Jan 17:11 - DAWAN BÎLA AISKA

¹¹ “Yang lika kau naha tasba ra takaskamna apia; sakuna witin nani lika tasba ra kabia, kan yang lika auna man wal kaia. Aisa Holikira, ninam karnika ba ni baha nani ra main kaiki bri bas, baha ninam yang ra aikram ba, bara baku mika witin nani sut asla kabia, sim man ba yang wal asla ba baku.

Jan 17:11 ပူးပေါင်းရင်းမြစ်များ

Lawana Nani 79:9

Gâd, man, wan swaki Sasakra, ¡hilp wan muns, pri wan sâks bara wan saurka sin swih tiks, man ninam prana ba mita!

Sins Lâka 18:10

Dawan nina ba tawer kum karnakira sa; upla kasakkira bahara plapi dimisa, ai kan kahbaika pliki brisa.

Aiseya 27:3

Yang, Dawan nasla ba main kaikisna, piua bani lî laikisna. Tihmia ra kakna ra main kaikisna, upla kumi mita sin saura munaia apia ba mata.

Aiseya 64:2

pauta klauhan kiaya ami ba baku, apia kaka, lî ba yan lukwisa. Baha ningkara man waihlam nani ba, kakaira takbia, bara nisan nani sut man mamwanra tatatwi kabia.

Jirimaya 14:21

¡Ninam ban yamni kulkan kaia ba tâwan wan lulki wan swipara; naha tawanka tara na ban saura kulkpara bahara man iwaikam pranakira bâra ba! ¡Yang nani wal lâ daukram ba kau luki bas, baha âmya tiwbiara!

Jirimaya 14:7

¡Dawan, yang nani saura daukri saurka ba mita daihra sakisa, ninam ba pain kulkaia ba mita baku dauks! Aima ailal yang nani na man mampara yamni apia katni, yang nani lika man mampara saura daukri.

Isikiel 20:22

Kuna alki takaskri nini kulkanka tâka, saura takaskaia apia tâwan, baha nisanka nani kaiki kan, Idsip wina brih sakatna ba.

Isikiel 20:44

Israel luhpia nani, yang bui man nani ra dîa mai munri ba, saurkam dukiara lika apia, natkam saura nani dukiara sin apia, kuna yang nini kulkanka tâka, baha ningkara tânka bri banhma, yang sika Dawan sna ba. Yang, Dawan, kasak aisisna.’ ”

Isikiel 20:9

Sakuna nini kulkanka tara wal daukri, saura takaskaia apia dukiara, baha nisanka aikuki iwi ba tilara, kan baha nisanka nani mawanra param taki, pramis munri Idsip wina sakaia.

Matiu 10:16

“¡Kaiks! Yang bui man nani ba sîp baku mai blikisna yul wail nani tilara. Baku bamna, piuta nani baku sinskam ba bri bas, sakuna upla ra saura munras butku nani baku.

Matiu 5:48

Man nani upla kasakkira banhwi bas, kasbrika purara ba kasakkira sa baku.

Matiu 6:9

Baha mita, man nani naku puram suns: ‘Yawan Aisa kasbrika purara sma ba, ninam ba holikira kulkan kabia.

Jan 13:1

Insal luan yua Liliaka ba yauhka baku aimakaia kan, bara Jisas kaikan witin naha tasba na swi si, ai Aisa ra waia awarka ba aimakan kan. Witin ai uplika nani naha tasba ra kan ba sut ra ban latwan kaikan, bamna nanara ai latwanka lâka kau tara pali takan ba sin mariki kan.

Jan 14:20

Baha piua kat man nani tânka brima, yang Aisiki wal asla pali sna ba, bara man nani lika yang wal asla, bara yang mita sin man nani wal asla pali sna.

Jan 16:28

Yang na Aisa wina taki naha tasba ra balri; bamna nanara naha tasba na swi si, kli Aisa ra auni.

Jan 16:33

Naha dukia sut na mai wisni, yang wal asla kama ba mita kupia kumi lâka ba bri kama. Naha tasba ra man nani ban pât wahwaia kama; kuna kupiam karna bri bas, kan yang mita tasba na pura luri sa.

Jan 17:23

Yang mita witin nani ra bara man mita lika yang ra, bara baku mika witin nani ba kumi aihwa pali kabia, bara baha mita tasba uplika nani mita kaikbia man mita ai blikram ba, bara man mita witin nani ra latwan kaikisma, sim yang ra latwan ai kaikisma ba baku.

Jan 17:25

Aisa kasakkira, tasba uplika nani ba lika man ra mai kaikras, sakuna yang mita lika mai kakaira sna, bamna naha nani sin ai dara walisa man mita ai blikram sa.

Jan 17:6

“Baha nani man mita tasba ra iwi uplika nani tila wina saki, yang ra aikram ba sut ra marikri, man ba ya sma ba. Baha nani ba man dukiam kan, sakuna yang ra aikram, bamna man smalkankam bîla nani ba alki brin.

Jan 7:33

Bamna Jisas bila: —Yang lika man nani wal kamna kau piua wiria baman, ningkara witinka ai blikan ba ra kli wamna.

