Jan 19:18 - DAWAN BÎLA AISKA

¹⁸ Bahara witin nani mita Jisas ba dus prihni ra saban, bara âimplikra wâl kan ba sin, kumi Jisas mihta aihkika tani ra bara wala ba smihka tani ra.

Jan 19:18 ပူးပေါင်းရင်းမြစ်များ

Lawana Nani 22:16

Watawikira nani dakni tara kum, yul nani baku kir kutbi ai brisa, yang mihti bara mini sin witin nani kraukan sa.

Aiseya 53:12

Baha mita Gâd bui witin ra pliska kum yabia upla tara nani tilara, karnikira nani ba aikuki tilara pura lubia, kan witin pruaia ai wîna ba yan, watawikira nani tilara kulkan kata, kan kasak pali sika upla manis upla saura ba witin twilkan upla saura nani tâwan ai pura sunan.

Matiu 27:44

Âimplikra nani witin wal dus ra saban kan ba mita sin ai swira dauki kan.

Jan 18:32

Baku lika Jisas, witin dîa pruanka natka ni pruaia aisin ba aimakaia kan.

Jan 19:32

Bamna suldiar nani wih, pas uplika kuhma dusa ba krikan, bara wala ba sin, Jisas wal dus ra saban kata ba.

Apastil Nani Sturka 2:23

Blasi piua wina Gâd mita ai Luhpia ba ridi dauki dîa takaia kan ba pain kaiki si, man nani mihtam ra mangkan ba ra, witin ba silak ra mangkram, baha ningkara upla watawikira nani mihta ra mangki bri si dus prihni ra sabi ikram.

Galesha 3:13

Lâ mita saura pali wan kulkan ba wina Kraist mita pri wan sakan sa, kan yawan wan tâwan witin lika upla saura kum baku takan; Ulbanka ba wisa: “Saura pali sa baha nani dus ra paman prui ba.”

Hibru Nani 12:2

Wan nakra nani na Jisas kat kaiki kap, witinka wina wan kasak lukan lâka ba, tâ wina tnata kat yawan ban bri ba. Jisas ba dus prihni ra pât wahwan, bara bahmuna pruanka saura ba wal pruya ba dukiara ai swira lukras, kan witin kaiki kan pât wahwaia ba ningkara, ai âuyapah kaia kan bara lilia sin; bara nanara, Gâd king iwaika lama pali kat wih iwisa.