Jan 15:20 - DAWAN BÎLA AISKA

²⁰ Bamna dîa mai wîri ba dukiara kupiam krauki bas: ‘Alba kumi sin âpu sa, witin ai dawanka wal kau tara ba.’ Yang pali nini bliki rau ai sauhkan sa kaka, man nani ra sin ninam bliki rau mai sauhkan kabia; bara witin nani bui yang smalkanki bîla ba alki brin kaka, man nani smalkankam bîla ba sin alki bribia.

Jan 15:20 ပူးပေါင်းရင်းမြစ်များ

Isikiel 3:7

Sakuna Israel luhpia nani mai walan daukras kabia, kan Israel luhpia nani yang aisisna ba walan daukras kan. Witin nani sut ba brabrukra sa bara lal sin karna.

Matiu 10:24

“Disaipil lika ai smasmalkra ba purara apia sa, bara alba kumi sin ai kiaptinka purara apia.

Mark 10:39

Witin nani bila: —Yang nani sip sna. Jisas witin nani ra win: —Kasak pali: yang dimna kapka ba wina dima, bara yang ra tahbi ai daukbia ba man nani ra sin tahbi mai daukbia;

Luk 2:34

Simian witin nani ra yamni munan, Jisas yaptika Meri ra naku wisata: —Kaiks, naha tukta lupia na mangkan sa, Israel luhpia nani uya kauhbia, bara kli bubia ba dukiara sin. Witin na upla uya bahki kulkaia sainka kum kabia,

Luk 6:40

Disaipil kumi sin ai smasmalkra ba wal kau purara apia sa. Sakuna witin diara sut lan takbia ba ra lika, ai smasmalkra wal baku kabia.

Jan 10:31

Bara Ju nani kli walpa nani brin, Jisas ra lulki sabaia.

Jan 11:57

Parisi nani bara prîs tara nani mita adar yan kata, ani uplika Jisas anira takaski ba kaiki kaka, witin nani ra wibia, bara baku mika sip kabia alkaia.

Jan 13:16

Kasak pali yang mai wisni, alba kumi sin kau tara apia sa ai dawanka ba wal, bara blikan uplika kumi sin kau tara apia sa witinka bui blikan ba wal.

Jan 5:16

Baha mita Ju nani ba Jisas ra ai waihla saki ikaia want kata, kan naha diara nani na ris yua ra dauki kan bamna.

Jan 7:32

Parisi nani walan upla nani Jisas dukiara dîa aisi kan ba; bamna witin nani bara prîs wihtka nani mita tempel ba wina suldiar nani saki blikan, Jisas ba priski brih waia.

Jan 8:51

Kasak pali mai wisni, ya yang aisisna ba alki bribia kaka, witin prubia apia ban kabia.

Jan 8:52

Bara Ju nani pana win: —Nanara yang nani kasak kaikisna, man lika pirit saura kum brisma. Ebraham bara prapit nani sut pruan, bamna man wisma: ‘Ya yang bîli alki bribia kaka, prubia apia ban kaia ra.’

Jan 8:59

Baku mika Ju nani mita walpa wahbi brin, Jisas ra sabaia; sakuna witin yukuwi, tempel wina taki wan.

Apastil Nani Sturka 14:22

Baha pliska nani ra kristian nani sut ra tâ baikan, ban sin smalki kupia kraukan kasak lukan lâka ra bapi bûi kabia, bara sin win Gâd king aimaki tasbaya ra dimaia kaka, pât nani wahwaia sa.

1 Korint 4:12

bara yang nani mihti ni baman wark taki swapisna. Upla nani mita saura wan wisa, sakuna pana yang nani mita bîla yamni nani wisna. Rau wan sauhki banhwisa, sakuna ban bapi bûi wahwisna.

2 Korint 4:9

Wan nina bliki rau wan sauhkisa, kuna wan lulki lika swiras; tasba ra wan batakisa, sakuna wan sauhki lika tikras.

1 Tesalonaika 2:15

Naha Ju nani sika Dawan Jisas ba ikan, patitara ai prapitka nani ra ikan ba baku; bara yang nani ra sin kangbi ai sakan. Witin nani ba dîa Gâd want ba kat daukras bara upla sut mapara bûi banhwisa.

2 Timoti 3:12

Bamna kasak pali sa, ani uplika nani Kraist Jisas wal asla holikira iwaia want lukisa kaka, witin nani ba nina bliki rausauhkan kabia;

1 Samuil 8:7

sakuna Dawan pana witin ra win: “Upla nani diara sut makabi ba kupia lâka ba kat dauks. Witin nani man ra lulki mai swiras, sakuna yang ra sika ai lulkisa, ai kingka kamna ba brin daukras.