Jan 16:3 - DAWAN BÎLA AISKA

³ Baku daukan kabia, kan tasba wina uplika nani ba mita Aisiki ra kakaira apia sa, bara yang ra sin ai kakaira apia sa.

Jan 16:3 ပူးပေါင်းရင်းမြစ်များ

Luk 10:22

“Diara nani sut na Aisiki mita yang ra atia aikan sa. Upla kumi sin Luhpia ba kaikras, Aisiki yakan mika; bara upla kumi sin Aisa ba kaikras, Luhpia baman bara baha nani Luhpia mita yarka kakaira takaia want ba baman.”

Jan 15:21

Naha diara sut yang tâiwan man nani ra mai munan kabia, kan naha tasba wina uplika nani mita, witinka yang ai blikan ba kakaira apia sa.

Jan 15:23

Bamna ani uplika yang ra misbara ai kaiki ba, Aisiki ra sin misbara kaikisa.

Jan 17:25

Aisa kasakkira, tasba uplika nani ba lika man ra mai kaikras, sakuna yang mita lika mai kakaira sna, bamna naha nani sin ai dara walisa man mita ai blikram sa.

Jan 17:3

Bamna raya ban kaia lâka ba lika, mai kakaira takaia, Gâd kumi baman kasakkira sma ba, bara Jisas Kraist ra sin kakaira takaia, witinka man mita blikram ba.

Jan 8:19

Bamna baha nani mita makabi walan: —¿Man aisikam ba anira sa ki? Jisas pana win: —Man nani bui yang ai kakaira apia sma, bara Aisiki sin kakaira apia sma; yang ai kakaira banhwi katma kaka, Aisiki ra sin kakaira kaia kapram.

Jan 8:55

Ban sakuna, man nani bui witin ba kakaira apia sma. Yang lika witin ra kakaira sni; bara witinka ba kaikras wimna kaka, yang sin man nani wal baku kuninkira sna. Sakuna kasak pali mai wisna, witin ba yang kakaira sna, bara ai bîla sin wali daukisni.

Apastil Nani Sturka 3:17

“Muihki nani, nanara yang tânka ba brisna, man nani wihtkam nani aikuki Jisas ikram ba lika, tânka briras katma dîa dauki katma sapa.

1 Korint 2:8

Naha tasba wihtka nani wina kumi sin sinska lâka na tânka briras kata. Witin nani tânka na brin kan sa kaka, Dawan pranakira ba dus prihni ra sabaia apia kan.

2 Tesalonaika 1:8

Witin balbia, Gâd ra kakaira apia nani ra, bara wan Dawan Jisas Kraist swaki wan sakan sturka yamni bîla wali daukras nani ra klala yabaia.

1 Timoti 1:13

Pas piua, witin mapara saura aisari, rausauhki kapri, bara saura sin muni kapri sakuna, witin mita ban yang ra naha sut ai daukan. Gâd mita umpira ai kaikan, kan baha piua yang na kau lalukra apia katna; bara dîa dauki kapri ba sin kaikras kapri.

1 Jan 2:23

Luhpia ra kulkras uplika nani sut ba, Aisa ra sin kulkras sa; sakuna ya Luhpia ra kulki ba, Aisa ra sin kulkisa.

1 Jan 3:1

Kaiks man nani, nahki Aisa Gâd latwan tara wan kaiki ba, bamna yawan na Gâd luhpia nani wan kulkan sa, bara kasak pali yawan lika witin ai uplika nani sa. Baha mita tasba uplika nani bui wan kakaira apia sa, kan witin nani lika Gâd ra kakaira apia ba mita.

1 Jan 4:8

Bamna ya latwan lâka âpu sa, Gâd kakaira apia sa, kan Gâd ba latwan lâka sa.

1 Jan 5:20

Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.