Isikiel 40:6 - DAWAN BÎLA AISKA

⁶ Baha wina witin lalma tani getka ra wan. Bara tips bâk uli purara wan, getka tani wâl ba kulki, baha sin 10 pît bîla yahpika bri kan.

Isikiel 40:6 ပူးပေါင်းရင်းမြစ်များ

1 King Nani 6:8

Rum sirpi nani lilapas tani dimaika durka mununhta tani ba lika, tempel ba aihkika tani ra kata, bara rum lilapas ba ra luaia ba uli lui kan; bara baku sin lilapas rumka ba wina rum yumhpika ra uli waia ba, mina mangkaika ba krutni kan.

1 Kronikas 9:18

bara Libai luhpia nani daknika tilara, naha piua kat sin baha nani ba dur aihwawakra nani sa, baha lika king durka nani lalma tani ra ba.

1 Kronikas 9:24

Dur aihwaki kaiki nani ba lika tâ walhwal sut ra kan: lalma, muna, yahbra bara waupasa tani ba.

Nihimaya 3:29

Witin nani kutbi swin tâka ba wina Sadoc, Imer luhpia waitna ba bal, witin ai watla mawan ba kat kutban; bara Semaías luhpia waitna Secanías balan, witin sika lalma tani wina dimaia durka ba aihwaki kaiki kan, witin sin pîska wala ba kutban.

Lawana Nani 84:10

¡Kanra yamni sa, yu kum bâra kaia, man wamtla kutbanka ba ra; yu tausin latara kaia ba wal! Brin ai daukisa Gâdki tempelka ra aihwaki kaia, watawikira nani pliska ra bâra kaia ba wal.

Jirimaya 19:2

Baha ningkara Ben-hinom ilka langnika ra was Dipasta Yakabaika ra, getka ba mawanra bahara naha smalkanka mai wisna na upla nani ra smalks.

Isikiel 10:18

Bara baku Dawan prana ba, tempel banhta wina pura tani ra uli kata, bara kirubin lilka nani ba purara aimakata.

Isikiel 11:1

Gâd karnika ba ai bukan bara ai brih wan, Dawan tempelka dimaia lalma tani kat. Durka ra 25 waitna bâra kan, baha tilara kaikri Jaazanías, Azur luhpia ba, bara sin Pelatías, Benaías luhpia, tawan lalka bâk sakan ba.

Isikiel 40:20

Yahbra tani ra sin bilara dimaia getka wala kum bâra kan. Baha bîla yahpika yarika ba sin waitnika ba wih kulki kaikan.

Isikiel 40:22

Baha halka ba, windarka nani ba, kûku wahia sâtka lilka dauki paskan nani ba, yahpika ba sut lalma tani getka bilara dîa bâra ba wal baku sa. Bahara sin 7 tips uli auya pura ba kat, bara baha bîla paramka ba bîla tani bâra sa.

Isikiel 40:24

Baha ningkara waitnika ba mita waupasa tani getka ba ra ai brih wan, bara baha bilara playa tara skwir nani ba bara bîla paramka ba sin kulki kaikan, get wala nani ra kulkanka nani ba nani ra dîa kulkan ba wal baku kan,

Isikiel 40:26

Bahara sin purara waia 7 tips bâra kan, bara bilara dimaia halka ba sin ban tâ kumi wina tâ wala kat luan kan, baha latka ba kat waia. Bara wapi luaika ra playa skwir nani ba kûku wahia sâtka lilka ni dauki paskan kan tnaya wâlsut ba.

Isikiel 40:5

Tempel lata tani ba kutbanka tara kir bri kata. Kulki kaikaia dusa waitnika ai mihta ra bri kata dusa ba yarika ba 10 pît bri kan, bara baha ni kutbanka ba kulki kaikan, twaknika ba 10 pît bri kan, purara sin 10 pît.

Isikiel 40:7

Dimaika ba tnaya bani ra aihwawakra watla bâra kan. Watla kumi bani bîla ba yarika ba 10 pît tani bani bri kan, bara tnaya kutbanka twaknika ba bilka ra 8 pît bri kan. Aihwawakra nani watla ba wina kau kainara wapi luaika wala bâra kan yarika ba 10 pît bri kan, baha sika tempel ra dimaia getka ba.

Isikiel 41:16

tat ni praki paskan kan. Windarka nani ba ayan ni paskan kan, windar un playka nani ba, bara baha tnaya yumhpa kir ba tat ni paskan kan. Plur ba wina windar nani bilka ba, dur pura ba baha sut ba sin tat ni prakan kan. Tempel aiska bîla bara lata tani ba,

Isikiel 42:15

Waitna ba tempel bîla aiska kulki kaikan ba ningkara lalma tani durka bâk ai saki tempel latka ra ai brih wan, bara baha tasbaya sin kulki kaikan.

Isikiel 43:1

Waitna ba lalma tani getka ba ra ai brih wan,

Isikiel 43:17

Lila tani ba sin skwir kata, 24 pît bri kan tani bani ba, ditska kir ba 10 ins kan yahpika, yarika ba 20 ins. Mina mangki ba lalma tani ra kata.

Isikiel 43:8

Apia kaka utla tara nani durka ba tempelka lamara, kutbanka kum baman lila bâk lulkan ba wal. Witin nani tâski daukan nini holikira ba, daukanka nani yang misbara kaikisna ba wal; baha mita kupi baiwan witin nani wal bara yabri pruan.

Isikiel 44:1

Waitnika kli ai brih wan tempel ra dimaika lata tani ra, bara baha lalma dimaika ba, baha ba prakan kan.

Isikiel 46:12

“Tâ bri ba prisantka kum ai kupia lâka Dawan ra yabia kaka, ban kra daiwan kum angkuya ba, apia kaka sakripais wal kli wan uplika takaia dukiara, lalma durka ba kwâkbia bara ai sakripaiska yabia, sim ris yua nani ra yabi ba baku. Aima kum taki wan ba ra, dur ba prakan kabia.

Isikiel 47:1

Waitnika ba aikan kli tempel durka ra tawi balri. Baku mika kaikri dur munhta bâk lî iswi kata, bara lalma tani ra laiwi kan, nahki natka ra tempel mangkan ba baku. Lî ba tempel aihkika tani bâk laiwi kata, altar ra ba wina waupasa tani ra.

Isikiel 8:16

Bara Dawan tempelka baikanka, kau bîla ba kat ai brih wan; bara kaiks Dawan wal aisaia watla ba lamara, dimaika ba bara altar ba wal lilapas ra kutbanka ba kat 25 waitna nani bara kutbanka ba tani ra ai nina tawi bri kan; bara ai mawan ba lalma tani ra bawi ai lal tasba kat kangbi, bara lapta ra mayuni kan.