Isikiel 6:9 - DAWAN BÎLA AISKA

⁹ Baha nisanka nani tilara pruras swak takbia nani ba, yang ra ai kupia kraukbia; yang nahki witin nani ba yabri pât wahwaia ba ai kupia kraukbia, witin nani ba yang wal wapni apia bara tnaya ra tawan, aidul nani ra mayunan bamna. Watawika lâka nani daukan ba lukbia bara aikaban daukbia, diara saura nani kaikan wan daukras kan daukan bamna.

Isikiel 6:9 ပူးပေါင်းရင်းမြစ်များ

2 King Nani 16:10

Baha ningkara king Ahaz ba Damaskus ra Asiria kingka Tiglat-piléser wal prawaia wan, bara kaikan daiwan iki angkaia altarka bâra kan ba. Bamna prîs Urías ra altarka nahki paskan ba patrangka kum blikan,

Job 42:6

Baha mita dîa sna ba wina kupi lakisna, tasba yuya bara yamhpus ra iwisna ba wina.

Lawana Nani 137:1

Babilon awala nani lamara iwi, Saion ra luki ini banhwi kapri.

Lawana Nani 78:40

¡Aima an Gâd bîla wali daukras kan bara upla iwras tasbaya ra yaban pât wahwan!

Aiseya 43:24

Man nani yauhrus kîa yamnikira ba yang duki atkras katma prisantka baku sal aikaia, sakripais ra wîna batanka nani ni banhkras katma, ban sakuna, man nani saurkam wirhika yang purira kahbram, watawikam lâka ni ai swapkram.

Aiseya 63:10

Sakuna witin nani Dawan mapara babura nani takan, Dawan holikira lâka ba witin nani mita kupia baikaia daukan; baha mita witin baha nani ba waihla takan bara witin nani ra aiklaban.

Aiseya 64:6

Yawan sut na upla tâski kum baku sa; yawan wan warkka pain nani sut ba kwala tâski kum baku sa; yawan sut na kauhan dus wahia srawan baku, bara yang nani upla iki saurki ba mita pâsa baku ai raskaia ai brih auya.

Aiseya 7:13

Bara Aiseya bui win: “Nanara man nani wals, Debit king watla bilara sma uplika nani. Man nani mampara diara saura sa, upla ra trabil muni swapni sakaia ba, ¿ban sakuna man nani, yang Gâdki ra sin baku munaia lukisma ki?

Jirimaya 3:13

Man watawi daukram ba daukri, wis, Dawan Gâdkam mapara babura takram ba; tringsar nani latwan kaiki plapi pliki waram ba, dus tara nani sut distiki ra waram, yang bîli walras adarki nani wîri ba daukras. Yang, Dawan, kasak aisisni.’ ”

Jirimaya 3:6

King Josías yua nani ra Dawan mita yang ra naku ai win: “¿Man kaikisma ki Israel maipara babura ba diara daukan ba? Witin il purara uli dus tara nani munhtara ur taki tauki banhwi kan.

Jirimaya 51:50

Man nani upla iki kan tila wina swak takram ba, takaskras plapi bas, kan laihura sma sakuna Dawan ra luki bas; man nani Jerusalem kupiam krauki bas.

Isikiel 12:16

Sakuna yabrika upla kum kum war wina swakwi takbia, plun wahwan, bara siknis nani wina. Ani nisanka ra wabia sut ra, witnis aisabia yamni apia diara nani daukan ba dukiara, baku ai dahra walbia yang sika Dawan sna ba.”

Isikiel 16:43

Man âmya tikram tiara katma ba, bara kasak kupi sauhkram daukankam nani saura ba ni, yamni kaikras sna ba wal; baku bamna, klala maikamna baha daukankam ba tâwan. Yang, Dawan, kasak aisisna.

Isikiel 16:61

Yang muihkam almuk ra ai luhpia mairin nani baku mai swimna bara muihkam sirpi ra, lâ daukan ba taibi ai munras naha na daukaia kuna, man kupiam kraukma natkam almuk kata, bara swiram takma.

