Jan 10:28 - DAWAN BÎLA AISKA

²⁸ Yang baha nani ra raya ban kaia lâka ba yabisni, bamna witin nani sin prubia apia ban kaia ra raya kabia, baku bamna upla kumi sin âpu sa baha nani ba mihti wina dakbi briaia.

Jan 10:28 ပူးပေါင်းရင်းမြစ်များ

Job 17:9

Bara aisisa witin nani ba upla kasakkira sa, bara ai mihta nani ba tâski âpu sa.

Lawana Nani 31:5

Man mihtam kat yang spiritki mangkisni; ¡Dawan, Gâd kasakkam tânka kat swaki ai sâks!

Lawana Nani 37:28

Dawan kasakka lâka ba latwan kaikisa, ai uplika kasak nani ba sin lulki swiras; sakuna watawikira nani ba sauhki tikisa, bara ai masraka nani sin sut âpu daukisa.

Sins Lâka 24:16

kan upla kasakkira ba aima 7 kauhan kaka kuna kli aima wala buaia sip sa; kuna watawikira nani trabil ra kauhi ba kau rungwan kabia.

Sins Lâka 4:18

Upla kasakkira nani yabalka bîla ba, yu wala ingnika baku sa: baha kau ban kanra ingwisa, yu aihwa ulan ba wal.

Aiseya 27:3

Yang, Dawan nasla ba main kaikisna, piua bani lî laikisna. Tihmia ra kakna ra main kaikisna, upla kumi mita sin saura munaia apia ba mata.

Aiseya 45:17

Sakuna Israel ba Dawan mita swaki sakan kabia, swaki sakan lâka ban kaia ra ba, bara kli man nani mai turban kama apia, swiram sin mai daukan kabia apia.

Aiseya 54:17

sakuna upla kumi sin kau bin daukras sa, baha mai sauhkaia sip ba; damhra kwahki nani ba sut bîla praki swima. Yang warkki dadaukra nani ra yabisna ba sika naha: pura luaia.” Dawan witin baha kasak aisisa.

Aiseya 55:3

Man nani kiamam pri tniki wals bara yang ra bal; man nani wals, bara sulkam ba raya kabia; man nani wal lâ kaia lâka ba daukamni, umpira kaikan lâka, ban kaia pramiska, Debit wal daukri ba baku.

Jirimaya 23:4

Witin nani ba main kaikaia sepadka nani yabamna, witin nani kli diara kum tâka sibrin dauki kabia apia, dîa kum sin luha kabia apia. Yang, Dawan, kasak aisisna.”

Jirimaya 31:3

yang param takri witin ra laih wina. Yang latwan pali mai kaikri ban kaia ra latwanka; baha mita ninam blikisna yamni man dauki kaia.

Jirimaya 31:34

Bara upla ai walka ra, ai uplika nani ra, ai taya nani yang ai kakaira takaia smalkaia nit apia kabia, tara ba wina sirpi ba kat upla sut ai kakaira kabia. Saurka daukan pâtka nani swih tikamna bara kli kupi ra brimna apia. Yang, Dawan, kasak aisisna.”

Jirimaya 32:40

Witin nani wal upliki ban kaia lâka kum daukamna: yang bui witin nani ra yamni munisna ba takaskras ban dauki kaia pramiska daukamni; yang ra yamni ai kulki ban kaia kli ai swi waia apia brinka ni banhkamni.

Mark 13:22

Bamna kuninkira nani ba Misaya baku balbia, prapit baku sin, bara sain tara nani, diara aihka nani sin upla nani ra kunin munaia wisi, daukbia; bara sip kabia kaka, Gâd pali pliki sakan nani ra ban kunin munbia.

Luk 23:46

Bara Jisas ai bîla baikra tara winan: —¡Aisa, spiritki na man mihtam ra mangkisna! Naha aisin ningkara, witin pruan.

Jan 10:29

Aisiki mita aikan dukia ba kau tara sa diara wala nani ba sut wal; bara upla kumi sin baha nani ba Aisa mihta wina sip dakbi bribia apia.

Jan 11:25

Jisas pana win: —Yang sika kli buaia tânka bara rayaka ba sin. Ya yang ra kasak luki ba, prubia kra kuna raya kabia.

