Isikiel 43:2 - DAWAN BÎLA AISKA

² bara kaikri Israel Gâd prana ba lalma wina aula kan. Bin karna pali wali kan, lî tara binka baku kan, bara tasba ba Dawan ingnika ni ingwan.

Isikiel 43:2 ပူးပေါင်းရင်းမြစ်များ

Aiseya 17:12

¡Man nani wals upla kwâra alwani bin tara dauki baku dauki ba, bin tara kabu bin dauki ba baku! Baha sika nisan nani brukwi rangbi, ba binka takisa, lî kârma aubi ba binka ba baku.

Aiseya 6:3

Bara pana pana ai bîla baikra saki, wini kan: “Holi, holi, holi karnika sut bri Dawanka ba; tasba aiska ba ai prana ni banhwan.”

Isikiel 1:24

Witin nani ai kanra auya bara tnawa nani binka dauki kan ba sin awala lisamra tara aubi ba binka baku kan. Karnika sut bri ba bîla baikra baku, aiklaklabra nani ailal aula binka ba baku. Witin nani takaskuya ba ra, ai tnawa nani ba sin mâyara iki kan.

Isikiel 1:28

sim kumadura kasbrika ra lî auhi piua ra taki baku. Naha natka ra, Dawan prana ba yang ra bal takan. Yang baha kaikri ba ra, laila bawri tasba kangbaia prais kat.

Isikiel 10:4

Bara Dawan prana ba, kirubin lilka nani ba lal wina ingnika ba purara ulan bara tempel dimaia ba tani ra wan; bara kasbrika pura nani ni tempel ba banhwan, bara watla kutbanka ba Dawan prana ingnika ni aibanhwan kan.

Isikiel 11:22

Rayaka bri nani ba ai tnawa buki pâlan, bara wilwaika nani ba sin witin nina blikan. Bara Israel Gâdka prana witin nani purara kata ba sin,

Isikiel 11:23

baha sin tawan ba purara wina taki pâli laihura wan tawan lalma tani ra ilka ba purara kaia wan.

Isikiel 3:23

Bara yang bui twi ra taki wari bara bahara Dawan prana ba kaikri, baha prana ba Quebar awala un ra kata baku; bara maiwanra wih tasba kat bawatni.

Isikiel 43:4

bara Dawan prana ba lalma durka bâk tempel ra diman.

Isikiel 44:2

Bahara Dawan bui ai win: “Naha dimaika na prakan kabia; kwâkan kaia apia sa. Upla kum sin bâk dimbia apia, kan bahak Dawan diman bamna, Israel Gâdka. Baku bamna, prawan kabia.

Isikiel 9:3

Bara Ningkara Israel Gâdka prana tara ba kirubin nani ba pura kat uli wan, baha nani bâra kata ba kat, baha wina tempel dimaika ba kat wan. Bara Dawan waitna ba ra winan kwalka dimi kata ra, ai maisa ra ulbaia dukia nani bri kata ba.

Abakuk 2:14

Bâra mika Dawan prana tânka kaikaia sinska lâka ba tasba aiska ra banhwan kabia, kabu ra lî aibanhwan ba baku.

Abakuk 3:3

Gâd Edom tasbaya ba wina taki aula, Parán ilka nani wina Dawan holikira ba aula, witin ai prana ingnika ba mita kasbrika mawan ba banhwisa, tasba aiska ba sin witin mayunra ni aibanhwan.

Abakuk 3:4

Witin aula ingnika tara kir kutban tilara, bara ai mihta bîla wina, imyula baku ingnika nani ingwisa; baha ni marikisa dîa karnika nani witin bri ba.

Jan 12:41

Aiseya naha diara nani ra aisin, witin pali mita Jisas prana ba kaikan bamna, bara baha mita witin Jisas dukiara aisi kata.

Param Marikanka 1:15

Ai mina nani ba ingwi kan bras slilki lipni pali daukan ba baku; bara ai bîla baikra ba lika karna kan, sim lî aubra binka baku.

Param Marikanka 14:2

Bara kasbrika pura ba wina bin kum taki kan walri, baha ba lî aubra binka baku, bara alwani karna binka ba baku kan; arp kakangbra ailal ai arpka nani kangbi ba binka baku kan.

Param Marikanka 18:1

Naha ningkara, yang insal wala kum kasbrika pura ba wina bal iwuya kan kaikri. Witin na karnika bri kan, bara ai ingnika ba mita tasba aiska na ingni takan.

Param Marikanka 19:1

Naha ningkara, upla ailal bîla baikra tara kasbrika purara aisi kan, yang walri: “¡Dawan nina ba mayunan kabia! Swaki sakan lâka ba, prana ba bara karnika ba, wan Gâdka dukia sa.

Param Marikanka 19:6

Upla ailal bîla baikra baku sin walri, lî aubra binka baku, alwani nani karna binka baku sin. Baha nani naku aisi kan: “¡Dawan nina mayunan kabia! Kan Dawan ba wihta aimakaia lâka ba bukan sa, wan Gâdka karnika sut bri ba.

Param Marikanka 21:11

Baha tawanka ba Gâd ingnika ni ingwi kan, bara ai ingnika ba walpa painkira pali baku kan, jasper walpaya baku, glas klin pali baku.

Param Marikanka 21:23

Tawanka ba wan yu lapta ba, kati ba sin, ai ingnika yaia apia kabia, Gâd ingnika pali ba witin ra ingwisa bamna, bara Sîp ba ai lampka sa.