Isikiel 6:6 - DAWAN BÎLA AISKA

⁶ Man nani iwram pliska nani sut ra tawan nani ba sauhkan kabia, idan nani ai pura suni altarka nani ba slingban kabia, altarka nani ba sut pali aiska slingban kabia, aidulka nani ba sin yuya sirpi man daukbia; baha altarka nani ra kîa pain nani angki ba batakan kabia; man nani diara nani paskram ba sut tiwan kabia.

Isikiel 6:6 ပူးပေါင်းရင်းမြစ်များ

1 King Nani 14:23

Kan witin nani sin gâd bahki nani watla paskan, walpa nani bara dus playa kutbanka nani bukan Dawan bahki ra mayunaia dukiara, kiuhsi nani ra, dus tnawa ailal bri nani munhtara sin.

Lawana Nani 115:8

Ya bahmuna aidulka nani dauki ba, baha nani wal baku sa, ya witin nani ra kasak lukbia ba sin.

Aiseya 1:31

Karnakira ba, twi lâwan baku takbia, ai daukanka nani ba sin biulwaia dukia kabia, bara wâlsut ambia, baha daskaia sin upla âpu kabia.”

Aiseya 2:18

bara aidulka nani ba sut âpu daukbia.

Aiseya 2:20

Upla nani gul ni bara silbar ni bahara mayuni kaia paskan ba, aidulka nani ba, baha yua ra, matis nani ra bara sakangki nani ra lulki yaban kabia.

Aiseya 27:9

Sakuna, Jekob watawanka nani ba ban swih tikan kabia, bara naha nani taki ba tilak, witin ai saurka nani daukan ba ban swih tikan kabia: gâdkas nani altarka ba sut sauhki yuya baman daukbia. Kal walpaya akbi ba baku, Aserá lilka baha altarka ra kîa yamni angki yabi ba sut, âpu daukbia.

Aiseya 6:11

Bara yang bui witin ra makabi walri: “¿Ahkia kat kabia, Gâd?” Witin pana yang ra ai win: “Tawan tara nani ba bîla man, upla iwaika sin âpu takbia ba kat utla bilara upla âpu kabia; bara tasba ba sin upla iwras tasbaya baku bîla man takbia ba kat.

Aiseya 64:10

Man tawankam holikira nani ba, upla iwras tasbaya daukan sa, Jerusalem ba sauhkan bîla baman swin sa.

Jirimaya 10:22

¡Damra wals! ¡Maisa pakanka kum blikan aula! Laih yahbra tani wina bin tara kum aula Juda tawanka tara nani ba upla iwras tasbaya, yul talia nani watla daukaia.

Jirimaya 17:3

tasba langnika il nani purara. Saura nani daukram ba tâwan yuyakam nani kukan kan nani brisna ba witin nani bal implikaia daukamna, kiuhsi nani ra aidul dukia nani ba bribia tasbaya aiska ra bâra ba sut.

Jirimaya 2:15

¿Dîa muni witin nani layan ihbi baku, karna ihbi bal alki ba? Kuntrika ba witin nani bal sauhki swin ba; tawanka nani sut angkan, uplika nani sin âpu daukan.

Jirimaya 34:22

Witin nani ba blikaisna naha tawanka na mapara bal aiklabaia, tawanka na bribia bara pauta ni angkbia. Juda tawanka wala nani ba sin upla iwras tasbaya daukamna. Yang, Dawan, baha kasak aisisna.”

Jirimaya 51:18

baha dukia nani ba diara bahki, lawaska kikaia dukia, Dawan lâ dauki kabia bara sauhki tikbia.

Jirimaya 9:10

“Il nani tilara ini bas, bara mamna sin lulki bas, twi pain pâwi tasbaya pura mata ini aiwani banhs, baha sut angkan, bahak sin upla wapras swin; bîp nani sin âpu uhbaia, daiwan tnawira nani wail nani ba sin sut plapan.

Jirimaya 9:11

“Jerusalem ba walpa nani ni pura paskanka tara kum daukamna, yul wail sâtka nani watla takbia; Juda tawanka tara nani ba upla iwras tasbaya kum daukamna.”

Jirimaya 9:19

Laih Jerusalem latwan saura bri ini ba walisa: ¡Alai, nahki muni yawan naku wan slingbi wan sauhkanka na ra diman! ¡Saura wan kulkan pâtka yawan wahwisa! Yawan wan kuntrika swih waia sa, wan watla nani sut slingwan sa.

Isikiel 12:19

Bara kuntri uplika nani ra wis Jerusalem, bara Israel luhpia nani sut: ‘Naha wisa Dawan ba: Sarikira ni patam pih banhma bara sibrinkira ni, diaia laya ba dima. Kuntri ba sauhkan pali kabia bara bîla man kabia; bahara iwi nani saurka tâka ba mita.

