Isikiel 42:13 - DAWAN BÎLA AISKA

¹³ Bara waitnika ba yang ra ai win: “Tempel latka ra yahbra bara waupasa tani ra rum nani bâra ba, baha nani tempel latka kutbanka bilara bâra ba, baha watla nani ba aihka sakan sa prîs nani baman bahara dimi kaia. Baha prîska nani altar ra Dawan lamara wark taki si aula nani ba; plun prisantka nani altar ra ridi daukan ba, bahara bri si pin. Bara plun laya prisantka nani sin daukan ba, saura daukan pâtkira takan mana sakripais daukan nani ba, sunu baha watla nani ra brih wan, baha watla aihka saki sunu daukan bamna.

Isikiel 42:13 ပူးပေါင်းရင်းမြစ်များ

Nihimaya 13:5

tempel bilara rum kum ra dus mâka kîa pain nani ba, dîa watla dikwa nani sâtka ba, plawar matawalsip mânka yabi nani ba, wain, batana laya, Libait nani ra, aiwani nani ra, tempel durka ra aihwaki nani ra yabaia dukia nani, baha rumka ra auhbi kan rumka ba witin ra yaban.

Impakan Sturka 29:31

“Baha sîpka iki prîs warkka ra mangkan daiwra wîna ba brih, piakbia holi pliska ra.

Isikiel 40:38

Kutbanka aiska ba bilara latka ba wina tempel latka ra dimaia yahbra tani ra getka playa tara ba lata tani ra tnaya ba kat sin utla kum bâra kan. Baha watla ba ra sika daiwan nani sakripais daukaia brih aula ba iki wîna ba sikbi kan.

Isikiel 40:46

baha rumka wala yahbra tani ra kaikisma bara sin prîs nani altar ra wark dauki nani ba dimaia. Sadoc kiamka nani ba baman prîs warkka dauki kabia sa, witin baman sip sa Dawan lamara waia.”

Isikiel 41:12

Tempel wina muna tani ra kaiki ba ra, kaikisa utla kum bâra sa, latka bîla tara sa; watla yahpika yarika ba 150 pît brisa, bîla yahpika ba 116 pît bara kaina kutban twaknika ba 9 pît bri kan.

Isikiel 42:1

Baha ningkara, waitna ba ai brih wan lata tani ra yahbra tani ba ra, bahara rum nani bâra kan utla kum latka kutbi prakan tempel ninara yaba mawanra.

Isikiel 42:10

baha wina waupasa tani ra waia yabalka bâk taki waupasa tani latka ba ra wan sa. Tempel muna tani ra utla ba baha latka aiska kutbi prakan ba bahara diman, bara bahara sin rum nani bâra kan,

Libait Lâka 10:17

—¿Dîa kan man nani saura daukan sakripaiska ba, holi daukan pliska kum ra dimi iwi pih banhras kapram? Baha ba holi pali daukan sa, bara Dawan bui baha man nani ra maikan, baku dauki upla nani saurka daukan ba, man nani twilkaia, bara Dawan wina witin nani ai saurka swin tikan lâka ba bribia.

Libait Lâka 10:3

Baha ningkara Moses naku win Eran ra: —Naha sika Gâd mai wiaia ai win kan ba, naku win ba ra: ‘Yang laimara aula ba uplika nani ra marikamni holiki lâka ba, bara Israel luhpia nani sut ra yang praina ba marikamni.’ Bara Eran diara aisaras sâp kan.

Libait Lâka 14:13

Daiwan ikaia pliska ba ra sîpka ba ikan kabia, prîs ba holi takaia ba mata, saurka daukan mana sakripaiska ba. Baha angkaia pliska ra aiska angkbia, pâtkira sakripaiska, saurka daukan mana sakripaiska dauki ba baku, naha sin daukbia, baha ba holikira pali kulkan bamna.

Libait Lâka 2:10

Bara plun dîa kau angkras swin ba, baha pat Dawan dukia sakan kan bamna, baha lika Eran ra yabia, ai kiamka nani ra sin.

Libait Lâka 2:3

Bara plun prisantka yaban tâka kau swin ba, baha sika pat aihka saki Dawan ra yabaia sunu daukan prisantka sa. Bamna baha pat Dawan ra yaia kulkan ba lika, prîs Eran bara ai kiamka nani ra yabia.

Libait Lâka 21:22

Sip sa baha britka ba piaia, plun wala nani holi pali bara sunu daukan ba sin piaia,

Libait Lâka 24:9

Prisantka ba yaban ningkara britka ba Eran bribia, kiamka nani ba sin, bara holi daukan pliska kum ra wabia, bara baha witin nani pibia. Baha sika Dawan ra yaban pata kau sunu pali daukan ba.”

Libait Lâka 6:19

Dawan ba Moses ra aisi, naku win:

Libait Lâka 6:29

“Baha sakripaiska ba diara kum tâski âpu pali kulkan sa. Bamna prîs nani ba baman baha wina piaia sip sa.

Libait Lâka 7:1

“Pâtkira takan ba mana kli aibapaia sakripaiska nani dauki ba, daukanka holikira pali kum sa. Bamna sakripaiska nani ba naku daukaia smalkan:

Libait Lâka 7:6

Bara prîs nani sut ba baha ba piaia sip sa, sakuna plis holikira kum ra daukaia sa, kan baha ba diara holikira pali kum sa bamna.

Kulki Kaikanka 16:40

Baha takan ba Israel luhpia nani mapara smalkanka tara kata, bara marikisa sip apia sa kiamka wala kum Eran kiamka wina apia ba, kîa pain angkaia watlika ba lamara waia bara Dawan ra kîa pain angki yaia. Baha uplika ra sip sa, Coré bara ai uplika nani ra dîa takan ba baku takaia. Bara Dawan bui Moses ra dîa daukaia win ba baku, Eleazar mita daukan.

Kulki Kaikanka 16:5

bara Coré nina blablikra nani ra sin win: —Yauhka titan ra Dawan mita mamrikbia yamna witin ai uplika sa bara yamna sin sunukira sakan ba, witin nani ai lukanka yamni diara bri sal yabaia. Yamna witin mita bâk sakan ba kaikma, baha nani baman ai mawanra balbia altar ra.

Kulki Kaikanka 18:7

sakuna man nani bara luhpiam nani baman sip sma prîs warkka ba daukaia, baha kîa pain angkaia watlika ra, kwala paman ba nina tani ra; baha warkka nani ba man nani mihtam ra sa, bamna prîs warkka daukaia yang mita mihtam ra mangkri. Ani uplika prîs apia, sakuna ban prîs warkka daukbia kaka, witin ba pruaia pâtka ra lakan kabia.”

Kli Smalkanka 21:5

“Baha ningkara prîs Libait nani, Dawan mita sakripais daukaia warkka yaban ba, baha wih Dawan nina ra yamni munbia. Unsabi blahwanka nani sut ba witin nani wapni daukbia.