Jan 19:15 - DAWAN BÎLA AISKA

¹⁵ Sakuna Ju nani ai pura wini, naku win: —¡Witin ba prubia! ¡Witin ba prubia! ¡Dus prihni ra sas! Pailat bila: —¿Man nani want sma ki, kingkam ba dus prihni ra sabamna? Sakuna prîs tara nani pana win: —¡Yang nani king wala briras, Rom kingka baman!

Jan 19:15 ပူးပေါင်းရင်းမြစ်များ

Blasi Sturka 49:10

Juda karnika bri ba, upla kumi sin baha karnika ba witin wina dakbia apia. Baha karnika dusa ai mihta ra ba sin, upla wala witin wina dakbia apia. Baha karnika dusa dawanka ba balbia kat, bara upla sut ba witin ai bîla wali daukbia.

Matiu 22:17

Bamna nahki lukisma ba yang nani ra ai wis: ¿Rom wihtka tara ra lal mana aibapaia ba aitani sa, apia kaka aitani apia sa?

Luk 23:18

Sakuna sut mahka ai tâ baiki winan: —¡Naha waitnika kaikan wan daukras! ¡Barabas lika pri sâks!

Jan 18:31

Pailat mita pana win: —Man nani mita waitnika na brih was, bara man nani lâmka kat witin lâka dauks. Bamna Ju nani mita win: —Sakuna yang nani Ju nani mita upla ikaia ba lâ apia sa.

Jan 19:6

Bamna prîs tara nani bara suldiar nani sin Jisas ba kaikan ba ra, mahka ai pura wini, win: —¡Dus prihni ra sas! ¡Dus prihni ra sas! Pailat bila: —Ban kaka, man nani mita witin ba bri si dus prihni ra sabi banhs, kan yang lika witin wîna ra watawanka kumi sin sakras sna.

Apastil Nani Sturka 13:28

Witin ba ikaia pâtka diara kumi sin sakras kan, sakuna witin nani ban Pailat ra makaban witin ba ikaia.

Apastil Nani Sturka 21:36

Upla nani Pal nina ra aidrubi aula kan ba mita wini aisi kan: “¡Witin ba pruaia sa!”

Apastil Nani Sturka 22:22

Naha bîla kat baman sip kan upla nani ba Pal ra wali kaia, bara witin nani mahka karna wini banhwan: “¡Baha waitnika ba mahka ikaia aitani sa! ¡Naha sât waitnika ba sip apia kau raya kaia!”