisin, yu yumhpa ningkara pruan wina kli bubia.

Mark 14:58

—Yang nani naku aisi kan walri: ‘Naha tempelka upla nani mita mâkan na sauhkamna, bara yu yumhpa ra yang mita upla nani mâkras tempelka wala kum mâkamna.’

Mark 15:29

Bara ai lamak lui nani ba witin ra swira daukan, ai lal sin wauhi, naku aisin: —¡Alai, man tempel batakisma bara yu yumhpa ra kli bapisma ba,

Mark 8:31

Bara Jisas mahka smalkan, Upla Luhpia Waitna ba pât kasak wahwaia sa, upla bara almuk nani mita, prîs nani, bara Lâ Smasmalkra nani mita sin lulkan kabia. Witin ra ikbia, sakuna yu yumhpa ra kli bubia.

Jan 11:25

Jisas pana win: —Yang sika kli buaia tânka bara rayaka ba sin. Ya yang ra kasak luki ba, prubia kra kuna raya kabia.

Jan 5:19

Bamna Jisas bila baha nani ra win: “Yang kasak pali man nani ra wisna, Gâd Luhpia ba witin yakan diara daukras sa, sakuna Aisa dîa daukan kaikan ba sika, witin daukisa. Diara sut Aisa mita dauki ba, Luhpia sin daukisa.

Apastil Nani Sturka 2:24

Sakuna Gâd bui witin ba prura karnika mununhta wina kli bukan, prura sip witin ba ai karnika mununhtara taibi briras kan bamna.

Apastil Nani Sturka 2:32

Bamna sim Jisaska sika Gâd mita pruan kan ba wina kli bukan. Bara yang nani sut baha witniska nani sna.

Apastil Nani Sturka 3:15

Baku, raya kaia lâka wankaia sip uplika ba man nani mita ikram. Ban sakuna, Gâd bui witin ba pruan wina kli bukan, bara yang nani sika baha witniska nani.

Apastil Nani Sturka 3:26

Bamna Gâd ai Luhpia Jisas pruan wina kli bukan ba ra, witin ba man nani ra pas blikan man nani ra yamni mai munaia, man nani kumi bani saurkam nani ba swiaia bara kupiam lakaia.”

Apastil Nani Sturka 6:14

Yang nani sin walri witin aisi kan, baha Jisas Nasaret wina ba mita naha tempelka na sauhkbia, bara Moses lâ nani wankan ba sin aihka lakbia.

Roman 4:24

sakuna yawan wan dukiara sin ulban sa. Gâd, witinka mita Jisas wan Dawan pruan wina bukan bara yawan kasak luki ba mita wan kasak lukanka ba pain kulkisa;

Roman 6:4

Baku bamna, tahbi wan sakan ba mita, Kraist wal pruanka ra wan bikan bara yawan pruan, witin wal kli buaia rayaka raya kumi brih iwi kaia dukiara, Kraist ba pruan nani tila wina Aisa karnika pranakira ba mita kli bukan ba baku.

Roman 8:11

Jisas Kraist pruan nani tila wina bukan Gâdka Spiritka ba man nani ra raya sa kaka, sim Kraist pruan wina bukan Gâdka Spiritka ba wînam tara prui kira nani ra raya kaia lâka kli yabia, Spirit man nani ra raya iwi ba mita.

1 Korint 15:12

Sakuna yang nani smalkanki ba, Kraist pruan wina kli buan tânka sa kaka, ¿dîa kan man nani tilam wina tila nani wisa, pruan wina kli upla sip buras?

Kolosi 2:12

Bara man nani sut tahbi mai daukan ba ra, Kraist wal raiti ra mai bikan kan, baku sin witin wal kli pruan wina mai bukan, kan man nani kasak lukram, Gâd karnika mita Kraist ba pruan nani tila wina kli bukan.

1 Pita 3:18

Kan Kraist pali, aima kumi baman wan saurka nani dukiara prura pâtka wahwan. Witin lika yamni kan, sakuna yawan saurakira nani na tâwan pruan, Gâd ra wan brih waia dukiara. Witin ba ai wîna tara mapa ra baman pruan, sakuna ai spiritka mapa ra lika kli raya takan.