Isikiel 7:8 - DAWAN BÎLA AISKA

⁸ Nanara isti pali kupi baiwanka ba, man nani puramra laikamni, yang âiyapah brimna kat man ra mamkabamni daukankam dukiara, bara klala maikamni daukankam saura nani ba tâwan.

Isikiel 7:8 ပူးပေါင်းရင်းမြစ်များ

2 Kronikas 34:21

—Dawan ra wih makabi wals yang dukira, upla nani Israel bara Juda kiamka wina kau swin nani ba dukiara, naha wauhkataya ra ulbanka ba tânka; kan naha dukiara Dawan yawan wal ai kupia sauhkisa kaia sa, wan almukka nani Dawan dîa win ba kulkras kan bamna, baku sin dîa sut baha wauhkataya ra ulban ba kat daukras kan bamna.

Lawana Nani 79:6

¡Lawankam tara ba, yas idan kingka lâka nani ba purara kauhbia witin nani ba mai kakaira apia, bara man ra sin ai pura sunras!

Aiseya 42:25

Baha mita, witin yawan wan purara ai kupia baiwanka ba laikan, bara war karnika ba sin; tnaya bani ra pauta klauhan mangkan, sakuna yawan tânka briras, witin âpu wan daukan, sakuna yawan baku sin kau ai bîla walras.

Jirimaya 36:31

man ra, man kiamkam ra, baku sin wihtkam tara nani ba sut ra sin saurkam daukram mana klala maikamna. Pât nani balaia yang aisari ba man nani puramra, Jerusalem uplika nani purara bara Juda uplika nani sut purara balaia daukamna. Man nani sut sin baha aisinka ba walras baku kapram ba.’ ”

Jirimaya 7:20

Bahamna, yang Dawan ba kasak mai wisni yang lawanki ba naha tawanka nani purara, uplika nani ba purara, daiwan nani ba purara, dus nani pâwi ba purara bara insla mâ nani dâki ba baha nani sut purara blikamna. Impiara ami ba baku ami ban dasras kabia.”

Inanka Nani 2:17

Dawan lika witin dîa daukaia lukan ba sut daukan, ai bîla aisan ba kat daukan sa. Umpira kaikras kira sauhki tikan sa, kaina piua wina sauhki tikaia luki kan ba, witin bui yan, waihla nani ba mita lamwaska kikisa, bara waihlam nani karnika ba sin purara bukan.

Inanka Nani 2:4

Dawan ai pantamangkika ba aubi bulkan sa, waihla kum baku, mapara aiklaklabra kum baku, wan nakra ni kaiki yamni ba sauhki tikan sa; witin ai lawanka ba pauta klauhan baku yan, Saion pranakira ba purara kauhan kata.

Inanka Nani 4:11

Dawan ai lawanka tara brin, bara ai kupia baiwan laptika aiska pali ba yakaban; bara Saion kat pauta blikan, bara ai plamaika tara nani sut sin ami luan.

Isikiel 11:21

Sakuna baha nani saurka ra iwi nani ba, bara upla yamni kaikras nani ba, yang mita makabamni ai daukanka saura nani mana aibapaia. Yang, Dawan ba, kasak mai wisni.’ ”

Isikiel 14:19

“Apia kaka siknis blikamna baha kuntrika ra, bara kupi baiwan ra prura mâ ba bahara mangkamna, upla nani bara daiwan nani sin pruaia,

Isikiel 16:43

Man âmya tikram tiara katma ba, bara kasak kupi sauhkram daukankam nani saura ba ni, yamni kaikras sna ba wal; baku bamna, klala maikamna baha daukankam ba tâwan. Yang, Dawan, kasak aisisna.

Isikiel 16:59

‘Yang Dawan sna ba, naku wisna: Maikaia ba maikamna, kan man pramiskam kat daukras kapram, bara wal lâ daukan alki daukras kapram.

Isikiel 18:30

Yang bui man nani kumi bani lâmka daukisni, Israel wina nani daukanka ba kat. Yang, Dawan, kasak aisisna. Watawankam nani sut ba mahka swis, bara man nani klauna sauhki mai tikaia pâtka ba brima apia.

Isikiel 20:13

Sakuna upla iwras tasbaya ra maipara buan, bara lâika bîla walras; dîa daukaia lâka yabatna ba baha dauki raya kaia; riski yua nani briaia kata ba tâski daukan. Bara lukri kan kupi baiwanka witin nani purara batakaia bara upla iwras tasbaya ra âpu daukaia.

Isikiel 20:21

‘Sakuna witin nani luhpia nani sin maipara buan. Lâika bîla nani wali daukras kan, dîa daukaia wîni lâka ba sin alki daukras, baha ya daukbia ba raya kabia wîri ba, riski yua nani ba tâski daukan. Lukri yang kupi baiwanka witin nani purara blikaia, bara upla iwras tasbaya ra âpu daukaia, kupi baiwanka lamni daukaia.