Apastil Nani Sturka 3:21

Ban kra nanara Jisas Kraist ba kasbrika purara takaskaia sa, diara nani sut Gâd mita raya daukbia kat, witin ai prapitka nani bâk piua luan nani ra aisin ba baku.

Roman 12:5

Baku sin, yawan na ailal sa, sakuna Kraist ra prakan ba ra, wîna kumi baman takan sa, bara yawan bani wala wal asla wan prakan sa, wîna tara kumi sirpika nani wal asla ba baku.

Roman 9:17

Bamna Ulbanka ra Gâd mita Idsip kingka ra win: “Man bâk karniki ba marikaia king mai mangkri, bara tasba aiska ra yang nini ba latan marikaia.”

1 Korint 1:10

Muihki nani, wan Dawan Jisas Kraist nina ra man nani ra makabisni: diara nani aisisma ba mapa ra aikuki kupia kumi asla taks, bara baku mika, man nani tilamra dakwi takan lâka nani âpu kabia; sut aikuki asla pali banhwi bas, kupiam lukanka kumi brih, bara dîa daukaia lukisma ba mapa ra sin kumi kaia.

Galesha 3:28

Bamna nanara lika, Ju kaia, apia kaka Grik kaia, alba kaia, apia kaka pri kaia, apia kaka waitna kaia, mairin kaia tânka ba âpu sa; kan Kraist Jisas wal asla kaia lâka ba mita, man nani sut asla kumi sma.

Epesus 4:4

Wîna tara ba kumi baman bâra sa, bara Spirit sin kumi baman, bara baku sin Gâd mita diara kumi baman kainamra briaia dukiara mai paiwan.

Pilipai 2:9

Baha mita, Gâd mita kau prana tara ba witin ra yan, bara nina sut purkara kau nina tara ba sin yaban,

Hibru Nani 1:3

Witin sika Gâd prana ingnika ni ingwi ba; witin sika Gâd lilka talia aihwa pali ba, bara witin sika ai bîla karnakira ni, diara nani sut dihbi alki bri ba. Witin ba wan saurka nani wina sikbi wan sakan ningkara, Gâd king iwaika lama pali kat wih kasbrika purara iwan.

Hibru Nani 9:24

Kan Kraist ba Dawan wal prawaia upla paskan kumi ra dimi waras, baha Dawan wal prawaia watla kasak ba lilka kum baman ba. Witin kasbrika pura pali ra dimi wan, bara nanara Gâd mawanra bahara latan takisa, yawan wan hilpka dukiara.

Jems 4:4

¡Alai upla sip kasak lukras sma nani ba! ¿Man nani kaikras sma ki, tasba ra latwan kaikaia lâka ba lika, Gâd wal waihla takaia lâka ba? Ya ya tasba ra latwan kaikisa kaka, Gâd wal waihla takisa.

1 Pita 1:5

Bara man nani lika Gâd ra kasak lukan lâka brisma ba mita, witin ai karnika ni kainam kahbisa, swaki sakan lâka, tnata piua nani ra param marikaia wisi ridi dauki bri ba, man nani alkma ba kat.

1 Jan 3:12

Yawan lika Ken baku kaia apia sa; witin lika dibil uplika kan ba mita, ai muihni ra ikan. ¿Bara dîa muni ikan ki? Kan Ken dîa dauki kan ba saura baman kan, kuna Abel dîa dauki kan ba lika yamni pali kata.

1 Jan 5:19

Yawan pain kaikisa Gâd uplika nani sa, bara tasba aiska na lika Sitan karnika mununhtara sa.

Judas 1:1

Yang Judas, Jisas Kraist warkka dadaukra bara Jems muihnika ba, naha wauhkataya ulbisna, Gâd Aisa mita latwan kaiki ba bara paiwan ba, baha nani Jisas Kraist mita kan kahbi brisa.

Judas 1:24

Gâd kumi baman bara swaki wan Sasakra ba, karnika brisa main mai kaikaia kauhmara sîa, witin ai mawan pranakira ra maikka buma tâski âpu liliakira. Gâd ra mayunan kabia, tara kulkan lâka karnika bri ba lâka, bara lâ wihtka kaia aitani kulkan lâka ba sin, wan Dawan Jisas Kraist bâk patitara piua ba wina, nanara bara ban kaia ra. Baku kabia.

Param Marikanka 15:4

Dawan, ¿ya man ra sîam briras kabia? ¿Ya sin man ra mamyunras kabia? Kan man baman sika holikira, bara nisan nani sut bal man ra ai pura suni mamyunbia, daukankam kasak nani ba upla sut mita kaikan bamna.”

Param Marikanka 19:12

Ai nakra nani ba pauta lakni baku klauhi kan, bara ai lal purara kraun ailal bri kan. Nina ulban kum bri kan, bara witin baman baha ba kakaira kan.

Param Marikanka 4:8

Diara rayakira walhwal ba kumi bani ai tnawa 6 bri kan, bara nakra pali baman banhki kan pura tani ra bara bîla tani ra sin; kakna bara tihmia naku aisi takaskras kan: “¡Holi, holi, holi, Dawan, Gâd karnika sut bri ba, witinka kaina wina bâra kata ba, bâra ban ba, bara naika balaia ba!”