Isikiel 7:11 - DAWAN BÎLA AISKA

¹¹ Lâ krikaia daukan ba wina, saurka lâka pâwisa, sakuna witin nani baha, yuyaka nani wina diara bribia apia ai kisbi winanka ba wina sin.

Isikiel 7:11 ပူးပေါင်းရင်းမြစ်များ

Lawana Nani 125:3

Wihta tara saura ba, ai tasbaya ra ban tâ bri kabia apia, Gâd bui ai uplika ra tasba yaban ba watawan lâka ra ai uplika nani praptis munbia apia.

Lawana Nani 73:8

Lawaska kikisa, praut lâka ni bara sinska lâka wal upla ra watawi munaia man plikisa;

Lawana Nani 78:64

Prîs nani ba sord malika ra ikan, bara piarkika nani ba ini banhras kan.

Aiseya 14:29

Filisteo nani sut, man nani lilia kapara, klala maiki kan dusa ba krikan wisi; ani wina piuta kum takan ba, baha wina piuta kau puisinkira ba bal takbia, baha ningkara kau sin dragun pâpalra kum takbia.

Aiseya 5:7

Dawan karnika sut pali bri ba wainka nasla ba, witin ai brinka pali kan mangkaia ba, Israel tawanka uplika nani, Juda uplika nani ba. Dawan ai lâka ba kulkbia bîla kaiki kan, sakuna kaiks upla ikaia lâka baman sakan; kasakka lâka daukbia bîla kaiki kan, bara kaiks inanka baman sa.

Aiseya 9:4

Alba lâka Madián ra kan upla nani ra taibi kan ba man mita saki lulkram ba baku, taiban lâka ai sarka paski kan ba, wihta prautkira lâka witin nani ra taibi kan ba sauhki tikram.

Jirimaya 22:18

Bamna Dawan Joaquim, Josías luhpia waitna Juda kingka ba dahra aisisa: “Witin prubia ba sarka inaia upla âpu kabia. Upla kumi sin âpu kabia pura mata ini aisaia: ‘¡Alai, muihki! ¡Alai, laikra! ¡Alai, Dawan! ¡Alai, king tara!’

Jirimaya 25:33

Dawan mita daukbia baha yua ra upla nani prubia ba, tasba tâ kum wina tâ wala kat pruan nani ba prawi kabia. Upla kumi sin baha nani pura mata inbia apia, upla kumi sin baha nani bikaia alki bukbia apia; daiwan kânka nani baku tasba ra pruan kabia.

Jirimaya 6:7

Jerusalem wina sika watawika lâka urhwisa, liwanhta wina lî kârma kururwi ba baku. Lâ krikanka diara sauhkan sturka baman walisna; insauhkan nani ba latwan bri ba baman kaikisni.

Jirimaya 7:34

Yang daukamna Juda tawanka nani ba bara sin Jerusalem tawanka yabalka nani ra lilia dauki aiwananka ba, maya baiki lawana nani aiwani ba sut lap tiwaia; tasbaya aiska ba upla iwras tasbaya baku bîla man swimna.”

Isikiel 45:9

“Yang Dawan sna ba, aisisni: ¡Ba kat aitani sa, Israel gabamintka tâ brabrira nani! ¡Kau taiban lâka âpu, saura munan sin âpu! ¡Kasakka lâka ra bara wapni lâka ra taws! ¡Upliki nani tasbaya implikisma ba swis! Yang, Dawan, baku adar yabisni.

Isikiel 5:11

Yang, Dawan, rayaki ra luki swer takisna: Man nani bui yang tempelki holi ba aidulkam tâski nani ba ni, daukankam saura pali ba ni tâski daukram bamna. Yang sin man nani ra mai sauhkaisna umpira mai kaikras kira; man nani dukiamra kupi swapni takbia apia.

Isikiel 5:4

Bara tisku kli baha wina wiria lupia brima, bara pauta klauhan ra lulks ambia. Bara baha wina pauta klauhan takbia, Israel tawanka aiska mapara.

Isikiel 6:11

Dawan bui ai win: “Man mihtam pruki minam tingbi ins; wini ins Israel watawika lâka saura daukan latwanka ba mita, war, plun wahwan bara siknis nani tâka witin prubia.

Isikiel 7:16

Bara baha nani tila swakbia ba, il tara nani ra wabia bara twi langni butkuka nani sirang iwan baku, ai mamna lulki kabia, sakuna sut prubia saura daukan bamna.

Isikiel 7:2

“Yang Dawan sna ba, Israel kuntrika ra wisni: Pat tnata ba aula, tasba aiska tnata ba aula.

Isikiel 7:23

“Sîn kum dauks, kan tasba na tala laikan lâka ailal pali sa bamna, bara tawan ba lâ krikaia lâka manis pali sa.

Isikiel 8:17

Bamna Dawan bui ai win: “¿Man kaikisma ki? ¡Juda uplika nani baha diara nani saura dauki ba wal kau aitani apia sa, baha purkara kuntri na sin saurka lâka wala ni banhkan! Natka kum wina natka wala ni yang kupi laikisa, kaiks baha kîa nani ba kâikma kat aula.

Emus 3:10

Dawan kasak aisisa: “Baha uplika nani ai watla tara pranakira bilara iwisa, sakuna wapni, lâ kat iwi kaia ba tânka briras; ai watla tara nani ba ra auhbi banhki brisa impliki brin dukia nani ni.”

Emus 6:3

Mai sauhki tikaia yua tara aula ba dukiara, man nani lukaia want apia sma, sakuna man nani mita sauhki tikanka tara ba aubi brih aulma sa.

Miqueas 2:2

Upla wala tasbaya nani ba kaiki tumisa bara sin dakbi brisa; baku sin upla wala watla nani kaiki tumisa bara implikisa; watla dawanka waitna ra, maya bara luhpia nani ra, ai yuyaka bri ba sut ra taibi munisa.

Miqueas 3:3

Upliki nani ra raya kan pîsa, ai taya kalki sakisa, bara dusa nani ba sin krikisa; sim wîna dikwa ra auhbi piakaia klaki dauki ba baku daukisa.

Miqueas 6:12

Yuyakira nani naha tawanka ra iwi ba upla umpira nani ra tataibra pali man sa; kuninkira nani bara upla ra kunin mamunra baman nahara iwisa.

Sofonías 1:18

Dawan lawanka ba yua ra, upla silbar bara gul bri ba mita swaki sâkbia apia, kan Dawan kupia baiwanka pauta klauhan baku ba mita, kuntrika aiska ba âpu daukbia. ¡Tasba ra iwi nani ba sut, wan nakra klipan kumi ra âpu daukan kabia!

Jems 2:13

Kan ya ya ai uplika ra umpira kaikras kaka, witin ra sin umpira kaikras kira ai lâka daukan kabia; sakuna ani uplika umpira kaikan lâka bri kan kaka, lâ daukbia yua ra witin mita pura lubia.