Isikiel 7:19 - DAWAN BÎLA AISKA

¹⁹ Ai silbarka nani ba, yabal nani ra batakbia, bara gul nani ba bahki kulkbia. Dawan lawanka ba wina ai gulka bara silbarka sin sip swaki sâkbia apia.

Isikiel 7:19 ပူးပေါင်းရင်းမြစ်များ

2 King Nani 7:15

Witin nani wan bara nina blikan laih Jordan awala ba kat. Bara Siria uplika nani ba prâk, traus nani bara diara wala nani sin ailal yakaban kan, isti muni plapan ba tâwan. Bara blikan uplika nani kli tawi balan ba ra, dîa kaikan ba king ra win.

Sins Lâka 10:2

Wan yuyaka nani lâ watawi mita kukan ba, wan hilpka kabia apia sa, sakuna kasakka lâka lika, prura wina wan dakbi wan sakisa.

Sins Lâka 11:4

Wan yuyaka ailalka ba, wan hilpka kabia apia lâ tara yua ra, sakuna kasakka lâka mita prura wina wan dakbi wan sâkbia.

Smasmalkra 5:10

Ya lalah ra latwan kaiki ba, piu bani ra kau want plikisa, bara ya diara kukan lihki ba, aima kumi sin lukras sa, witin aitani bri ba. Naha sut ba bahki baman sa,

Aiseya 2:20

Upla nani gul ni bara silbar ni bahara mayuni kaia paskan ba, aidulka nani ba, baha yua ra, matis nani ra bara sakangki nani ra lulki yaban kabia.

Aiseya 30:22

Bâra lika lilka nani daukram ba, silbar ni lalaubi paskram ba tâski kulkma, lilka nani karbi daukram prâka nani gul ni slilki daukram ba sin. Bara baha nani ba tnaya ra lakma kwala tâski wan âuya warbi ba baku; witin nani ra wima: latara taki was.

Aiseya 55:2

¿Plun apia ba dukiara dîa muni lalah yabaia? ¿Dîa kan wark taki lalahkam sakisma ba âmyapah mai daukras ba mana yabaia? Man nani, yang ra aman wals, bara plun pain nani ba pima, plun auhni nani ba pima.

Inanka Nani 4:1

¡Gul ba nahki muni mapla tiwan! ¡Gul ingnika lipni ba nahki muni tikan! ¡Tempel walpaya nani ba yabal un nani ra yakaban sa!

Isikiel 13:5

Israel kaina kahbaia dukia diara kumi sin daukras, Dawan yua balbia bara witin nani aiklabi bapi bûi kaia dukia.

Isikiel 14:7

Israel uplika kum, apia kaka upla tringsar kum Israel ra iwi ba, yang laima wina taki wan bara ailal nani bri bara aiska pali tâwan ai pura suni ba, witin ra munan saura dauki bâra kaiki ba, bara baha wina kli prapit kum ra wih ai pura suni ba yang ra ai pura sunaia wisi, yang mita witin ra aisamna.

Isikiel 30:3

pat aula ba dukiara; ¡Dawan yua ba pat aula sa! ¡Yua dista dingkan kum kabia, yua saura pali kum nisan nani mapara!

Isikiel 44:12

Witin nani Israel luhpia nani dukia dauki kata aidul ra mayunra daukaia, bara baku yan saura daukaia. Bahamna, ai saurka mana aibapbia. Yang, Dawan, kasak aisisna.

Sofonías 1:18

Dawan lawanka ba yua ra, upla silbar bara gul bri ba mita swaki sâkbia apia, kan Dawan kupia baiwanka pauta klauhan baku ba mita, kuntrika aiska ba âpu daukbia. ¡Tasba ra iwi nani ba sut, wan nakra klipan kumi ra âpu daukan kabia!

Sofonías 1:3

Upla, daiwan, piawira, bara inska nani sut sauhki tikamni, watawikira nani ba mina prukaika mangkamni bara tasba wina upla sut âpu daukamni.” Dawan naha kasak aisisa:

Matiu 16:26

¿Bamna upla mapara dîa hilp kabia ki tasba aiska na bribia, sakuna ai sulka ba tikbia kaka? ¿Upla ba ai sulka mana nahki aibapaia sip sa ki?

Roman 11:9

Debit sin naku wisa: “Witin nani pata tara liliaka ba lika daiwan alkaika bara inska alkaika tanka baku sa, witin nani ai mina prukbia, bara klala yaia wisi.