Isikiel 42:11 - DAWAN BÎLA AISKA

¹¹ baha rumka nani ba sin yahpika, kulkanka nani ba, yarika ba dimi, takaia bilka kulkanka nani sut ba, yahbra tani watla ra dîa kulkanka nani bri ba baha wal baku kan; bara wapi luaika ba sin bâra kan.

Isikiel 42:11 ပူးပေါင်းရင်းမြစ်များ

Isikiel 42:4

Baha watla rumka nani ba wina yahbra tani ra wapi luaia bîla yahpika ba 16 pît bri kan bara yarika ba lika 168 pît, baha wina watla ba bilara dimi kan. Rumka nani durka ba yahbra tani ra kan.

Isikiel 43:11

Bara ai swira takbia kaka dîa dîa daukan sut dukiara, bara wis tempel natka ba bara dîa bâra ba bahara; takaika ba bara dimaika ba, lâs kat, lilkika aiska ba, baku natka ra lâ nani kulkaia sa. Nahara lilki dauks, ai tânka aiska nahki kaia ba kat. Lâika nani sut ba uls bara baha kat kulkaia kabia.

Isikiel 44:5

Bamna Dawan bui ai win: “Man, upla luhpia, namkra ba pain kwâks bara aman wals, tempel lâka nani ba tempel bîla kat lâka nani ba yang mai wiaia sna na. Aman kaiki bas ani uplika nani ba tempel dimi taki kaia adarka bri ba.

Isikiel 48:30

“Tawan ba kutbanka tara kum kir kabia, yahpika ba 2,520 yar. Kutbanka baila bani ra dur yumhpa kabia, kumi bani Israel kiamka bani nina ra, naku natka ra: Yahbra durka nani ba: Ruben ra, Juda bara Libai; lalma tani ra nani ba: Josep ra, Benjamín bara Dan; waupasa tani ra nani ba: Simian ra, Isacar bara Zabulón; muna tani ra ba: Gad ra, Aser bara Neftalí.