Jan 10:16 - DAWAN BÎLA AISKA

¹⁶ Bara sîp wala nani sin brisni, bara baha nani ba lika naha klarka wina apia sa; sakuna baha nani ba sin brih balaia sni. Âu, witin nani mita sin yang bîli walbia, bara baku dakni kumi takbia bara sepadka sin kumi kabia.

Jan 10:16 ပူးပေါင်းရင်းမြစ်များ

Blasi Sturka 49:10

Juda karnika bri ba, upla kumi sin baha karnika ba witin wina dakbia apia. Baha karnika dusa ai mihta ra ba sin, upla wala witin wina dakbia apia. Baha karnika dusa dawanka ba balbia kat, bara upla sut ba witin ai bîla wali daukbia.

Lawana Nani 86:9

Man Dawan, man bui sika nisan nani sut asla paskram ba, bara witin nani ba balbia, man ninam mayunaia.

Smasmalkra 12:11

Sinskira nani aisinka ba silak baku wan sabisa, bara aima kumi asla taki wahbi bara dus kakma tatwa ni sabi ba baku wan sabisa; baha ba sîp main kakaira kumi baman mita saban baku sa.

Aiseya 11:10

Baha yua ra naha wakia Jesé wina pâwi takbia ba sika, sain kum baku kabia tawan nani mapara; kuntri ra nani ba pliki wan kabia bara pliska ba pranakira kabia.

Aiseya 43:6

Yahbra ra wimna: ‘Upla nani ba nâra laki yas’, bara waupasa ra wimna: ‘Man alki takaskpara.’ Luhpi waitna nani ba laih wina bri bal, bara luhpi mairin nani sin, tasba tâ wala ba wina bri bal,

Aiseya 49:6

Witin wisa: “Baha ba aitani apia sa, man ba yang duki dadaukra baman kaia Jekob kiamka ba bukaia baman bara sin Israel tâka kau bâra ba, kli bri balaia baman ba dukiara apia; yang mai daukamni man ba nisan nani ingnika kaia, yang bui upla swaki sakisna ba lâka, man tasba aiska ra brih waia sma.”

Aiseya 52:10

Dawan ai karnika ba param ra sakan, nisan nani sut nakra ra. Bara tasba aiska ra sin yawan wan Gâdka swaki wan sakanka lâka ba kaikbia.

Aiseya 56:8

Yang yabrika kli tawi balbia bara asla takbia, baha nani kau upla wala tasbaya ra bâra nani ba.” Dawan, baha kasak aisisa. Israel yarka kli tawi bal asla takbia baiwi takan ba.

Isikiel 34:12

Sepad kum ai sîpka nani dukiara uya luki ba baku yakabrira piua ra, baku yang sîpki nani dukiara lukamni; swaki sakamni baha pliska tihmu bara lâ tara yua kum ra yakabrira takan ba wina.

Isikiel 34:23

Yabamna duki dadaukra Debit ba kli tawi balaia, bara sepad unhsak baku mangkamna, bara witin main kaikbia. Witin baha nani sepadka kabia.

Isikiel 34:6

Yakabrira takan unta nani tilara bara il tara nani ra, bara tasba aiska ra tiwan, bara upla kum sin âpu kan baha dukiara lukaia bara pliki waia.

Isikiel 37:22

Witin nani ba nisan kumi daukamna naha kuntrika ra, Israel ilka ra, bara king kumi baman bribia. Kli tar baiwan kabia apia nisan wâl ra, king lâka wâl ra sin apia.

Isikiel 37:24

Duki dadaukra Debit ba, king kabia bara sepad unhsak kabia witin nani sut dukiara; bara witin nani bîli walbia bara lâika bîla daukaia lâka ba daukbia.

Oseas 1:10

Yu kumi, Israel luhpia nani ba, auhya ailalka kabu un ra ba baku kabia, upla kumi sin, witin nani ba sip kulki sâkbia apia. Witin nani ra “Man nani ba upliki nani apia sma” wiaia watlika ra, Dawan bui wibia: “Man nani ba, Dawan raya ban bâra ba luhpia nani sma.”

Sakaraya 2:11

Baku takbia ba ra, upla kiamka ailal Dawan wal asla takbia. Bara Dawan naku wibia: “Baha uplika kiamka nani sin, yang upliki nani kabia, bara yang lika man nani tilamra iwi kamna.” Baku man nani sin tânka brima, karnika sut bri Dawanka ba mita ai blikan ba.

Matiu 17:5

Kau Pita aisi kan ba ra, kasbrika ingni kum witin nani ra madiskan; bara kasbrika ba wina bîla baikra kum aisin, naku walata: “Naha sika Luhpi laitwankira. Witin sika yang bâk saki briri ba. Man nani bui witin ra wals.”

