Jan 17:24 - DAWAN BÎLA AISKA

²⁴ “Aisa, man mita sika baha nani aikram ba, bamna want sna baha nani sut yang bâra kamna pliska ra kabia, bara baku mika man prana aikram ba kaiki kabia; kan man mita latwan ai kaikram kau tasba na âpu kan piua ba wina.

Jan 17:24 ပူးပေါင်းရင်းမြစ်များ

Blasi Sturka 45:13

Idsip ra yang karnika tara brisna ba tânka sut papiki ra wis, man nani diara sut kaikram ba tânka ba sin. Man nani aihni was, bara aisiki ba pat pali bri bal.

Matiu 25:21

Dawanka ba bila: ‘Pain; man ba alba pain bara yamni sma. Man ba diara wiria wal kasak kapram bamna, diara ailal mihtam ra mangkamna. Bal dimi, yang wal lilia bris.’

Matiu 25:23

Ai dawanka ba mita win: ‘Upla pain; man ba alba pain bara yamni sma. Diara wiria lupia wal kasak kapram bamna, yang mita kau diara ailal mihtam ra mangkamna. Bal dimi, yang wal lilia bris.’

Matiu 25:34

Bara King ba ai aihkika ra nani ba ra wibia: ‘Bal, man nani, Aisiki mita yamni mai munan nani sma ba; king tasbaya na man nani dukiam wisi Gâd tasba paskan wina ridi dauki ban bri ba, bri banhs.

Matiu 26:29

Sakuna mai wisna, naha wainka laya wina kli dimna apia, man nani aikuki Aisiki king aimaki tasbaya ra wain raya dimna yua ba kat.

Luk 12:37

Lilia pali sa baha alba nani yapras raya ban ai dawanka mita bal sakuya ba; yang mai wisna, witin ba ai maisa pain wilki, yaka witin nani ba tibil ra iwbia plun piaia.

Luk 23:43

Jisas pana wisata: —Kasak mai wisni, naiwa yang wal man Paradais ra kama.

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

Jan 12:26

Bamna upla kumi yang duki daukaia want sa kaka, witin nini blikaia sa; bara anira sna pliska ba ra, yang duki dadaukra ba sin bâra kabia. Bamna upla kumi yang duki daukisa kaka, Aisiki mita prana daukbia.

Jan 14:3

Bamna yang wih pliskam ridi daukamna ba ningkara, kli balamna man nani mai brih waia, bara baku mika yang anira sna ba pliska ra man nani sin bâra kama.

Jan 15:9

Aisa mita latwan ai kaiki ba baku, yang bui man nani ra latwan mai kaikisni; baku bamna, yang laitwanka ra ban banhwi bas.

Jan 17:2

Man mita sika Luhpiam ra karnika yaram ba, upla wala nani sut purkara, raya ban kaia lâka yaia baha nani sut man mita witin ra yabram ba.

Jan 17:22

Man prana aikatma ba sika yang bui witin nani ra yâri, witin nani ba asla kumi kaia dukiara, man ba yang wal asla kumi ba baku.

Jan 17:5

Bamna Aisa, nanara aik baha mayunra kau tasba na âpu kan wina man wal kan ba.

Jan 6:37

Diara sut Aisa aiki ba, yang ra aula; baha nani yang ra aula ba, yang sip kangbi sakamna apia pali.

Jan 6:39

Naha sika Aisiki ai blikan ba kupia lâka; witin aikan nani ba wina kumi sin tikamna apia, bamna yang tnata piua ra pruan wina kli bukamna.

Jan 8:58

Jisas pana win: —Kasak pali mai wisni, Ebraham kau aisubi takras kan ba wina, yang pat bâra sni.

1 Korint 13:12

Baha sim natka ra, nanara yawan diara nani kaiki ba lukinglas ra baku sa, lilka tihmu baku; sakuna baha piua ra lika, yawan latan pali kaikbia. Nanara lika yang wiria baman kaikisna, sakuna baha piua ra lika aiska pali kakaira kamna, Gâd mita yang ra kakaira ba baku.

2 Korint 3:18

Baha mita yawan sut, wan mawan kwala ni praki briras ba mita, Dawan prana ba param marikisa sim lukinglas ra kaiki ba baku; bara baku yawan pali na sin kau Kraist wal baku takisa, kan piua bani witin prana ba kau yawan brisa. Naku sika Dawan dauki ba, witinka lika Spirit ba.

2 Korint 4:6

Tihmia ra ingbia dukiara ingni blikan Gâdka ba mita sika, ai ingnika wan kupia ra yan ingwan, bara baku mika baha ingnika wal Gâd prana Jisas Kraist mawanra ingwi ba, yawan kaikaia.

2 Korint 5:8

Wan kupia ra aitani kat mangki luki banhwisa, bara kau ni brin wan daukisa, naha wîna tara lâka ra iwisna na mahka swi si, Dawan lamara wih iwaia.

Pilipai 1:23

Diara wâl ba wina kum saki briaia ba karna sa yang maipara: kum lika mahka prui Kraist wal wih bahara kaia lukisna, kan baha ba kau yamni kabia yang maipara;

1 Tesalonaika 4:17

baha ningkara, yawan kau raya nani ba, witin nani aikuki kasbrika tilara wan brih wan kabia, Dawan wal pâsa purara prawaia. Yawan baku kabia Dawan wal, ban kaia ban kaia ra.

1 Pita 1:21

Kraist bâk Gâd ra kasak lukisma man nani, bara witinka sika pruan nani tila wina kli bukan bara prana sin yan; baku bamna, man nani kasak lukisma lâka ba kainamra diara bîla kaikisma ba sin Gâd ra kasak brisma.

1 Jan 3:2

Muihki laitwankira nani, yawan lika pat Gâd luhpia nani sa; bara tnata yua ra yawan dîa kabia ba tânka nanara kau param sakras sa. Sakuna Kraist kli balbia ba ra, yawan sut witinka wal baku kabia ba tânka pain kaikisa, kan witin nahki ba tânka kat yawan param kaikbia.

Param Marikanka 21:22

Tawanka ba ra yang tempel kumi sin kaikras, baha ba Dawan Gâd, karnika sut bri ba, witinka sin Sîp Luhpia ba, witin ai tempelka sa bamna.

Param Marikanka 3:21

Ya ya sip muni pura lubia ba, yang king iwaiki ra plis kum yabamna, yang wal iwaia, sim yang mita pura lui Aisiki wal ai king iwaika ra iwisna ba baku.