Isikiel 41:18 - DAWAN BÎLA AISKA

¹⁸ tat ni prakan kan, bara bahara lilka nani pali man daukan kan, kirubin lilka, kûku dusa talia lilka nani. Kirubin kumi bani mawan lilka ba wâl bri kan;

Isikiel 41:18 ပူးပေါင်းရင်းမြစ်များ

1 King Nani 6:35

Bara kusbi daukan rayaka brih nani ba lilka, kûku dusa lilka tangni wal kraun daukan sâtka lilka nani mangkan, bara gul ni lalaubi prakan.

1 King Nani 7:29

Bara baha pîska nani lilka mangkaika tilara kan ba, purara bri kata layan lilka nani, bîp lilka nani bara rayaka wâl bri nani ba sin. Witinka nani pura bara mununhta tani ba, kau pura prakanka nani sin bâra kan, kasak yamni skahkan kan tangni nani wal.

1 King Nani 7:36

Hiram lilka mangkaika tatka nani daukan kan, bara tatka pîska nani ra lilka sâtka nani karbi mangkan, rayaka bri lilkika nani, layan lilka, kûku dusa nani, kumi bani wal asla ai watlika kat ban kata, tnaya kir ba sin sakahkan kan.

2 Kronikas 3:5

Bara watla bahamna dusa ba Chipre dusa wal paskan bara gul aihwa wal lalauban, bahara supa dusa wahia sâtka nani bara sîn nani wal purara bukan.

2 Kronikas 3:7

Baku bamna, watla bîla playka ba utla tâ baiki ba tnaya nani bara dur nani ba sut gul ni lalauban, bara kirubin lilka nani utla tnaya ba ra prakan.

Isikiel 1:10

Rayaka walhwal mawan ba naku kan: tâura mawan ba, upla kum mawan bri kan; ai aihkika tani ra ba, layan kum mawan; ai smihka ba, bîp wainhka kum mawan; bara nina tani ba yakal kum mawan.

Isikiel 10:14

Bara kumi bani ba mawan walhwal bri kan: tâ pali ra ba bîp wainhka mawan bri kan; wala ba upla mawan; yumhpika ba layan mawan; walhwalka ba yakal mawan.

Isikiel 10:21

Kumi bani mawan walhwal bri kata, kumi bani tnawa walhwal, bara tnawa mununhtara, upla mihta talika bri kata.

Isikiel 40:16

Baha bilara utla sirpi nani bâra kan, playa tara skwir nani ba sin, baku sin windarka nani sin bâra kan, watla tara ba kir lata tani ra. Dur kat hal ra dimaia ra windarka nani ba sin, baha watla kir ba. Baku sin bilara playa tara skwir nani bâra kan taya ba kûku wahia sâtka lilka ni lilka daukan kan.

Isikiel 40:22

Baha halka ba, windarka nani ba, kûku wahia sâtka lilka dauki paskan nani ba, yahpika ba sut lalma tani getka bilara dîa bâra ba wal baku sa. Bahara sin 7 tips uli auya pura ba kat, bara baha bîla paramka ba bîla tani bâra sa.

Isikiel 41:20

baha tempel lilapas kat halka, plurka ba aiska, tnaya ba sut ban dur pura ba kat, kirubin nani lilka kûku wahia sâtka lilka nani dauki prakan sa. Baha hal lilapas kat bâra ba bilara lilka nani ba bâra sa,

Isikiel 41:25

Baha lilapas kat halka ra dur ba kirubin lilka, kûku sâtka wahia nani lilka ni dauki paskan sa, nahki kutbanka wala nani ra lilka nani daukan ba baku sa. Tempel mawanra hal ba, lata tani ra ayan windarka baku baha sin dus ni paskan.

Param Marikanka 7:9

Baha ningkara yang kaikri, bara bahara upla ailal pali bâra kan, bara ailal kan bamna upla kum mita sin sip kulkras kata. Baha nani ba nisan sât sât wina, taika sât sât wina, bîla aisi sât wina, bara upla nani sât sât wina kan, bara king iwaika ba mawanra bara Sîp Luhpia ba mawanra sin bûi kan. Witin nani kwala pihni dimi kan, ai mihta nani ra sin dus wahia sâtka nani bri kata.