Jan 11:28 - DAWAN BÎLA AISKA

²⁸ Naha aisin ningkara, Marta wan ai muihni Meri ba winaia, bara witin wal man aihka taki, naku win: —Smasmalkra ba nâra sa, bara witin lika mai paiwisa.

Jan 11:28 ပူးပေါင်းရင်းမြစ်များ

Sakaraya 3:10

Baha yua balbia ba ra, man nani pana pana walkam ra paiwi kama wainkam kiwka, kwahkam dusa distika ra sin iwi kaia, kupia kumi lâka tilara, lilia kaia dukiara. Yang, karnika sut brisna Dawanka ba, kasak aisisna.’ ”

Matiu 26:18

Witin mita pana win: —Tawan ra was, waitna kum watla ra, bara naku wis: ‘Smasmalkra bila wisa: Awarki ba pat baila sa, bamna wamtla ra disaipilki nani aikuki Insal luan Yua Liliaka ba daukaisna.’

Mark 10:49

Bara Jisas takaski, naku win: —Witin ba paiws. Bara witin nani blain waitna ba wini, naku win: —Tâm baiki bus, witin mai winisa bamna.

Mark 14:14

bara anira dimbia kaka, watla dawanka ba ra wis: ‘Smasmalkra bila: ¿Disaipilki nani aikuki Insal luan Yua Liliaka pata piaia sna rumka ba anira sa?’

Luk 22:11

Baha watla dawanka ra wis: ‘Smasmalkra ba mai wisa: ¿Ani rumka ra yang disaipilki nani aikuki Insal luan Yua Liliaka tutnika pata ba piaia?’

Jan 1:41

Andru ai muihni Saiman pliki saki, naku win: —Yang nani Misaya ba sakri (baha tânka lika Kraist).

Jan 1:45

Bamna Pilip lika wan Natanael pliki, bara naku win: —Yang nani waitna kum kaikri, witinka dukiara Moses bara prapit nani mita ulban kan ba. Baha ba lika Jisas Nasaret wina, Josep luhpia ba.

Jan 10:3

Bara dur main kakaira ba mita sîp main kakaira dimbia dukiara dur ba kwâkisa, bara sîpka nani mita sin ai bîla baikra walisa. Ai sîpka nani nina kat mâki winisa, bara klar bîla wina saki latara brih auya.

Jan 11:20

Bamna Jisas aula kan ba Marta kaikan ba ra, mahka taki wan wal prawaia, sakuna Meri lika utla ra ban takaskan.

Jan 11:29

Meri naha walan ba ra, aihni pali mahka taki wan Jisas wal prawaia.

Jan 11:30

Jisas ba kau tawan ra dimras, witin Marta wal prawan pliska ra ban bâra kan.

Jan 13:13

Man nani mita yang ra Smasmalkra bara Dawan sin ai wisma, bamna baha ba kasak aisisma, kan yang lika baha sna.

Jan 20:16

Jisas mita win: —¡Meri! Meri Magdalin tawi, Hibru bîla ra win: —¡Rabuni! (baha bîla tânka ba lika “Smasmalkra”).

Jan 21:7

Baha disaipilka Jisas mita latwan kaiki kan ba Saiman Pita ra win: —¡Naha na Dawan sa! Saiman Pita lika baha ba Dawan sa win walan ba ra, witin kwala brih ai taya prakan (kan witin ai taya man kan), bamna liura pâli dimwan.

1 Tesalonaika 5:11

Baha mita, pana pana tâm baiki bas, bara pana pana sin walkam ra hilp muni bas, nanara daukisma ba baku.

Hibru Nani 12:12

Baku bamna, mihtam nani swapan ba bara lulam nani swapan ba sin karnika raya yabia,