Isikiel 20:33

Yang, Dawan Gâd, rayaki wal pramis takisni karnika tara bliki ni, bara klala yabamna kupi baiwanka aiska wal; bara sin man nani puramra king aimakamna.

Isikiel 20:8

‘Kuna witin nani lika yang maipara buan, bara yang ra walaia brinka apia kan; sakuna Idsip wina aidul nani brin ba âpu daukras, witin nani baha nani swiras. Yang lukri kupi baiwanka witin nani purara batakaia, bara klala yabaia Idsip ra, yang kupi baiwanka wina âuyapah takbia kat.

Isikiel 22:31

Baku bamna, yang klalki witin nani purara bri balri, bara yang sauhki tikri kupi baiwanka ba wal, yabrika ai daukanka dukiara aisabia. Yang, Dawan, kasak aisisna.’ ”

Isikiel 24:14

Yang, Dawan, wîri bara naku kabia. Yang pali mita daukamna, bara daukras kira swimna apia; umpira kaikamna apia, kupi sin lakamna apia; klala maikamna daukankam saura ba tâwan. Yang, Dawan, kasak aisisna.’ ”

Isikiel 30:15

“Sin purara kupi baiwanka laikamna, baha lika Idsip karnika ba, bara Tebas yuyaka ba sauhki tikamna.

Isikiel 33:20

Man nani kli aisisma: ‘Dawan ba diara kasak kat daukras.’ Sakuna yang bui Israel luhpia nani, man nani kumi bani lâmka daukamna, dîa dîa daukram ba kat.”

Isikiel 6:12

Ya laihura nani ba siknis wal prubia, ya pruras lamara ba sord malka ra prubia, ya takaskbia ba, plun wahwan wal prubia. Baku bal aimakbia kupi baiwanka ba.

Isikiel 7:27

King ba sari kwalka dimbia, wihta tara ba sari lâka ra kauhbia bara tawan uplika ba tatatbia. Ai daukanka ba kat munamni bara lâka daukamni, witin nani nahki praiska lâ daukan ba. Baku ai dara walbia yang sika Dawan sna ba.”

Isikiel 7:9

Umpira kaikan lâka ni mai kaikamna apia; klala maikaisna daukankam ba kat, maikrika man diara saura pali nani daukram ba mana aibapma. Bara man nani tânka brima yang, Dawan, man nani ra klala maikisna ba.

Isikiel 9:10

Baku bamna, yang bui witin nani ra umpira kaikamna apia, ai daukanka tâwan yang yabrika aibapan kabia.”

Isikiel 9:8

Bara iki tiki kan ba ra yang yakan takaskri, ningkara maiwan ra bawri, bara bîli saki wini aisari: “Dawanki, ¿man kupiam baiwanka ba Jerusalem purara mangkaisma ki Israel kiamka nani takaskuya ba sut sauhki tikma kat?”

Daniel 9:11

Israel luhpia nani sut man bîlam kulkras atia takan, bara dîa lâ mangkram ba sin wali daukaia apia win; baha mita naha lahtubanka na wan purara kauhan, aikuki swer daukan ba nampakan Moses lâ wauhkataya ra ulban ba kat, ban yang nani lika man mampara saura dauki banhri.

Daniel 9:27

Kau wik kum ba bilka ra, upla ailal aikuki lâ kum daukbia, sakuna wik kum ba bilka ra sakripais daukaia ba bara diara mana luha yaia lâka ba, kli daukan kabia apia wibia, tempel lâka ba sauhkanka tara bara diara saura daukan kabia, diara angki daukaia pliska mawan ba kat, sauhki tikaia piua ba aimakbia bara Gâd mita lâ lui sasauhkra ba purara kauhbia ba kat.’ ”

Oseas 12:3

Jekob, witin kau aisubi takras kan ba ra, ai muihni kan dakbi pat mina ra alkan, waitna almuk takan ba ra, Gâd wal aitwaki kan.

Oseas 5:10

Dawan aisisa: “Juda wihtka nani ba sin baha uplika nani ba baku sa, tasba piarkika ba wina kainara kitbisa. ¡Sakuna yang kupi baiwanka lisamrika ra dingkaisna!

Nahum 1:6

¿Witin ai kupia baiki lawi ba mapara ya sip sa ki bapi buaia? Ai kupia baikuya laptika ba, pauta klauhan baku laiwisa, bamna walpa tara nani ba baiwi lilak wal taki, witin ai mawanra, walpa tara nani ba lilak pîs wâl ra baiwisa.

Param Marikanka 14:10

Gâd kupia baiwanka wainka ba diaia kabia, baha ba uya karna pali ai lawanka ba ra witin laikan sa. Ani uplika naha daukbia ba, pauta klauhan ni bara sulpa ni sin rausauhkan kabia Gâd insalka nani mawanra, Sîp Luhpia ba mawanra sin.