Jan 11:25 - DAWAN BÎLA AISKA

²⁵ Jisas pana win: —Yang sika kli buaia tânka bara rayaka ba sin. Ya yang ra kasak luki ba, prubia kra kuna raya kabia.

Jan 11:25 ပူးပေါင်းရင်းမြစ်များ

Lawana Nani 36:9

Raya kaia kârma ba man ra bâra sa, man ingnikam baman yang nani ingni kaikaia sip sa.

Aiseya 26:19

Man pruankam nani ba kli raya takbia; pruan nani ba kli raiti wina bubia. Tasba ra yapi nani ba rawi bubia bara aiwani banhbia. Kan man ingnikam blikisma, diara mangkan wahia purara diwas laya buski ba baku, bara tasba ra pruan nani ba kli rawi bubia.

Aiseya 38:16

Baha nani Dawan mita kan kahbi ba baman raya kabia, yang sin witin nani ba aikuki raya kama. Sikniski ai rakram, rayaki ba kli aikram.

Luk 23:43

Jisas pana wisata: —Kasak mai wisni, naiwa yang wal man Paradais ra kama.

Jan 1:4

Witin ra raya kaia lâka ba bâra kan, bara naha rayaka na sika upla nani ingnika kan.

Jan 14:19

Kau piua wiria ba ra, upla nani mita ai kaikbia apia, sakuna man nani lika ai kaikma bara raya kama, kan yang raya sna bamna.

Jan 14:6

Jisas bila: —Yang sika yabal ba, kasak tânka ba bara rayaka ba sin. Yang bâk baman sip sa Aisa ra waia.

Jan 3:16

“Bamna Gâd tasba ra uya latwan kaikan, bara witin mita ai Luhpia kumi baman bri kan ba yan; bara baku mika ani uplika witin ra kasak lukbia ba, sut pali tanis tiwbia apia, sakuna raya ban kaia lâka ba bribia.

Jan 3:36

Ya Gâd Luhpia ra kasak luki ba, raya ban kaia lâka ba brisa; sakuna ya Gâd Luhpia ra kasak lukaia apia wi ba, sip baha rayaka ba bribia apia, sakuna Gâd klalka saura pali ba bribia.

Jan 5:21

Bamna Aisa mita pruan nani ba buki kli rayaka yabi ba baku, Luhpia mita sin witin yaura raya kaia lâka yan dauki ba yabisa.

Jan 5:26

Kan Aisa ba yakan raya ban kaia lâka ba brisa; baku sin witin ai Luhpia ra yan, witin yakan raya ban kaia lâka sin briaia;

Jan 6:35

Bara Jisas pana win: —Yang sika raya kaia yabi britka ba. Ya yang ra aula ba kli plun daukbia apia; bara yang ra kasak luki ba, kli sin diran daukbia apia.

Jan 6:44

Upla kumi sin yakan yang ra balras, Aisiki ai blikan ba mita brih balbia lika; bara yang tnata piua ra pruan wina bukamna.

Apastil Nani Sturka 3:15

Baku, raya kaia lâka wankaia sip uplika ba man nani mita ikram. Ban sakuna, Gâd bui witin ba pruan wina kli bukan, bara yang nani sika baha witniska nani.

Roman 4:17

Ulbanka ra aisi ba baku: “Man ba nisan ailal aisika mai daukri.” Bamna baha Gâd ra sika Ebraham kasak lukan ba, pruan nani ra rayaka yabi Gâdka ba bara diara kau âpu ba sin yan bal taki ba.

Roman 8:2

Jisas Kraist ra raya kaia spiritka lâka ba mita, pri wan sakan sa saurka lâka ba prura lâka ba wina.

1 Korint 15:18

Bara baku sa kaka, Kraist ra kasak luki pruan nani ba sin tanis tiwan sa.

1 Korint 15:29

Bara tila nani sin bâra sa, pruan nani tâwan tahbi daukisa. ¿Dîa muni naha daukisa? Pruan nani ba kli buras sa kaka, ¿dîa kan baha nani tâwan tahbi daukisa?

2 Korint 4:14

Kan yang nani pain kaikisna, Gâd, witinka mita wan Dawan Jisas pruan wina bukan ba, yawan na sin pruan wina kli wan bukbia Jisas wal; bara man nani aikuki wan brih wabia ai mawanra.

Pilipai 1:23

Diara wâl ba wina kum saki briaia ba karna sa yang maipara: kum lika mahka prui Kraist wal wih bahara kaia lukisna, kan baha ba kau yamni kabia yang maipara;

Pilipai 3:10

Yang want sna ba lika Kraist ra kakaira kaia, bara yang wîni ra sin witin pruan wina buan karnika ba bri kaia, ai pâtka wahwan nani ba sin witin wal yang asla wahwaia, bara ban sin witin pruan baku pruaia,

1 Tesalonaika 4:14

Yawan kasak lukisa Jisas ba prui kli buan; baku bamna, yawan kasak lukisa sim natka ra Gâd mita, witin ra kasak luki pruan nani ba, Jisas wal kli bukbia.

Param Marikanka 1:18

Yang sika raya sna. Âu, yang pruri kata, sakuna nanara lika ban kaia ra raya sna. Prura king aimaki tasbaya kîka ba brisna.

Param Marikanka 20:5

Sakuna pruan nani wala ba lika kli raya takras kan, baha mani 1,000 luan ba kat. Naha sika pruan wina pas buanka ba.

Param Marikanka 21:4

Witin nani nakra laya ba sut dikbia, bara prura kau âpu kabia, inanka, pura mata inaia lâka, latwanka sin; kan diara almuk nani ba sut lui wan sa.”

Param Marikanka 22:1

Bara insal ba awala klin kum ai marikan, rayaka lâka laya wanki ba. Baha ba glas baku ingnikira kan, bara Gâd king iwaika ba wina bara Sîp Luhpia king iwaika ba wina sin taki kan.

Param Marikanka 22:17

Spirit Holikira ba bara Sîp Luhpia maya mairin ba naku wisa: “¡Bal!” Bara wali uplika ba wiaia sa: “¡Bal!” Ya din dauki ba, balaia sa; ya brin dauki ba, raya kaia laya ba mana luha dibia.