Isikiel 9:1 - DAWAN BÎLA AISKA

¹ Baha ningkara, bîla baikra tara wal kiaima ra ai winan: “¡Tawan tara ra klala yaia ba pat balan sa, kumi bani ai mihta ra sauhki tikaia dukia kum brih aula!”

Isikiel 9:1 ပူးပေါင်းရင်းမြစ်များ

2 King Nani 10:24

Bara witin nani daiwan iki aiska angki yabaia diman ba ra, Jehú latara waitna 80 mangkan, bara smalkan: —Ani uplika man nani tilamra naha waitnika nani mihtam ra mangkri na, swika kum plapi swak takbia kaka, man rayakam ba witin watlika ra pruan kaia sa.

1 Kronikas 21:15

Bara Dawan insal kum blikan, Jerusalem ba sauhki tikaia. Bara sauhki kan ba kaiki, Dawan ai kupia ra latwan brin, bara insal ra win: “¡Baha kat takasks, ba kat aitani, kau sauhkpara!” Baha pali minitka ra, Gâd insalka ba Ornán Jebús uplika ba plawar taya saki pliska ba ra kan.

Impakan Sturka 12:23

Baha tihmia, Dawan Idsip uplika nani ba ikaia bahak bal lui wabia. Sakuna tala ba dur playka nani ra yukan ba kaikbia ba ra, watla ba tnaya walak lui wabia. Baku witin mita sauhki tatikra insalka ba swika wamtla ra dimbia apia.

Aiseya 6:8

Baha ningkara Dawan bîla baikra ba walri, naku win: “¿Ya pali ba blikrika wabia? ¿Ya yawan wan dukiara wabia ki?” Bara yang pana aisari: “Yang nâra sni, yang ai blîks.”

Jirimaya 4:6

Man nani plakinka ba Saion tani ra kulki purara buks; takaskpara, ¡man nani yukuwaia pliska pliks! Kan yahbra tani wina sauhki tikaia ba brih aula bamna.

Isikiel 43:3

Baha lilka yang kaikri ba, Dawan Jerusalem sauhkaia balan taim pat kaikri ba baku kan, bara Quebar awala un ra kaikri lilka ba sin baku kan. Bara yang laila makupri maiwan tasba ra kangbaia praiska kat,

Param Marikanka 14:7

Bara witin ai bîla baikra tara ni aisi kan: “Man nani bui Gâd ra sibrin luks bara mayunra sin yas, witin ba lâ daukaia awarka ba pat aimakan sa bamna. Gâd ra puram suni mayuni bas, witinka ba kasbrika purara, tasba, kabu, bara lî kârma nani sin paskan ba.”