Isikiel 47:1 - DAWAN BÎLA AISKA

¹ Waitnika ba aikan kli tempel durka ra tawi balri. Baku mika kaikri dur munhta bâk lî iswi kata, bara lalma tani ra laiwi kan, nahki natka ra tempel mangkan ba baku. Lî ba tempel aihkika tani bâk laiwi kata, altar ra ba wina waupasa tani ra.

Isikiel 47:1 ပူးပေါင်းရင်းမြစ်များ

Lawana Nani 46:4

Awala kum ba Dawan tawanka ba lilia daukisa baha Laih Purara iwi tawanka kau sunukira ba.

Lawana Nani 46:5

Baha tawanka lilapas kat, Dawan ba bâra sa bara alki brisa, Dawan bui yu bani ra hilp muni kabia.

Lawana Nani 87:7

Aiwani bara dans puli nani ba wisa: “Yang waitla ba man ra sa.”

Aiseya 2:3

upla sâtka nani ailal ba aisabia: “Bal, man nani, kaisa Dawan ilka ra uli waia, Jekob Gâdka ra pura sunaia watla ba kat; witin sin ai yabalka nani natka dukiara wan smalkbia, bara yawan, witin ai yabalka nani ra wapbia.” Kan Saion wina sika, Dawan lâka smalkanka nani ba bal takbia, Jerusalem wina ai bîla balbia.

Aiseya 30:25

Baha yua balbia bara upla ailal ikan kabia bara kan kahbaika pliska nani ba kauhbia, lî kârma nani sin bâra kabia il pura nani ra, kiuhsi nani sut purara sin.

Aiseya 55:1

‘‘Diran dauki nani sut, man nani bal lî nâra sa dis; lalah âpu nani, man nani sin bal, mana luha plawar pis; wain laya, tialka laya sin, mana luha bris.

Jirimaya 2:13

“Yang upliki nani aima wâl saura daukan: ai lulki ai swin, yang rayaka laya kârma ra ai briras, witin nani lî watla paskan, laya watla nani ba iswisa sip lî alki takaskras ba.

Isikiel 40:6

Baha wina witin lalma tani getka ra wan. Bara tips bâk uli purara wan, getka tani wâl ba kulki, baha sin 10 pît bîla yahpika bri kan.

Isikiel 41:2

Lilapas kat dimaia durka bîla ba 8 pît bri kan; baha kutbanka ra tâ baiki playka wâl ba kumi bani 5 pît bri kan. Baha ningkara lilapas bîla ba kulki kaikan: yarika 68 pît, bîla yahpika ba 34 pît bri kan.

Isikiel 46:24

Baku ba ra ai win: “Naha sika piakaia pliska bara tempel ra wark dauki nani ba piakbia daiwan sakripais bri bal yaban ba.”

Isikiel 47:12

Awalka bailka wâl un ra dus nani sât sât pâwbia mâ bri kabia. Wahia nani ba kauhbia apia ban kaia ra, mâ nani ba sin iwi ban kabia. Kati bani mâ alki kabia, kan tempel wina taki laya wal buski kabia bamna. Mâ nani ba plun bara wahia nani ba sîka kabia.

Isikiel 47:2

Ningkara aikan takri tempel dur tasbaya ba wina yahbra tani bâk, bara aikan wapi kir tawri lata tani ra dimaika ba kat lalma tani ra kaiki kata ba kat. Lî kârma sirpi kum iswi kata waupasa tani dimaika bâk.

Joel 3:18

Baha yua ra wain, bîp tialka laya ba sin il nani, kiuhsi nani wina lî laiwi baku laiwi kabia, Juda tingnika nani ba, lî banhki pura laiwi kabia. Bara tempelka wina lî kârma kum taki Sitim ilka bîla kat laiwi kabia.

Sakaraya 13:1

“Baha piua ra lî kârma kum takbia, bara baha laya ra Debit kiamka nani, Jerusalem ra iwi nani ba ai saurka nani ba sikbia.

Sakaraya 14:4

Baha yua ra Jerusalem lamara lalma tani ra, Oliv Dusa nani bâra ba ilka ra Dawan bubia. Bara ilka ba baiki langnika tara kum lalma wina muna kat daukbia. Ilka tnaya kum yahbra tani ra lakbia, tnaya wala ba waupasa tani ra.

Sakaraya 14:8

Baha ningkara Jerusalem wina lî kauhla taki kabia bara aubi kabia lî piua ra, mani piua ra sin, bakriki ba Kabu Pauni ra aubi kabia bara bakriki wala ba muna kabuka tara ra aubi kabia.

Param Marikanka 22:1

Bara insal ba awala klin kum ai marikan, rayaka lâka laya wanki ba. Baha ba glas baku ingnikira kan, bara Gâd king iwaika ba wina bara Sîp Luhpia king iwaika ba wina sin taki kan.

Param Marikanka 22:17

Spirit Holikira ba bara Sîp Luhpia maya mairin ba naku wisa: “¡Bal!” Bara wali uplika ba wiaia sa: “¡Bal!” Ya din dauki ba, balaia sa; ya brin dauki ba, raya kaia laya ba mana luha dibia.