Jan 11:4 - DAWAN BÎLA AISKA

⁴ Jisas naha wali, naku aisin: —Naha sikniska Lasarus ra alkan na lika pruaia dukia apia sa, sakuna Gâd prana ba marikaia bara yaka baha sikniska bâk, Gâd Luhpia prana ba marikaia dukiara sa.

Jan 11:4 ပူးပေါင်းရင်းမြစ်များ

Impakan Sturka 16:7

bara titan ingbia ra Dawan prana ba man nani kaikma, Dawan mapara man nani rangbi aisaram ba witin walan bamna. ¿Yang nani na ya, bara man nani bui yang nani maipara rangbi aisaia?

Jan 10:38

Sakuna daukisna kaka, yang pali ra kasak lukras kama kra, kuna diara nani daukisna ba ra kasak luks, bara baku mika man nani kaiki kama, Aisa ba yang ra iwisa bara yang sin witin ra.

Jan 11:40

Sakuna Jisas bila: —¿Yang mai wiras katna, man kasak lukma ba ra, Gâd prana ba kaikma?

Jan 12:28

Aisa, ninam ba prana dauks. Bamna bîla baikra kumi kasbrika purara ba wina walan ba, naku win kata: “Yang baha ba pat prana daukri, bara kli sin prana daukamni.”

Jan 17:1

Jisas naha diara nani aisin ba ningkara, witin kasbrika pura ba tani ra tawi kaiki, naku aisin: “Aisa, awarka ba pat aimakan sa. Bamna Luhpiam ra mayunra yas, bara baku mika witin mita sin mayunra maikbia.

Jan 17:10

Yang duki sut ba man dukiam sa, bara man dukiam sut ba yang duki sa; bamna yang praina ba baha nani ra ingwisa.

Jan 17:5

Bamna Aisa, nanara aik baha mayunra kau tasba na âpu kan wina man wal kan ba.

Jan 2:11

Naha na lika, pas sain kata Jisas daukan ba Kena Galili ra; baha wal ai prana ba marikan, bara disaipil nani ba witin ra kasak luki banhwan.

Jan 5:23

Baku mika, upla sut mita Aisa ra mayunra yabi ba baku, Luhpia ra sin mayunbia. Ya luhpia ra mayunras ba, Aisa ra sin mayunras sa, witinka bui sika ai Luhpia blikan ba.

Jan 8:54

Jisas pana win: —Yang yakan maiyunra daukisna kaka, baha maiyunra ba lika bahki sa. Sakuna Aisiki mita maiyunisa, man nani mita witin ra Gâd wisma ba.

Jan 9:24

Bara Ju nani mita kan piua ra blain kan waitnika ba kli paiwi, win: —Diara kasak ba wan wis Gâd mawanra; kan yang nani kaikisna baha waitnika ba lika saura dadaukra sa.

Jan 9:3

Jisas pana win: —Witin ai saurka ba mita apia bara ai aisika nani saurka ba mita sin apia; sakuna Gâd karnika witin bâk marikan kaia ba mata sa.

Roman 11:11

Nanara yang makabi walisni: ¿Ju nani ai mina prukan ba mita, ban aiska pali kauhan sa ki? ¡Sip apia pali! Sakuna, Ju nani Gâd bîla wali daukras kan ba mita, Ju apia nani ba swaki sakan lâka brin, bara baha mita Ju apia nani ba mapara kupia tuskanka sa.

Pilipai 1:11

Bara Jisas Kraist mita rayakam wina daukanka yamni baman sâkbia, Gâd ra mayuni prana daukaia dukiara.

Pilipai 1:20

Kan yang kasak lukisna Gâd bui yang ra ai swibia apia saura ra waia, sakuna kasak luki aisi kamna, bamna nanara bara piu bani ra sin, Kraist mayunaia tânka ba yang wîni ra kau pali upla nani mita kaikbia, raya kamna bara pruri kamna kra sin.

1 Pita 1:21

Kraist bâk Gâd ra kasak lukisma man nani, bara witinka sika pruan nani tila wina kli bukan bara prana sin yan; baku bamna, man nani kasak lukisma lâka ba kainamra diara bîla kaikisma ba sin Gâd ra kasak brisma.

1 Pita 4:11

Upla kumi aisi kaka, ai bîla aisanka nani ba Gâd bîla nani baku kaia sa. Upla kum ai uplika dukia daukisa kaka, Gâd mita karnika yabi ba wal daukbia. Dîa dîa man nani daukma ba Jisas Kraist bâk, Gâd ra mayunra yabaia dukiara kabia, bara witinka ra prana ba bara karnika sin yan kabia, ban kaia ra. Baku kabia.

1 Pita 4:14

Kraist tâwan saura pali mai wibia kaka, man nani liliam bas; kan Gâd Spiritka pranakira ba man nani puramra bal iwi bahara takaskisa.