Isikiel 41:3 - DAWAN BÎLA AISKA

³ Bara kli lilapas alkaia ba ra wan, baha wina kutbanka ra playka tara skwir ba kulki kaikan, pas kata ba 3 pît bri kan. Bilara dimaia wapi luaika ba 10 pît bri kan, bara playka tara bilara ba tnaya tara bilara ba tnaya bani twaknika ba 12 pît bri kan holi pliska ba.

Isikiel 41:3 ပူးပေါင်းရင်းမြစ်များ

Isikiel 40:16

Baha bilara utla sirpi nani bâra kan, playa tara skwir nani ba sin, baku sin windarka nani sin bâra kan, watla tara ba kir lata tani ra. Dur kat hal ra dimaia ra windarka nani ba sin, baha watla kir ba. Baku sin bilara playa tara skwir nani bâra kan taya ba kûku wahia sâtka lilka ni lilka daukan kan.

Isikiel 40:48

Baha ningkara witin tempel halka ra ai brih wan. Baha playka tara skwir nani ba kulki kaikan, playka kumi bani twaknika ba 9 pît bri kan, bara baha halka getka playka nani ba kumi bani yahpika 5 pît kan.

Isikiel 41:1

Baha waitna ba mita tempel lilapas kat ai brih wan, bara playa tara skwir nani wâl ba kulki kaikan, baha wâlsut ba yahpika twaknika tnaya kumi bani ba 10 pît kan.