Anás wih Keyapas wal lika prîs tara aimaki kan. Baha sim piua nani ra Sakaraya luhpia Jan lika upla iwras tasbaya ra kan, bara Gâd bui bîla smalkanka kum yan.
Bamna Keyapas lika naha na, witin ai kupia wina aisaras kata; sakuna baha manka ra witin ba prîs tara aimaki kan bamna, Gâd mita yan baha dahra aisin, nahki Jisas ba Ju nani nisanka aiska ba tâwan pruaia sa;
Baku bamna, ¿anira sa sins lâka kakaira ba, bara smasmalkra ba, bara baha nani naha tasba dukia nani ra blahwi aisaia lan ba? ¡Gâd mita bahki lakan sa naha tasba sinska lâka ba!
Ban sakuna, ai spiritka mapa ra aihwa pâwan nani ba ra, sins tara bîla nani ni aisi banhwisna. Sakuna sinska lâka na lika naha tasba dukia apia sa, naha tasba wihtka nani dukia sin apia, witinka nani naika mapa âpu pali tiwi banhbia ba.