Jan 14:24 - DAWAN BÎLA AISKA

²⁴ Ani uplika latwan ai kaikras ba, yang dîa aisisna ba kat wali daukras sa. Yang wina man nani smalkanka walisma ba, yang duki apia sa, sakuna Aisa ai blikan ba dukia sa.

Jan 14:24 ပူးပေါင်းရင်းမြစ်များ

Matiu 19:21

Jisas pana witin ra win: —Man kasak pali takan mai daukisa kaka, was bara dîa dîa brisma ba atki upla umpira nani ra yas, bara baku lika kasbrika purara yuya nani bri kama; baha ningkara bal, bara nini blîks.

Jan 14:10

¿Pilip, man kasak lukras sma ki, yang na Aisa wal asla pali sna ba bara Aisa sin yang wal asla pali ba? Diara nani man nani ra mai wisna ba lika, yang yakan mai wiras. Aisa yang ra iwi ba mita sika ai warkka daukisa.

Jan 14:15

“Bamna man nani latwan ai kaikisma kaka, lâika bîla nani ba wali dauki kama.

Jan 14:25

“Naha diara sut na man nani ra mai wisna, kau man nani aikuki sna bamna.

Jan 3:11

Kasak mai wisna, dîa yang nani kaikisna ba baha aisisna, bara dîa yang nani kaikri ba, witniska nani aimakisna; sakuna dîa yang nani mai wisna ba, man nani sip kasak lukras sma.

Jan 3:34

bamna Gâd mita blikan uplika ba, Gâd bîla nani ba aisisa, kan Gâd mita ai Spiritka ba piua bani yabisa.

Jan 5:19

Bamna Jisas bila baha nani ra win: “Yang kasak pali man nani ra wisna, Gâd Luhpia ba witin yakan diara daukras sa, sakuna Aisa dîa daukan kaikan ba sika, witin daukisa. Diara sut Aisa mita dauki ba, Luhpia sin daukisa.

Jan 5:38

Ai smalkanka bîla ba sin man nani kupiam ra dimras, kan Aisa mita blikan ba ra kasak luki banhkras sma.

Jan 7:16

Jisas mita pana win: —Smalkanki nani ba yang duki apia sa, sakuna witinka ai blikan ba dukia sa.

Jan 7:28

Jisas tempel ra smalki kan ba ra, witin baha wali, ai bîla baikra karna aisin: —¡Baku bamna, ai kakaira sma bara ani wina aulna ba sin man nani kaikisma! Sakuna yang yakan balras; witin kasak lukaia aikan ba mita ai blikan, man nani bui witin ba kakaira apia sma.

Jan 8:26

Diara ailal brisni mai wiaia, bara man nani lâmka aisi daukaia sin, sakuna ai blikan ba lika kasak ba aisisa, bamna witinka wina walri ba sika tasba ra aisisna ba.

Jan 8:28

Bamna Jisas baha nani ra win: —Man nani mita Upla Luhpia Waitna purara bukma, bâra mika kaikma “Yang sika, Yang sna” ba tânka, bara yang yakan lika daukras, Aisa ai smalkanka ba baman lika aisisni.

Jan 8:38

Aisa mita dîa ai marikan ba sika, yang aisisna ba; man nani diara daukisma ba lika Aisikam mai win bamna.

Jan 8:42

Bamna Jisas pana win: —Gâd ba kasak man nani aisikam kata kaka, latwan ai kaikaia katma, kan yang lika Gâd wina ai blikan nahara sni. Yang yakan balras, sakuna Gâd mita ai blikan.