Jan 12:40 - DAWAN BÎLA AISKA

⁴⁰ “Gâd mita baha uplika nani ba nakras bara kupia karna daukan, ai nakra nani ni kaikbiara sîa, bara ai sinska ni tânka bribiara, bara witin nani tawi yang ra balka rakamnara sîa.”

Jan 12:40 ပူးပေါင်းရင်းမြစ်များ

1 King Nani 22:20

Bara Dawan makabi walan ya bui king Ahab ra munka Ramot Galaad tasbaya ra uli wih, bahara prubia. Bara kum kum b, diara kum aisi kan, bara wala nani ba diara wala aisi kan.

Lawana Nani 41:4

Yang wîri: “Dawan, umpira ai kaiks; sikniski na wina ai râks, mampara saura yabri sakuna.”

Lawana Nani 6:2

Dawan, umpira ai kaiks, karnika âpu baku sna bamna. Dawan, karniki kli aik, wîni aiska na tatatwisa bamna.

Impakan Sturka 10:1

Dawan bui Moses ra win: —Was king fero kaikaia, yang mita daukri witin ai uplika tara nani ba aikuki ai kupia karna upla bîla walras kaia. Bara baku yang bui witin nani bâk, warkki aihkakira nani dauki marikamni, yang warkki nahki daukaia sip sna ba.

Impakan Sturka 11:10

Bamna Moses bara Eran wal naha warkka aihkakira nani sut pali king fero mawanra daukan, sakuna Dawan aisin ba baku, witin bui Israel luhpia nani ba swin taki waras kan Idsip wina.

Impakan Sturka 14:17

Yang bui Idsip uplika nani ba kupia karna daukamna, bara witin nani sin Israel luhpia nani nina bliki kabu lilapas bâk lui waia wisi wabia. Bara bahara yang bui king fero ra, war aiklaklabra nani ra bara aras âiulra nani ba sut ra sin, karniki ba marikamni.

Impakan Sturka 14:4

Ban sakuna, yang mita king fero ba kupia karna daukamna, bara man nani ninam blîkbia; baha piua ra yang karniki ba witin ra marikamna. War aiklaklabra daknika nani ba sin karniki kaikbia, bara Idsip uplika nani ba sin baha piua ra kaikbia, yang sika Dawan sna ba tânka.” Bara Moses win ba baku, Israel luhpia nani ba daukan.

Impakan Sturka 14:8

Bara Dawan mita king fero ba kupia karna kaia daukan, Israel luhpia nani ba ban nina bliki waia, baha nani karnika tara wal taki wan sakuna.

Impakan Sturka 4:21

Baha ningkara, Dawan bui Moses ra win: —Man Idsip ra wama ba ra, kasak damra wals, king fero mawanra wark aihkakira nani daukaia karnika maikri ba sut pali daukaia. Yang tani lika, yang munamna king fero kupia ba kau karna taki kaia, bara Israel luhpia nani ba swika taki wabia apia.

Impakan Sturka 7:13

Baha sut kaikan sakuna, king fero lika kau ai lal karna daukan. Witin Moses bara Eran wal bîla walras, Dawan bui Moses ra wisata ba baku.

Impakan Sturka 7:3

Ban sakuna, yang mita king fero ba lal karna, upla bîla walras daukamna. Bara witin bui man bîlam walbia apia. Yang lika Idsip ra sain nani ailal daukamna, wark aihkakira nani sin ailal daukamna. Bamna

Impakan Sturka 9:12

Ban sakuna, Dawan mita king fero kupia ba karna daukan bara witin Moses bara Eran wal bîla walras, Dawan mita Moses bara Eran wal ra win ba baku.

Aiseya 26:11

Dawan, man upla nani klala yabaia ridi sma, sakuna witin nani baha kaikaia brin daukras; man upla nani ra latwan kaikisma ba ra, witin nani lawaska kakikra takisa. ¡Man kupiam baiwanka pata klauhi mita, angki tikaia pan si!

Aiseya 29:10

Kan man nani puramra upaia spiritka laikan, man nani prapit nani ba sika namkra nani, sakuna Dawan mita lal purara kwala prakan.

Aiseya 53:5

Sakuna witin ba rausauhkan kan yawan lika Dawan mapara babura nani takan tâka mita, wipan, ai taya klungwan yawan wan saurka nani ba tâwan; yawan ra wan kupia kumi lâka ba wankaia klalka ba witin purara sunan, witin ai wîna sukwanka nani ba mita yawan nani wan rakan.

Aiseya 6:10

Naha uplika banhwi ba, kupia twakni takisa bamna. Kiama untika ba praks bara nakra sin praks, witin nani ai nakra ni kaikbiara, ai kiama ni sin walbiara, bara diara tânka bribia apia, bara witin nani kra tawi balbiara, yang sin witin nani ba rakamna apia.”

