Isikiel 7:20 - DAWAN BÎLA AISKA

²⁰ Walpa klauhira prana ba mita sinskas lâka ba banhwan, bara baha wal yamni kaikaia apia aidulka lilka nani paskan kan. Baha mita yang walpa klauhira ba bahki daukamni.

Isikiel 7:20 ပူးပေါင်းရင်းမြစ်များ

2 King Nani 21:4

Baha sut purkara sin, Dawan tempelka ra altarka nani paskan, baha dukiara sika Dawan aisin witin ai nina ba Jerusalem ra bâra kabia baha pliska ra.

2 King Nani 21:7

Baku sin Aserá lilka paski Dawan tempelka ra mangkan, baha kainara Dawan mita Debit bara Salaman ai luhpia wal ra wisata ba: “Naha Jerusalem tempelka watla ba bâk saki briri sa, Israel kiamka nani tila ba wina, yang iwaia waitla ban kaia ra bâra kabia.

2 Kronikas 2:9

dus nani ailal ridi daukaia dukiara, kan tempel watla mâkaisna ba tara kaia sa, bara diara aihka painkira kabia.

2 Kronikas 36:14

Juda tâ uplika nani sin, prîs nani bara tawan uplika nani sut sin, Dawan wina laihura takan, aidul ra mayunan nisan wala nani baku, Dawan tempelka kulkras kan, baha witin wahbi sakan kan ba Jerusalem ra ai pliska holikira baku.

Esdras 3:12

Bara prîs nani, Libait nani bara utla lalka nani manis pat almuk nani ba, witin nani tempel almuk ba kakaira kan, baha mita ai bîla baikra tara saki ini banhwi kata, kan witin nani kaikisa tempel ba kli raya mâkuya ba dukiara; sakuna wala nani lika lilia mita ai pura wini banhwi kan.

Lawana Nani 48:2

¡Nahki painkira prana sa, Saion ilka pura ba, laih yahbra tani ra, tasba aiska liliaka sa, king tara tawanka sa!

Lawana Nani 50:2

Dawan ba bui laih Saion wina ai ingnika blikisa, baha tawanka pranakira kasakkira pali ba wina.

Aiseya 30:22

Bâra lika lilka nani daukram ba, silbar ni lalaubi paskram ba tâski kulkma, lilka nani karbi daukram prâka nani gul ni slilki daukram ba sin. Bara baha nani ba tnaya ra lakma kwala tâski wan âuya warbi ba baku; witin nani ra wima: latara taki was.

Aiseya 64:11

Yawan wan pura sunaia watla holikira ba, baha yawan wan prana kata ba, baha bilara yang nani damiki nani man ra mamyuni kata; baha sut nanara pauta ra angkan. ¡Baku sin yawan wan dukia manakira kau pali pain kaiki kata!

Jirimaya 7:14

Baha mita, yang pliski holikira Siló ra dîa munatna ba baku, naha tempelka mâki aikan na ra sin daukamna, naha tempelka man nani ra maikri na baha damikam nani ra yabri ba, man nani bahara kasak lukisma ba.

Jirimaya 7:30

Dawan ba kasak aisisa: “Yang yamni kaikras sna, Juda uplika nani diara daukan ba: yang saura kaikisna aidulka ba witin nani bri yang tempelki ra brih wan bara waitla ba tâski daukan.

Inanka Nani 1:10

Waihla nani dawanka takan sa Jerusalem yuyaka bara prana nani kata ba sin. Upla nani ba kaikan idan uplika nani, Dawan wal prawaia watla holikira ra ai karnika wal diman ba, ¡Dawan, man baha nani uplika ra adar yabatma man wal asla prawaia pliska ra dimbia apia, baha uplika nani sika diman ba!

Inanka Nani 2:1

¡Nahki Dawan ai lawanka tara ba wal, Saion painkira ba tihmu daukan kasbrika distika ni! Kasbrika pura ba wina tasba kat bataki ba baku, Israel prana ba batakan sa; witin ai lawanka ba yua ra, ai mina taibaika ba dukiara kat sin ai kupia krawras kan.

Inanka Nani 2:7

Dawan mita ai altarka ba bahki kulkan bara Dawan wal prawaia watla ba sut tikan; bara kutbanka tara kata ba sut, witin bui waihla nani mihta ra mangkan. ¡Ini yahwi binka tara kum sin takisa Dawan tempelka ra, liliaka yua tara kum ra baku!

Isikiel 11:18

Witin nani kli tawi balbia ningkara, ai kuntrika ra diara saura nani dauki ba sut âpu daukbia, diara yamni apia nani witin ra ba sin.

Isikiel 16:16

Man prâmka nani ni il nani ra idan nani ai pura sunaia tintka watla paskan, bara man baha bilara ur takram.

Isikiel 16:19

Man ra brit maikri ba plawar kau pain ba ai daukan britka ba, bara batana laya nasma sin yang mai dakakri, bara baha nani ba man bui witin nani ra kîa pain prisantka dauki yaram. Yang, Dawan, kasak aisisna.

Isikiel 23:38

Baha purkara, naha nani daukan yang maipara: sim yua ra, tempelki holi ba tâski daukan bara ris briaia yua ba sin kulkras kan.

Isikiel 24:21

‘Israel luhpia nani ra wis: Dawan ba naku wisa: Tempelki ba tâski daukamni man nani kaikaia lihkisma bara latwan sma ba; man nani kulkanka tara brisma bara karnikam ba; luhpa mairin bara waitna nani, Jerusalem ra swiram ba iki yakabia.

Isikiel 5:11

Yang, Dawan, rayaki ra luki swer takisna: Man nani bui yang tempelki holi ba aidulkam tâski nani ba ni, daukankam saura pali ba ni tâski daukram bamna. Yang sin man nani ra mai sauhkaisna umpira mai kaikras kira; man nani dukiamra kupi swapni takbia apia.

Isikiel 7:22

Yang naha kuntrika wina tnaya ra tawamna bara swimna tempelka ba tâski daukbia, kan baha sika yang duki kukan. Tahplu nani balbia bara tâski daukan kabia.

Isikiel 9:7

Baha ningkara witin nani ra win: “Tempel ra was bara tâski dauks; pruan nani wal kutbanka painkira ba banhks.” Witin nani taki wan bara tâ krikan tawan ra upla ikaia.

Hageo 2:3

“Tempel almuk pranakira pali mâkan kan kaikan uplika nani ba, nanara yawan raya bri na nahki kaiki ba wan wibia. ¿Almuk ba wal praki kaiki ba ra, naha raya na prana lika bahki sa apia?

Wihta Nani 8:24

Yang bui man nani ra mamkabisna ba lika, wan waihla suldiar nani wina gul mihtadingka nani man dakbi briram ba, yang ra aikma. Witin nani gul matadingka nani bri kan ba sika suldiar waihla nani yus muni kan, uplika nani ba lika upla iwras tasbaya uplika kan bamna.

Wihta Nani 8:27

Baha gulka nani ba Gedeón brih, prîs prâka ‘‘efod’’ paskan, bara witin ai tawanka Ofrá ra bri si, watla kum dauki baha bilara mangki swin, upla sut kaiki kaia. Bara Israel luhpia nani sut baha aidulka ra kaiki ai pura sunan, bara Dawan ra lika ai pura sunras kan. Bara baha ba Gedeón bara witin ai watla bilara ai luhpia nani sut mapa ra, mina alkaika kum takan.