Luk 15:8

“Baku sin, ¿ani mairka witin lalah mâ matawalsip bri ba wina kumi tiwbia kaka, lamp angki, utla pain pali pahbia apia, sâkbia ba kat plikisa?

Jan 10:11

Yang sika Sepad yamni ba. Sepad yamni ba ai sîpka nani tâwan ai rayaka ba yabaia wilin sa.

Jan 10:2

Kuna durku dimi uplika ba sika sepad, sîp nani main kakaira ba.

Jan 10:27

Sîpki nani ba bîli baikra pain walisa; yang bui witin nani ba kakaira sna, bara witin nani nini blikisa.

Jan 10:3

Bara dur main kakaira ba mita sîp main kakaira dimbia dukiara dur ba kwâkisa, bara sîpka nani mita sin ai bîla baikra walisa. Ai sîpka nani nina kat mâki winisa, bara klar bîla wina saki latara brih auya.

Jan 10:4

Ai sîpka nani sut latara sakan ba ningkara, witin lika sîp nani ba sut ba tâ kat aimaki wapi auya; bara sîp nani ba mita nina bliki auya, kan ai bîla baikra ba kakaira banhwisa.

Jan 10:5

Bamna sîp nani ba mita upla tringsar nina lika blîkbia apia, sakuna witin nani ba wina plapbia, kan witin nani lika upla tringsar nani bîla baikra ba wawalra apia sa bamna.”

Jan 11:52

bara Ju nani nisanka tâwan baman apia, sakuna Gâd luhpia nani laihura yakaban nani ba sut asla daukaia mata sin.

Jan 17:20

“Sakuna naha nani dukiara baman man ra puri sunras, kuna witin nani smalkanka mita upla wala nani sin yang ra kasak lukbia ba sut dukiara sin.

Jan 6:37

Diara sut Aisa aiki ba, yang ra aula; baha nani yang ra aula ba, yang sip kangbi sakamna apia pali.

Apastil Nani Sturka 15:14

Saiman Pita pat wan win, nahki Gâd Ju apia nani ra pas pali pain yamnika yan ba, bara witin nani tila wina sin bâk saki brin ai uplika nani kaia.

Apastil Nani Sturka 18:10

Yang lika man wal sna, bamna upla kumi sin mai alki sip rau mai sauhkbia apia, naha tawanka ra yang lika upla ailal pali brisna bamna.”

Apastil Nani Sturka 22:14

Bara witin ai win: ‘Wan damika nani Gâdka ba mita kan piua wina man ba bâk saki mai brin ai kupia lâka tânka kaikaia, bara sin kaikma baha kasakkira ba, ai bîla pali wina sin diara walaia.

Roman 11:25

Muihki nani, Gâd daukanka dahra prakan ra bâra ba tânka brima brin ai daukisa, man nani ba sinskira sma lukaia apia dukiara: Tila Israel luhpia nani kupia karna takan ba, Israel apia nani ba sut Gâd ra brih balaia piua kum praiska baman dukiara sa.

2 Tesalonaika 2:13

Muihki nani, Dawan mita latwan mai kaikan ba, yang nani lika piu bani man nani dukiamra Gâd ra tingki wiaia sna, kan patitara piua wina, Gâd mita bâk mai sakan sa, man nani pas sika swak takan lâka briaisma ba, Spirit Holikira karnika bâk Gâd uplika pali mai daukbia, bara kasak tânka ra kasak lukram ba mita sin.

Hibru Nani 13:20

Gâd mita wan Dawan Jisas Kraist ba pruan wina kli bukan sa, witinka ba ai tâlia ni ban kaia lâka ba karna saki, sîp nani Sepadka Wihta takan ba.

1 Pita 2:10

Blasi pali man nani ba Gâd uplika nani apia katma, kuna nanara lika, witin uplika nani sma; blasi pali upla kumi sin umpira mai kaikras kan, sakuna nanara lika, Gâd mita man nani ra umpira pali mai kaikisa.

1 Pita 2:25

Kan man nani pas piua sîp aimawahkan nani baku tauki kapram, sakuna nanara kli Kraist ra tawi balram, bara witinka sika sepad baku tâm brisa bara sulkam nani sin main kaikisa.

1 Pita 5:4

Baku bamna, Sepad Wihta ba balbia ba ra, man nani kraun pranakira kum brima, bara baha ba lika ban kaia ra sip srawi luras ba.

Param Marikanka 3:20

Kaiks, yang dur ra kingbisna; ya yang bîli baikra wali dur ba kwâkbia kaka, ai watla ra dimi witin wal plun pimna.