Jan 17:22 - DAWAN BÎLA AISKA

²² Man prana aikatma ba sika yang bui witin nani ra yâri, witin nani ba asla kumi kaia dukiara, man ba yang wal asla kumi ba baku.

Jan 17:22 ပူးပေါင်းရင်းမြစ်များ

Mark 6:7

Bara disaipil nani 12 ba wini, baha nani ba wâl wâl ra blikan, bara pirit saura nani kangbi sakaia karnika sin yan.

Luk 22:30

Man nani plun pima, diara sin dima yang tibilki ra king aimakaisna ba ra, bara king iwaika nani ra iwi, Israel kiamka 12 ba lâka sin daukma.”

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

Jan 1:16

Yang nani sut witin ai yuyaka tara nani ba wina, yamnika sât sât nani bri banhri sa.

Jan 14:20

Baha piua kat man nani tânka brima, yang Aisiki wal asla pali sna ba, bara man nani lika yang wal asla, bara yang mita sin man nani wal asla pali sna.

Jan 17:24

“Aisa, man mita sika baha nani aikram ba, bamna want sna baha nani sut yang bâra kamna pliska ra kabia, bara baku mika man prana aikram ba kaiki kabia; kan man mita latwan ai kaikram kau tasba na âpu kan piua ba wina.

Apastil Nani Sturka 5:41

Apastil nani lika lâ wihtka nani mawan wina liliakira pali taki wan, kan Gâd mita adar yan kata, witin nani ba Jisas nina tâwan swira bara pât wahwaia sin.

Roman 8:30

Bara patitara piua wina Gâd mita aihka sakan nani ba, witin sin baha nani ba paiwan; bara paiwan nani ba sut witin mita kasakkira nani kulkan; bamna baha kasakkira kulkan nani ra mayunra sin yan.

2 Korint 3:18

Baha mita yawan sut, wan mawan kwala ni praki briras ba mita, Dawan prana ba param marikisa sim lukinglas ra kaiki ba baku; bara baku yawan pali na sin kau Kraist wal baku takisa, kan piua bani witin prana ba kau yawan brisa. Naku sika Dawan dauki ba, witinka lika Spirit ba.

2 Korint 5:20

Baha mita yang nani ra Kraist ai blikan sturi yamni smasmalkra nani, baha lika Gâd bui man nani ra yang nani bâk mamkabisa. Bahamna, yang nani Kraist nina ra man nani ra mamkabisna, mahka Gâd wal kupia kumi takma.

2 Korint 6:1

Baku bamna, Gâd warkka dadaukra aikuki wan uplika nani sma ba, mamkabi banhwisna Gâd ai kupia latwanka lâka mamrikan ba, tikpara pali.

Epesus 2:20

Man nani ba utla kumi baku apastil nani bara prapit nani playa bapan ba purara mai paskan sa, bamna Jisas Kraist pali sika baha playa bapan walpaya kau tara ba.

Pilipai 1:29

Kan Kraist ba mita man nani kasak baman lika lukras, sakuna witin tâwan sin pât wahwaia.

Kolosi 1:24

Bamna nanara lilia sna, man nani tâmwan pât wahwisna ba, kan naha natka bâk, yang wîni tara ra kaikisna Kraist pât wahwanka nani kau âpu ba ai sertska dukiara, witin ai wîna tara ba.

1 Jan 1:3

Bamna dîa yang nani kaikri bara walri ba, baha tânka man nani ra param saki aisisna, baha mita man nani lika yang nani wal asla kama, sim yang nani kasak pali Gâd Aisa bara ai Luhpia Jisas Kraist wal asla sna ba baku.

1 Jan 3:24

Ani uplika Gâd lâka nani bîla wali dauki ba, witin lika Gâd wal asla sa, bara Gâd sin witin wal asla sa. Bara naha tânka wal yawan kaikisa yawan ra witin raya iwi ba: Spirit Holikira yawan ra wankan ba mita.

1 Jan 4:17

Baku yawan sip sa latwan lâka ba aiska pali briaia, bara baha mita tnata yua ra wan âuyapah kabia; kan yawan lika naha tasba ra sa sim Jisas Kraist kata baku.

Param Marikanka 21:14

Tawanka walpaya kutbanka ba walpa 12 purara bapan kan, bara baha nani purara Sîp Luhpia apastil 12 nani nina ba ulban kata.