Jan 14:19

Kau piua wiria ba ra, upla nani mita ai kaikbia apia, sakuna man nani lika ai kaikma bara raya kama, kan yang raya sna bamna.

Jan 17:2

Man mita sika Luhpiam ra karnika yaram ba, upla wala nani sut purkara, raya ban kaia lâka yaia baha nani sut man mita witin ra yabram ba.

Jan 18:9

Jisas baku aisin, dîa witin pali aisata ba aimakaia dukiara: “Aisa mita aikan nani ba wina, kumi sin tiwras.”

Jan 3:36

Ya Gâd Luhpia ra kasak luki ba, raya ban kaia lâka ba brisa; sakuna ya Gâd Luhpia ra kasak lukaia apia wi ba, sip baha rayaka ba bribia apia, sakuna Gâd klalka saura pali ba bribia.

Jan 4:14

sakuna yaura yang mita lî yarka dibia ba, kli din daukbia apia. Kan yang lî diaia yamna ba, witin wina lî aubi kabia raya ban kaia ra.

Jan 5:24

“Kasak pali mai wisna: Yang aisisna ba ra ya aman walisa, ai blikan ba ra sin kasak lukisa kaka, witin raya ban kaia lâka ba brisa, pât ra sin lulkan kabia apia; kuna pruan wina taki pat raya kaia ra luan sa.

Jan 6:27

Wark taki banhpara, baha pata isti aisawi ba dukiara; sakuna wark taki banhs, ban kaia ra pata ba dukiara, rayaka ban kaia lâka yabi ba dukiara sin. Naha pata ba sika Upla Luhpia Waitna bui maikbia, kan Gâd Aisa mita witin ra bâk sakan sa.

Jan 6:37

Diara sut Aisa aiki ba, yang ra aula; baha nani yang ra aula ba, yang sip kangbi sakamna apia pali.

Jan 6:47

Yang kasak pali mai wisni, ya yang ra kasak luki ba, raya ban kaia lâka ba brisa.

Jan 6:68

Sakuna Saiman Pita mita pana win: —Dawan, ¿yaura yang nani wamna ki? Man bîlam nani ba lika raya ban kaia bîla nani sa.

Apastil Nani Sturka 7:59

Witin nani mita walpa ni sabi kan ba ra, Stiben ai pura suni, win: “Dawan Jisas, yang spiritki na man mihtam ra bris.”

Roman 5:17

Bamna upla kumi saura daukan ba tâka karnika ba prura mita alki brin; bara nanara Gâd ai kupia yamni prisantka kau tara ba param marikisa baha nani dukia pât wina pri sakan ba, witin nani rayaka tânka raya ra iwi kaia upla kumi ba mita, baha sika Jisas Kraist.

Roman 5:2

Kasak lukan ba mita Kraist bâk yawan lika Gâd lamara balan, ai yamnika briaia dukiara. Bara naha yamnika sika yawan bapi na, bara lilia sa naika Gâd prana ba wan dukia briaia ba mita.

Roman 5:21

Naha na baku takan, saurka ba prura bri balaia karnika bri kan ba baku, Gâd kupia yamnika ba mita yawan na Gâd mawanra kasakkira wan kulkaia karnika bri kaia bara raya ban kaia lâka ba wankaia, wan Dawan Jisas Kraist bâk.

Roman 5:9

Bara nanara, Kraist pruanka ba mita Gâd mita pri mai sakan sa, bara kau pali Gâd lawanka ba wina sin Kraist bâk pri mai sakan kabia.

Roman 6:23

Saurka ba mita mana baku wanki ba lika prura, sakuna Gâd wina prisantka ba lika, raya ban kaia lâka Kraist Jisas wan Dawan wal asla.

Roman 8:1

Baku bamna, nanara lika Kraist Jisas wal asla takan nani ba pât dingkaia ba âpu sa.

Roman 8:29

Patitara piua Gâd mita upla nani paiwan ba, baha uplika nani ba paiwan ai Luhpia baku kaia, baku mika Gâd Luhpia ba ai muihni ailal ba tilara tawahkia kaia.

Kli Smalkanka 33:3

Dawan lika ai uplika nani ra latwan kaikisa, sunu takan nani ba main kaikisa; witin nani sin ai mina ra bawisa bara ai adarka nani sin brisa.