Isikiel 16:63

Man kupiam kraukma, bara swiram lâka tara pali damra walma; bara bawan lâka sin baku man kli bîlam kwâkma apia; yang saurkam swih tikamna, diara nani daukram ba sut wina. Yang, Dawan, kasak aisisna.’ ”

Isikiel 20:24

Dîa muni lâika nani ba daukras kan, lâika nani ba bahki kulkan, yang riski yua nani ba tâski daukan bara ai nakra nani ba ai aisika nani aidulka ba baman kaiki kan.

Isikiel 20:28

Yang pramis takri tasbaya ra yabri diman ba ra, kiahwak kaiki kan kiuhsi kum ba, apia kaka dus tara kum ba, bahara ai sakripaiska nani dauki kan bara prisantka nani yabi kan. Kupi tara pali sauhki ba sika, kîa yamni nani laiki kan bara prisantka nani ba wain ni laiki kan.

Isikiel 20:43

Bahara kupiam krawbia, nahki man nani diara saura nani daukram ba; bara klauna âmya warbia, saurka nani daukram ba dukiara.

Isikiel 20:7

Bara kumi bani ra adar yabri ai gâdka nani yamni kaikras sna âpu daukbia bara Idsip aidulka nani brih wapaia apia, kan yang, Dawan, Gâdka sna bamna.

Isikiel 23:30

baha tâka mita sika naiwa man ra baha diara taki ba, kan man ur takaia lâka daukisma ba mita, baha nisanka nani aidulka ra mayunram bamna mâyara kauhram sa.

Isikiel 5:13

Bara yang kupi baiwanka ba sakamna; bara lawanki witin nani mapara ba âuyapah lâka daukamni, bara daihra walamna. Bara lawanki witin nani mapara mangkamna ba ra, ai tânka bribia, yang Dawan ba mita sika wîri lawanki tara tilara.

Isikiel 6:10

Bara witin nani ai dara walbia yang sika Dawan sna; saura nani ba man nani ra blikaia pramis mai munri ba, baha yang bahki aisaras.’ ”

Isikiel 7:16

Bara baha nani tila swakbia ba, il tara nani ra wabia bara twi langni butkuka nani sirang iwan baku, ai mamna lulki kabia, sakuna sut prubia saura daukan bamna.

Oseas 11:8

“Efraín, ¿yang nahki man mai swimna ki? Israel, ¿yang nahki man mai lulki mai swimna ki? ¿Adma tawanka tara sauhkri ba baku, mai sauhkamna ki, apia kaka Seboím ra daukri ba baku, mai munamna ki? ¡Yang kupi na wirha pali takisa, latwan pali mai kaikisna ba mita!

Emus 2:13

Baku daukram bamna, yang bui nanara tasba minam ni taibisma ba yabrika bin tara daukbia, sim karita kum plawar mâ banhki bri kan bin dauki ba baku.

Miqueas 5:13

Walpa ni karbi gâdkam lilka daukram ba sin, yang âpu daukamna; bara man nani mihtam ni paskram gâdka nani ba mawanra, kli bawi mayunma apia.

Sakaraya 10:9

Yang bui witin nani ba nisan nani tilara yakabrira daukri, ban sakuna, laihura ba wina yang ra luki kabia, bara yu kum ai luhpia nani wal kli tawi balbia.

Kulki Kaikanka 15:39

Bara baku man nani prâmka mahta ra pîska praki sipi banhwisma ba ra kupiam krauki kama, baha lâka nani sut maikri ba dukiara, bara man nani baha lâka nani ba kat sin dauki kama. Bara baku mika man nani kupiam brinka ba mita mai raski mai brih wabia apia, kan man nani ba yang maipara kasak kaia katma lâka ba swiram sa.

2 Pita 2:14

Mairin nani kaikbia ba sut want sa; saura dauki sin swapras. Sulka swapan takan nani ba maisa kapisa; witin nani baman sin diara manis bri kaia want sa; bamna baha nani ba upla saura pali kulkan sa.