Isikiel 16:39

Witin nani mihta ra mai swimna, ur takisma pliska nani ba aidul ra mayunisma pliska nani ba sut sin sauhki tikan kaia. Kwalkam ba daikbia bara aiskahkaia dukia nani brisma ba sin, bara susu pali mai swibia.

Isikiel 30:13

“Yang Dawan sna ba, aisisni: Aidul nani ba sauhki tikamna bara Menfis ra gâd bahki nani ba âpu daukamna. Idsip ba kli, ya tâ briaia âpu kabia, bara sibrin lâka tara ni kuntri ba banhkamna.

Isikiel 35:4

Tawankam nani ba sauhki tiki swimna, bara man upla iwras tasbaya ra mai swimni. Bara baku man damra walma yang sika Dawan sna ba.

Isikiel 5:14

Yang mita mai daukamni, diara sauhki tikan yuyaka nani ailal ba baku, Jerusalem; swiram mai daukamni tawan nani kir mai bri ba sut mawanra, baku bamna upla sut mai kaikan kabia bâk lui nani ba.

Isikiel 6:4

Altarkam nani ba pîs ra baman daukamni man nani sakripais daukisma pliska ba, bahara kîa yamni angkisma ba. Daukamni uplikam nani ba prui banhbia aidulkam nani mawanra.

Isikiel 6:7

Bara pruan nani ba man nani tilamra ailal pali kauhan kabia; bara damra wals yang sika Dawan sna ba.

Oseas 10:2

Israel ai lukanka wâl brisa, bara nanara saura daukan ba mana ba aibapaisa. Dawan bal ai altarka nani ba slingbi tikbia, bara ai gâdka bahki nani altarka walpaya nani paskan ba sin slingbi tikbia.

Oseas 10:8

Idan nani ai pura sunaia watla nani mâkan ba, sauhki tikbia, bahara Israel luhpia nani saura dauki kan ba. Altarka nani ba purara kiaya kiwka, kiaya dusa nani pâwbia, bara upla nani ba il tara nani ra wibia: “¡Yang nani puri biks!”, il purara pali nani ba ra wibia: “¡Man nani, yang nani purira bal kauhs!”

Libait Lâka 26:30

Lukras nani tempelka ba sauhki tikamni, lilka nani ba slingbamni, altarka nani wâl ba sin baiki pura paski swimna; upla pruan nani ba paski swimna, bahki ai kulkaia lâka bri ba yang tâinka marikamni;

Libait Lâka 26:31

tawankam ba slingbi swimna, aidulka tempelka nani ba yuyaka baman, kîa pain nani bri balma ba kiawalamna apia.

Miqueas 1:7

Ai gâdka bahki, aidul lilka nani paski bri ba, baha nani sut yuya man krikan kabia; dus plamaya tara nani sunu bri ba, baha sut angkan kabia, kan rug mairin nani lalahka wal baha nani ba paskan sa, bamna kli rugka mairin nani lalahka ra lakamna.”

Miqueas 3:12

Baku bamna, man nani saurkam tâka mita, Jerusalem tawanka Saion ilka ra ba, insla daukaia tasbaya takbia, tawan slingwan bara aisawan tara kum kabia. Dawan ra pura sunaia watla ilka ra, inma kiaya pali man pâwi kabia.

Miqueas 5:13

Walpa ni karbi gâdkam lilka daukram ba sin, yang âpu daukamna; bara man nani mihtam ni paskram gâdka nani ba mawanra, kli bawi mayunma apia.

Abakuk 2:18

¿Lilka nani upla ai mihta ni alki paski ba dîa mapara hilp sa ki? ¿Lilka bahki kum kunin ra baman wan brih wi ba dîa hilp takaia sip sa? Lilka nani ba sip sturi aisaras sa, ¿bara lilka papaskra ba, nahki baha lilka ra luki tniwi kabia ki?

Sofonías 1:18

Dawan lawanka ba yua ra, upla silbar bara gul bri ba mita swaki sâkbia apia, kan Dawan kupia baiwanka pauta klauhan baku ba mita, kuntrika aiska ba âpu daukbia. ¡Tasba ra iwi nani ba sut, wan nakra klipan kumi ra âpu daukan kabia!

Sakaraya 13:2

Bara naha kuntrika aiska ra gâd bahki nani ba nina ba kat sin sut sauhki tikamni, ban baha nani nina ra ai pura suni kaia apia dukiara. Prapit nani lukan tâski bri nani ba sut, naha kuntrika wina sakamna. Yang, Dawan, naha aisisna.

1 Samuil 5:4

Asdod uplika nani kli balan yapra wala titan, bara kli kaikan Dagón ba Dawan lâka auhbaika watla ba munhtara kauhi prawi kan. Lal ba bara mihta wâl ba sin krikan bara dur bîla kat wîna tara ba baman prawi kan. Wîna tara lilapas pîska ba baman bâra kata.