Jan 18:30 - DAWAN BÎLA AISKA

³⁰ Witin nani pana win: —Naha waitnika na saura dadaukra apia kaka, yang nani bui man mihtam ra mangkaia apia kapri.

Jan 18:30 ပူးပေါင်းရင်းမြစ်များ

Mark 10:33

Witin nani ra win: “Man nani kaikisma, yawan Jerusalem ra uli auya. Bahara sika Upla Luhpia Waitna ba prîs tara nani bara Lâ Smasmalkra nani mihta ra mangkbia, bara witin nani mita pruaia pâtka ra lakbia ba ra, upla tringsar nani mihta ra mangkbia.

Mark 15:3

Prîs wihtka nani diara ailal dukiara dahra saki kan.

Luk 24:7

‘Upla Luhpia Waitna ba upla saurakira nani mihta ra mangkan kabia, dus prihni ra sin saban kabia, bara yu yumhpa ra kli bubia.’

Jan 18:29

Baha mita Pailat mita baha nani ra taki wih naku aisi, win: —¿Dîa tâwan man nani naha waitnika na dahra kwahkisma ki?

Jan 18:31

Pailat mita pana win: —Man nani mita waitnika na brih was, bara man nani lâmka kat witin lâka dauks. Bamna Ju nani mita win: —Sakuna yang nani Ju nani mita upla ikaia ba lâ apia sa.

Jan 19:12

Baha piua ba wina, Pailat ba trai kaikan Jisas ba pri sakaia. Sakuna Ju nani ai pura karna wini kan: —¡Man baha waitnika pri sâkma kaka, Rom kingka wal uplikam apia sma! ¡Kan ani uplika yakan king taki ba lika, Rom kingka mapara sa!

Apastil Nani Sturka 3:13

Apia, sakuna Ebraham, Aisak, Jekob bara wan damika nani sut Gâdka mita ai Luhpia Jisas ba purara pali buki prana daukan, baha sim Jisaska ra sika man nani mita wihta nani mihta ra mangkatma ba, bara Pailat pri sakaia win ba ra, man nani apia wisatma ba.

2 Timoti 2:9

Naha sturka yamni tâwan, yang pât nani wahwisna, bara ban sin lâ sasauhkra kum baku sîn ni ai priski ai brisa; sakuna Gâd bîla yamni ba lika sîn ni priskras sa.

1 Pita 4:15

Man nani tilam wina kum pât wahwisa kaka, baha pâtka ba upla ikan tâwan, implikan, saura pali daukan bara upla wala bisniska tilara diman tâwan kaia sin apia sa.