Jan 10:1 - DAWAN BÎLA AISKA

¹ “Bamna yang kasak pali mai wisni, ani uplika sîp nani klarka ra dimaia durka ba swi si tnaya walak ni dimisa kaka, baha lika âimplikra bara upla ra rausauhki dukia dadakbra sa.

Jan 10:1 ပူးပေါင်းရင်းမြစ်များ

Jirimaya 14:15

Bamna yang Dawan sna ba, aisisna baha prapitka nani yang mita blikras, witin nani ban nini brih kunin aisi ba, naha kuntrika ra war âpu kabia, sanglang sin apia aisi ba: dahra aisasarika nani ba war ra bara sanglang mita sin prui banhbia.

Jirimaya 23:21

“Baha prapitka nani ba yang mita blikras, yang sin witin wal aisaras pali, sakuna witin nani plapi taki wan yang nini brih aisaia.

Jirimaya 23:32

Yang param aisisna baha prapitka nani kunin yaprisauhkanka nani aisi ba mapara; sturi bahki man kunin aisi, upliki nani ba mawahkisa. Yang baha nani ba blikras, aisaia adarka sin yaras, baha mita witin nani karnika âpu sa upla nani hilpka daukaia. Yang, Dawan, kasak aisisna.

Joel 2:9

Witin nani bui tawan ba dahra walras alkisa; kutbanka nani pura bâk uli plapisa, utla nani ra sin ulisa, âimplikra baku windar nani bâk bilara dimisa.

Matiu 7:15

“Aman kaiks, witinka nani Gâd prapitka wisi kuninkira nani ba. Witin nani sîp baku man nani ra aula, sakuna ai kupia bîla lika yul wail nani baku sa.

Jan 10:7

Bamna Jisas kli parisi nani ra win: “Kasak pali man nani ra mai wisni: Yang sika sîp nani dimaia durka ba.

Jan 3:3

Jisas pana win: —Kasak pali mai wisna, ya kli aisubi takras sa kaka, witin sip Gâd king aimaki ba lâka kaikbia apia.

Roman 10:15

¿Bara nahki sturi yamni ba smalkbia, blîkka wih smalkaia ba âpu sa bamna? Ulbanka ra wi ba baku: “¡Kupia kumi lâka sturka bara sturi yamni smalkaia brih aula uplika mina nani ba painkira pali sa!”

Roman 16:18

kan bahmuna sât uplika nani ba wan Dawan Jisas Kraist dukia daukras sa, sakuna ai biara warkka daukisa, bara witin nani ai bîla damnika bara ai bîla ni pain aisi ba mita upla sins aitani briras nani ra kunin munisa.

Taitus 1:11

Baha nani bîla ba prakaia sa, kan witin nani mita diara smalkaia apia ba smalki, watla bîla aiska nani kupia aihka lakisa; ai swira sin âpu lalah nahki briaia dukiara baman luki banhwisa.

Hibru Nani 5:4

Upla kumi sin kulkan lâka mita prîs tara takras sa; sakuna, Gâd mita sika paiwi baha kulkanka lâka yabi ba, sim Eran kata ba baku.

1 Pita 1:10

Patitara piua ra prapit nani naha swaki sakan lâka tânka na pain pali pliki sakaia munan; bara Gâd ai painka mita man nani ra maikaia kan ba dukiara aisi kan.

2 Pita 2:1

Bamna Israel nisanka tilara, gâd prapitka kuninkira nani sin bâra kan; baku sin man nani tilamra smasmalkra kuninkira nani bâra kabia. Witin nani ai lukanka ra wan sauhki nani ba, yukuwan lâka ra wan smalkbia, bara witin nani ra swaki sakata Dawanka pali ra sin kulkaia apia wibia; naha na lika witin nani ra pat pali âpu daukaia tânka sa.

2 Pita 2:3

Lalah ra uya want ba mita, kunin smalkanka ni kasak pali mai smalkbia; kuna witin nani ra pât ra lulki swiaia ba lika ai bîla kaikisa, kan witin nani ba pat piua wihka luan wina pât ra lakan sa bamna.

1 Jan 4:1

Muihki laitwankira nani, Spirit brisa wisi aisi nani ba sut ra kasak lukpara, sakuna tânka nani ba pliki kaiks, Spirit brih aisi ba sut Gâd wina sa sapa. Kan tasba na prapit kuninkira nani ni aibanhwan sa, bamna wisa dîa witin nani aisi ba lika Gâd wina baman sa.