Jan 18:37 - DAWAN BÎLA AISKA

³⁷ Bara Pailat pana win: —¿Baku bamna, man ba king kum sma ki? Jisas pana win: —Âu, yang na king sna, man aisaram ba baku. Yang aisubi taki, naha tasba ra balri diara kasak ba upla nani ra wiaia. Bamna baha nani sut kasakka lâka ra nani ba, yang dîa aisisna ba aman walisa.

Jan 18:37 ပူးပေါင်းရင်းမြစ်များ

Aiseya 55:4

Kaiks yang bui witin ra yâri upla nani sut ra witnis aisaia, tâ uplika kaia, bara nisan nani smasmalkrika kaia.

Matiu 26:64

Jisas pana witin ra win: —Man baku aisaram. Bara yang sin man nani ra mai wisna, Upla Luhpia Waitna ba Gâd, Karnika sut bri ba mihta aihkika ra iwi kasbrika purara wina aula kaikma.

Matiu 27:11

Jisas ba wihta tara mawanra brih wan kata, bara baha mita witin ra makabi walan: —¿Man ba Ju nani kingka sma ki? Jisas bila: —Baku sa, man aisaram ba kat.

Mark 14:62

Jisas witin ra win: —Âu, yang sika. Bara man nani mita Upla Luhpia Waitna ba kaikma, Gâd karnika bara mihta aihkika ra iwi, kasbrika purara kasbrikika nani tilara balbia ba.

Mark 15:2

Pailat witin ra makabi walan: —¿Man ba Ju nani Kingka sma ki? Bara pana win: —Âu, man aisaram ba kat.

Luk 22:70

Bamna sut mita makabi walan: —Ban kaka, ¿man na Gâd Luhpia? Jisas pana wisata: —Âu, yang sna, man nani aisaram ba baku.

Luk 23:3

Bara Pailat mita makabi walan: —¿Man sma ki Ju nani Kingka ba? Jisas pana win: —Man aisaram ba baku sa.

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

Jan 1:17

Gâd mita lâ ba Moses bâk yan kata; sakuna latwan lâka bara kasak tânka ba lika, Jisas Kraist bâk baman lika sip kata.

Jan 14:6

Jisas bila: —Yang sika yabal ba, kasak tânka ba bara rayaka ba sin. Yang bâk baman sip sa Aisa ra waia.

Jan 3:32

bara witin aisisa diara kaikan bara walan ba sin; kuna witin aisi ba ra upla kumi sin kasak lukras sa.

Jan 7:17

Upla kum Gâd want ba dukia daukaia lukisa kaka, witin kaikbia smalkanki nani ba, Gâd wina apia kaka, yang yakan kupi wina saki smalkisna sapa.

Jan 8:14

Jisas pana win: —Yang yakan dukira witnis aisamna kra, kuna dîa aisisna ba lika kasak pali sa, bamna yang kaikisna ani wina balri ba, bara anira sin kli auna ba; sakuna man nani lika kaikras sma ani wina taki balri bara anira sin auna ba.

Jan 8:45

Yang na diara kasak ba aisisna bamna, man nani sip kasak ai lukras sma.

Jan 8:46

¿Man nani tilam wina ya mita sip sa ki saurka kum brisna kaka, ai marikaia? Bara diara kasak ba aisisna kaka, ¿dîa muni sip kasak ai lukras sma ki?

Jan 8:47

Ya Gâd wina sa kaka, Gâd bîla nani ba aman walisa; sakuna man nani na Gâd wina apia sma ba mita, walaia want apia sma.

1 Timoti 6:13

Nanara, Gâd mawanra, witinka diara nani sut ra rayaka yabi ba, bara Jisas Kraist mawanra, witinka sin ai lukanka tânka aisi witnis sin takan ba Pontius Pailat mawanra, yang bui mai smalki mai wisni,

1 Pita 1:22

Nanara man nani, kasak tânka sturka ba bîla wali daukram ba mita, sulkam nani sunu daukram sa, wan muihni nani ra kasak pali kunin âpu latwan kaikaia dukiara. Baku bamna, pana pana walkam ra latwan kaikaia sma, kupiam aiska bara karnikam aiska ni sin.

1 Jan 2:21

Bamna yang bui man nani ra ulbisna ba lika, man nani diara kasak tânka ba pain kaikisma ba dukiara, kaikras lika apia; bara man nani mita pain kaikisma, diara kasak ba wina kunin kumi sin sip balbia apia ba.

1 Jan 3:14

Bamna yawan lika prura wina raya kaia ra pat luan sa, bara baha ba yawan pain kaikisa, wan muihni nani ra latwan kaiki bamna. Ani uplika ai muihni ra latwan kaikras ba, witin lika pruan ban sa.

1 Jan 3:19

Bamna naku sika kaikaia sip ba, yawan na diara kasak ba uplika nani sa, bara baha mita Gâd mawanra wan âuyapah kaia;

1 Jan 4:6

Sakuna yawan lika Gâd dukia sa; bara ya Gâd kakaira ba yawan ra walisa, kuna Gâd wina apia uplika ba yawan ra walras sa. Baha mita, yawan kaikaia sip sa, ya Spirit pain brisa bara ya kunin spiritka bri ba.

1 Jan 5:20

Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.

Param Marikanka 1:4

Yang Jan, Asia tasbaya ra serts 7 ba ra ulbisna. Gâd wina yamnika nani bara kupia kumi lâka ba man nani bris, witinka bâra ban ba, ban kan ba, bara naika balaia ba; spirit 7 ai king iwaika mawan kat ba wina sin,

Param Marikanka 3:14

“Leodisia sertska insalka ra sin ulbi wis: ‘Naku wisa witinka Kasakkira ba, witnis kasak bara diara kasak kat aisi ba, Gâd diara sut paskan ba tâ wina: