Jan 14:21 - DAWAN BÎLA AISKA

²¹ Bamna ani uplika lâika nani tânka brisa bara bîli kat wali daukisa kaka, witin param marikisa yang ra latwan ai kaikisa. Latwan ai kaiki uplika ra, Aisiki latwan kaikbia, bara yang sin latwan kaikamna, ban sin witin ra latan takamna.

Jan 14:21 ပူးပေါင်းရင်းမြစ်များ

2 King Nani 18:6

Kan witin Dawan kat nina blikan, bara sin witin Dawan yabalka ba wina tnaya ra tawras kan, dîa Dawan bîla kainara Moses bâk ulbi yaban kan ba kat alki dauki kan.

Lawana Nani 35:27

Baha nani yang puri lubia bara ai kaikaia luki nani ba, aiwani lilia kabia; witin nani takaskras kau aisi kabia aima bani: “Dawan ba tara pali kulkan sa; witin ai napakanka diara sut dauki ba yamni pali kaikisa.”

Impakan Sturka 33:18

Moses bui Dawan ra win: —¡Man pramna ba aik kaikamna!

Sins Lâka 8:17

latwan ai kaiki uplika nani ra, yang mita latwan kaikisni; bara ya nani ai pliki ba ai sakisa.

Jirimaya 31:31

Dawan ba kasak aisisa: “Yua kum balbia bara yang daukamni lâ raya Israel bara Juda wal ra;

Sofonías 3:17

Dawan, man nani Gâdkam, man nani tilamra sa. ¡Witin karnika sut pali brisa, bamna swaki mai sâkbia! Dawan ba man nani dukiamra ai âuyapah kabia. Ai latwanka lâka ni upla raya mai daukbia; bara witin ai liliakira aiwanbia

Luk 11:28

Witin pana aisin: —¡Kau yamni pali sa baha uplika nani Gâd bîla wali, ba kat dauki nani ba!

Jan 14:15

“Bamna man nani latwan ai kaikisma kaka, lâika bîla nani ba wali dauki kama.

Jan 14:18

“Yang bui man nani ba, ban lulki mai swimna apia; kli balamni man nani wal kaia dukiara.

Jan 15:14

Bamna man nani sika upliki nani, yang dîa mai wisna ba sut daukma kaka.

Jan 16:14

Witin mita yang ra maiyunbia, kan dîa witin bribia ba lika yang duki wina sa, baha mita man nani ra tânka ba sut mamrikbia.

Jan 16:27

kan Aisa mita man nani ra latwan mai kaikisa. Latwan mai kaiki ba lika, man nani mita yang ra latwan ai kaikisma bamna, bara kasak sin luki banhram yang na kasak Gâd wina balri.

Jan 17:23

Yang mita witin nani ra bara man mita lika yang ra, bara baku mika witin nani ba kumi aihwa pali kabia, bara baha mita tasba uplika nani mita kaikbia man mita ai blikram ba, bara man mita witin nani ra latwan kaikisma, sim yang ra latwan ai kaikisma ba baku.

Apastil Nani Sturka 22:18

Dawan ba kaikri, bara yang ra ai win: ‘Mahka aihni pali trai kaiki Jerusalem na wina taks, kan yang witniski man aisama ba, naha uplika nani walbia apia bamna.’

2 Korint 12:8

Baha latwan brisna ba wîni wina sâkbia dukiara, Dawan ra aima yumhpa makabri,

2 Korint 3:18

Baha mita yawan sut, wan mawan kwala ni praki briras ba mita, Dawan prana ba param marikisa sim lukinglas ra kaiki ba baku; bara baku yawan pali na sin kau Kraist wal baku takisa, kan piua bani witin prana ba kau yawan brisa. Naku sika Dawan dauki ba, witinka lika Spirit ba.

2 Korint 4:6

Tihmia ra ingbia dukiara ingni blikan Gâdka ba mita sika, ai ingnika wan kupia ra yan ingwan, bara baku mika baha ingnika wal Gâd prana Jisas Kraist mawanra ingwi ba, yawan kaikaia.

Kli Smalkanka 11:13

“Kupiam aiska kira, sulkam aiska kira Dawan Gâdkam ra latwan kaiki mayuni, bara ai lâka nani mamrikan ba ban dauki kama.

Kli Smalkanka 7:13

Man nani ra latwan mai kaikbia, yamni mai munbia bara man nani ailal sahwi kama; luhpiam nani ra, plawarkam mâ ra, wainkam ra, namsla ra mâ krikaia ra, plawarkam mâ, wainkam bara batankam laya, bîpkam bara sîpkam luhpia nani ra yamni munbia, kuntrikam almukka nani ra yabaia win ba ra sin yamni munbia.

2 Tesalonaika 2:16

Wan Dawan Jisas Kraist pali mita bara Gâd wan Aisa, witinka ai yamnika ra latwan wan kaikan ba, ban kaia ra maisa nihkra wankan ba, bara bîla kaikanka yamni kum sin wankan sa,

2 Timoti 4:22

Dawan Jisas Kraist man wal kabia, bara Gâd mita man nani sut ra yamnika maikbia. Baku kabia.

1 Jan 2:5

Sakuna, ani uplika Dawan dîa wi ba kat dauki ba, baha sika Gâd ra kasak pali latwan kaiki ba; baku lika kaikan sa yawan, witin wal asla sa.

1 Jan 3:1

Kaiks man nani, nahki Aisa Gâd latwan tara wan kaiki ba, bamna yawan na Gâd luhpia nani wan kulkan sa, bara kasak pali yawan lika witin ai uplika nani sa. Baha mita tasba uplika nani bui wan kakaira apia sa, kan witin nani lika Gâd ra kakaira apia ba mita.

1 Jan 5:3

Baku bamna, Gâd ra latwan kaikaia ba lika ai lâka bîla nani sin wali daukaia sa; bara ai lâka bîla nani ba mita wirha wan taibras sa.

2 Jan 1:6

Latwan lâka tânka ba sika naha: Gâd lâka nani ra dîa wi ba kat iwi kaia; bamna tâ pali piua ra baha lâka ba dukiara pat walram baku, man nani latwan lâka ra iwi kama.

Param Marikanka 2:17

¡Ya ai kiama bri ba, Spirit serts nani ra wi ba, witin walaia sa! Ya sip muni pura lubia ba, manâ yukukan ba wina yang mita yârika pibia; bara walpa pihni kum yabamna, bara baha walpaya ra nina raya kum ulban sa baha ba upla kumi sin kakaira apia, uplika brisa ba baman.’

Param Marikanka 22:14

Lilia pali sa ai kwalka nani tuski nani ba, raya kaia dusa ba wina briaia ai raitka briaia, bara sin durka nani bâk tawan ra dimaia sip kaia.

Param Marikanka 3:20

Kaiks, yang dur ra kingbisna; ya yang bîli baikra wali dur ba kwâkbia kaka, ai watla ra dimi witin wal plun pimna.