Jan 13:31 - DAWAN BÎLA AISKA

³¹ Judas mahka taki wan ba ra, Jisas bila: —Nanara sika Upla Luhpia Waitna prana ba param marikan kabia, bara witin bâk Gâd prana ba sin marikan kabia.

Jan 13:31 ပူးပေါင်းရင်းမြစ်များ

Matiu 8:20

Jisas bila pana win: —Sikiski nani ba ai dimaika nani brisa, daiwan tnawira nani ba sin ai watla nani brisa; sakuna Upla Luhpia ba lika ai lal kahbaika sin âpu sa.

Luk 12:50

Pât wahwanka saura bâk luaisna ba ra, nahki pât wahwisna ba lika tnata kat brih wabia.

Jan 11:4

Jisas naha wali, naku aisin: —Naha sikniska Lasarus ra alkan na lika pruaia dukia apia sa, sakuna Gâd prana ba marikaia bara yaka baha sikniska bâk, Gâd Luhpia prana ba marikaia dukiara sa.

Jan 12:23

Bamna, Jisas pana win: —Piua ba aimakan sa, Upla Luhpia Waitna prana daukan kaia.

Jan 12:28

Aisa, ninam ba prana dauks. Bamna bîla baikra kumi kasbrika purara ba wina walan ba, naku win kata: “Yang baha ba pat prana daukri, bara kli sin prana daukamni.”

Jan 14:13

Diara sut man nani bui yang nini mâki makama ba, yang daukamna, bara baku mika Luhpia ba mita Aisa prana ba marikbia.

Jan 16:14

Witin mita yang ra maiyunbia, kan dîa witin bribia ba lika yang duki wina sa, baha mita man nani ra tânka ba sut mamrikbia.

Jan 7:39

Naha tânka na wal, Jisas wiaia want kan, ya witin ra kasak lukbia ba Spirit ba bribia. Baha piua ra Spirit ba kau balras kan, Jisas kau ai prana daukras kan bamna.

Apastil Nani Sturka 2:36

“Israel nisanka ba sut naha diara na dukiara pain ai dara walaia sa: Baha sim Jisaska man nani dus ra sabi ikram ba, Gâd mita witin ba Dawan bara Misaya sin mangkan sa.”

Apastil Nani Sturka 3:13

Apia, sakuna Ebraham, Aisak, Jekob bara wan damika nani sut Gâdka mita ai Luhpia Jisas ba purara pali buki prana daukan, baha sim Jisaska ra sika man nani mita wihta nani mihta ra mangkatma ba, bara Pailat pri sakaia win ba ra, man nani apia wisatma ba.

2 Korint 3:18

Baha mita yawan sut, wan mawan kwala ni praki briras ba mita, Dawan prana ba param marikisa sim lukinglas ra kaiki ba baku; bara baku yawan pali na sin kau Kraist wal baku takisa, kan piua bani witin prana ba kau yawan brisa. Naku sika Dawan dauki ba, witinka lika Spirit ba.

Epesus 1:12

Witin baku daukan, baha mita yang nani pas tâura Kraist ra luki kainira diara briaia lukri ba, raya banhwi kamna Gâd ai prana tara ba tâwan mayunan kabia dukiara.

Epesus 2:7

Naha daukan ba ni wan marikisa, witin naika piua ra latwan tara wan kaiki kabia ba, bara yawan ra ai kupia pihni lâka ba lika Kraist Jisas ba mita baman.

Epesus 3:10

Bamna baku takan, baha mita nanara serts bâk Gâd ai sinska lâka sât sât ba yaka param kaikbia, baha nani kasbrika purara tâ aimaki nani ba bara karnika alki nani ba sut.

Pilipai 2:11

Bara upla param pali aisabia, Jisas Kraist ba Dawan sa, Gâd Aisa ra kulkanka yabaia dukiara.

1 Pita 1:21

Kraist bâk Gâd ra kasak lukisma man nani, bara witinka sika pruan nani tila wina kli bukan bara prana sin yan; baku bamna, man nani kasak lukisma lâka ba kainamra diara bîla kaikisma ba sin Gâd ra kasak brisma.

1 Pita 2:12

Gâd ra kakaira apia nani tilara pain watauki bas. Baku, witin nani bui mampara man nani ba lâ sasauhkra nani baku damhra sâkbia ba ra, daukankam pain nani ba kaiki, Gâd ra mayuni kabia, witin bal tânkam dukiara mamkabi walbia yua ra.

1 Pita 4:11

Upla kumi aisi kaka, ai bîla aisanka nani ba Gâd bîla nani baku kaia sa. Upla kum ai uplika dukia daukisa kaka, Gâd mita karnika yabi ba wal daukbia. Dîa dîa man nani daukma ba Jisas Kraist bâk, Gâd ra mayunra yabaia dukiara kabia, bara witinka ra prana ba bara karnika sin yan kabia, ban kaia ra. Baku kabia.