Jan 12:34 - DAWAN BÎLA AISKA

³⁴ Bara upla nani ba mita pana win: —Lâ wauhkataya wina yang nani kaikisna Misaya ba lika ban kaia ra raya kaia sa. ¿Bamna nahki man wisma, Upla Luhpia Waitna ba purara bukan kaia sa? ¿Baha Upla Luhpia Waitna ba ya sa ki?

Jan 12:34 ပူးပေါင်းရင်းမြစ်များ

2 Samuil 7:13

Witin tempel kum mâki aikbia, bara ai kingka lâka ba ban karna kaia daukamni.

Lawana Nani 110:4

Dawan ba swer takan, bara ai kupia kli lakbia apia: “Man ba prîs sma ban kaia ra, Melkisedek baku lâka ra.”

Lawana Nani 72:7

Kupia kumi lâka bara wapni kaia lâka, king aimaki piua nani ba sut ra, kati ba kasbrika purara âpu takbia ba kat ban kabia.

Aiseya 53:8

Witin pât âpu pali kan silak watla ra mangkan bara upla kum sin âpu kan witin tâwan aisaia; upla kumi sin witin dukiara dîa takbia ba lukras kan. Naha tasba wina upla nani ba mita daiki sakan, upliki nani saurka ba mita witin ra ikan.

Aiseya 9:7

Witin Debit iwaika ra iwbia; ai kingka lâka ba plis bani ra yaka wabia bara kupia kumi lâka ba ban kabia; ai kingka lâka ba kasakka lâka wapni lâka playka pura karna bapbia, nanara wina ban kaia ra. Dawan, karnika sut bri ba ai latwanka laptika ba ni baha daukbia.

Daniel 2:44

Baha kingka nani dauki yua nani ra kasbrika purara Gâdka ba king lâka kum bukbia bara ban kaia ra sauhki tikan kabia apia, nisan wala kumi mita sin pura lubia apia, ban sakuna, king lâka wala nani sut ra pura lubia, bâra ban kabia ban kaia ra.

Daniel 7:14

Bara witin ra yan karnika, prana ba bara king lâka ba sin, bara upla sâtka bani ba sut, bîla sât sât aisi ba sut ra sin yan dukia dauki kan. Ai karnika ba ban kaia ra sa, ai kingka lâka ba sauhki tikan kabia apia.

Daniel 7:27

King lâka, karnika bara prana lâka naha tasba aiska kingka lâka ba sut Gâd Laih Purara iwi ba uplika nani ra yan kabia, ai king lâka ba ban kaia ra ban kabia sa, naha tasba uplika nani sut bui ai dukia dauki kabia, bîla sin wali kabia.’

Matiu 16:13

Jisas ba Sesaria Pilipai tasbaya ra balan ba ra, ai disaipilka nani ra makabi walan: —¿Yang, Upla Luhpia Waitna na, upla nani ya sna ai wisa?

Matiu 21:10

Jisas Jerusalem ra diman ba ra, tawan aiska ba turban pali takan, bara upla ailal makabi walan: —¿Naha na ya?

Matiu 8:20

Jisas bila pana win: —Sikiski nani ba ai dimaika nani brisa, daiwan tnawira nani ba sin ai watla nani brisa; sakuna Upla Luhpia ba lika ai lal kahbaika sin âpu sa.

Jan 10:34

Jisas pana win: —Man nani lâmka ra Gâd aisin ba ulban sa: ‘Man nani ba gâd nani sma.’

Jan 12:32

Bara yang pruan wina kli buamna ba ra, upla sut yang ra raski bri balamna.

Jan 15:25

Sakuna naha na baku takaia kan, baha bîla nani witin nani lâka wauhkataya ra ulban ba kat aimakaia dukiara: ‘Pâtkas pali misbara ai kaikan.’

Jan 8:28

Bamna Jisas baha nani ra win: —Man nani mita Upla Luhpia Waitna purara bukma, bâra mika kaikma “Yang sika, Yang sna” ba tânka, bara yang yakan lika daukras, Aisa ai smalkanka ba baman lika aisisni.

Roman 3:19

Nanara yawan kaikisa, diara sut lâ wauhkataya ra aisi ba, baha lika baha lâka mununhtara banhwi ba nani dukiara aisisa, baku mika upla sut ai bîla prakan kabia, bara upla sut Gâd lâ dauki ba mununhtara kauhi banhwan kabia;

Roman 5:18

Adam baman swakwanka daukan ba tâka mita upla sut ba pâtkira takan ba baku, Jisas Kraist yakan diara kasak daukan ba tâka mita, upla sut ba pât wina pri saki raya ban kaia lâka ba yabisa.

Hibru Nani 7:24

Sakuna Jisas lika pruras raya ban sa, bara witin prîs warkka dauki ba upla wala ra laki yabras sa.