Pilipai 1:6

Yang pain pali kaikisna, Gâd bui ai warkka yamni man nani ra tâ krikan ba, ban witin bui dauki kabia Jisas Kraist balbia yua kat.

2 Tesalonaika 2:13

Muihki nani, Dawan mita latwan mai kaikan ba, yang nani lika piu bani man nani dukiamra Gâd ra tingki wiaia sna, kan patitara piua wina, Gâd mita bâk mai sakan sa, man nani pas sika swak takan lâka briaisma ba, Spirit Holikira karnika bâk Gâd uplika pali mai daukbia, bara kasak tânka ra kasak lukram ba mita sin.

1 Timoti 1:16

Baha mita sika Gâd bui yang ra umpira ai kaikan ba, Jisas Kraist yang ra ai marikbia wisi ai kupia alki takaski lâka aiska ba daukan. Naku sika yang na, witin ra kasak luki raya ban kaia briaia uplika nani ba dukiara, tâinka ni baha nani ra marikri, yang daukri baku dauki banhbia dukiara.

2 Timoti 1:12

Baha mita sika, yang naha pâtka nani wahwisna ba. Sakuna yang swiri lukras, kan pain kaikisna yaura kat kasak lukri ba, bara kasak pali lukisni, witin ba karnika brisa, dîa yang mihti ra mangkan ba, pain suni bri kaia, baha yua ba kat.

Hibru Nani 7:25

Baha mita, nanara bara ban kaia ra, witin bâk Gâd lamara wi nani ba ra witin mita swaki sakaia sip sa, kan witin ba ban kaia ra raya iwisa, witin nani tâwan Gâd ra makabaia dukiara.

1 Pita 1:5

Bara man nani lika Gâd ra kasak lukan lâka brisma ba mita, witin ai karnika ni kainam kahbisa, swaki sakan lâka, tnata piua nani ra param marikaia wisi ridi dauki bri ba, man nani alkma ba kat.

1 Jan 1:2

Naha Rayaka na latan takan bara yang nani kaikri, witniska sin aisari. Man nani ra yang nani mai smalkisna naha raya ban kaia lâka na dukiara, witinka Aisa wal kan bara yawan ra param takan ba tânka nani.

1 Jan 2:19

Witin nani ba lika yawan wan tila wina takan sakuna kasak pali mai wisna, baha nani ba yawan nani wina apia sa, kan yawan wina kata, witin nani yawan wal ban kaia kan. Sakuna baha ba baku ban takan, upla nani mita param kaikbia dukiara, baha nani ba kasak pali yawan wan tila na wina apia sa.

1 Jan 2:25

Bara Jisas Kraist mita pramis wan munan sa raya ban kaia lâka ba wankaia.

1 Jan 5:11

Bara baha witniska ba lika Gâd mita raya ban kaia lâka wankan sa, bara naha raya ban kaia lâka na lika ai Luhpia ra sa.

Judas 1:1

Yang Judas, Jisas Kraist warkka dadaukra bara Jems muihnika ba, naha wauhkataya ulbisna, Gâd Aisa mita latwan kaiki ba bara paiwan ba, baha nani Jisas Kraist mita kan kahbi brisa.

Judas 1:21

Gâd latwanka lâka ra ban bas, bara bîla kaiki bas wan Dawan Jisas Kraist mita ai kupia pihni lâka ra, raya ban kaia lâka ba wankbia.

Judas 1:24

Gâd kumi baman bara swaki wan Sasakra ba, karnika brisa main mai kaikaia kauhmara sîa, witin ai mawan pranakira ra maikka buma tâski âpu liliakira. Gâd ra mayunan kabia, tara kulkan lâka karnika bri ba lâka, bara lâ wihtka kaia aitani kulkan lâka ba sin, wan Dawan Jisas Kraist bâk patitara piua ba wina, nanara bara ban kaia ra. Baku kabia.

1 Samuil 2:9

Ai uplika kasakkira nani mina taibanka ba witin bui main kaikisa, sakuna saurakira nani ba tihmia tilara prubia, kan upla kumi sin ai karnika ba mita pura lubia apia bamna.