Aiseya 6:9

Bara witin ai win: “Was, naha bîla baha uplika nani ra wis: ‘Man nani kau wali kama, tânka brima apia; man nani kaiki kama, sakuna tânka pali ba brima apia.’

Jirimaya 3:22

Maipara babura kiamka nani, yang ra kli tawi bal, man nani maipara buisma sikniska ba wina mai rakamna.’ ” “Bahamna yang nani lika man ra balri, nâra sna, kan man sika yang nani Dawan, Gâdki.

Jirimaya 5:21

‘Tanis lamla karna takan uplika, man nani naha wals, namkra brisma sakuna kaikras, kiamam brisma sakuna walras sma ba.

Isikiel 12:2

“Upla luhpia, man upla mapara babura tilara iwisma; baha nani ai nakra nani brisa kaikaia kuna kaikras, bara ai kiama bri banhwisa walaia kuna walras, kan mapara babura uplika sa bamna.

Isikiel 14:9

“Bara prapit kum kunin munbia kaka, bara sturi aisabia ba, yang Dawan kunin munri kabia, baha prapitka ra; bara mihti sakbamna yang upliki nani ra bara klala yabamni, bara sauhki sin âpu tikamni Israel luhpia nani tila ba wina.

Oseas 14:4

Dawan aisisa: “Upliki nani maipara buaia sikniska bri ba sîka daukaisna; witin nani ra ban latwan kaikaisna, latwan kaikaia apia uplika nani takan sakuna, witin nani mapara lawanki tara briri ba pat luan sa bamna.

Oseas 6:1

Man nani sut bal, bara Dawan ra yawan kli wap; witin mita yuya man wan daukan sakuna, wan sikniska nani wina sin kli wan rakbia; witin ai klalka mita wan wîna insauhkan, sakuna witin sin kli sîka wan daukbia.

Matiu 15:14

Baha nani ba swis, witin nani ba nakras bara nakras wala nani ba tâ brisa. Bara nakras kum nakras wala tâ brisa kaka, wâlsut unta kum ra kauhbia.

Mark 4:12

ai nakra ni kaikbia, sakuna kaikras baku kabia, walbia sakuna sip tânka briras kabia, ai kupia nani lakbia apia, ai saurka nani sin swih tikras kabia.”

Mark 6:52

Kan brit sainka tara ba kau tânka pain briras kan, ai kupia nani kau karna kan bamna.

Luk 4:18

“Dawan Spiritka ba yang purira sa, kan aihka ai sakan sa, sturi yamni upla umpira nani ra brih waia dukiara; silak ra mangkan uplika nani ra pri lâka smalkaia ai blikan, bara blain nani ra yarka kaikaia, taiban ra uplika nani ba pri sakaia;

Luk 8:10

Bara witin bila: “Gâd mita man nani ra lika ai kingka lâka diara yukukan nani ba tânka briaia maikan sa; sakuna upla wala nani ra lika maprika ra baman aisisna, witin nani kau kaikbia, bara kau kaikras takbia, bara kau walbia ba ra, kau tânka bribia apia.

Jan 12:39

Baku bamna, witin nani sip apia kan kasak lukaia, bamna Aiseya sin naku ulban:

Jan 9:39

Ningkara, Jisas bila: —Yang balri naha tasba ra lâ daukaia dukiara, blain nani ba diara pain brih kaikbia, bara diara pain kaiki nani ba blain takbia dukiara.

Apastil Nani Sturka 15:3

Antíoco sertska uplika nani mita witin nani ba blikan, bara ai impakanka ba brin. Bara ban Fenicia bara Sameria tasbaya nani bâk maisa paki wan, nahki Ju apia nani ai lukanka almuk nani ba lulki si, Dawan nina blikan ba tânka. Wan muihni nani naha sturka walan ba ra, uya lilia pali takan.

Apastil Nani Sturka 28:26

Witin ba bila: ‘Baha uplika nani ra wih wis: Man nani walaia lika walma, sakuna tânka lika brima apia; kaikaia lika kaikma, sakuna pain pali lika kaikma apia;

Apastil Nani Sturka 3:19

Baku bamna, man nani sut daukankam saura nani wina mahka Dawan ra taws, bâra mika saurkam nani sut ba diki sakan kabia. Baku bamna, Dawan bui man nani mai rakaia piua ba blîkbia,

Roman 9:18

Baku bamna, yaura Gâd mita yamni kaikaia lukuya ba, witin mita yamni kaikisa, bara ya kupia karna daukaia lukuya ba, witin mita kupia karna daukisa.

Kli Smalkanka 29:4

Sakuna nanara kat sin, Dawan mita maikras sa kupiam ra, bara sinskam ra baha tânka nani ba luki pliki kaikaia.

Jasua 11:20

kan Dawan mita ai waihla nani ba kupia karna daukan, Israel luhpia nani mapara buaia, baku ba ra, Israel luhpia nani mita sut sauhki tikaia, umpira kaikan luha, Moses ra Dawan mita adar yabata ba baku.