Isikiel 40:5 - DAWAN BÎLA AISKA

⁵ Tempel lata tani ba kutbanka tara kir bri kata. Kulki kaikaia dusa waitnika ai mihta ra bri kata dusa ba yarika ba 10 pît bri kan, bara baha ni kutbanka ba kulki kaikan, twaknika ba 10 pît bri kan, purara sin 10 pît.

Isikiel 40:5 ပူးပေါင်းရင်းမြစ်များ

Lawana Nani 125:2

Sim Jerusalem ra il nani bui kutbi bri ba baku, Dawan bui ai uplika nani ra kutbi brisa, nanara wina ban kaia ra.

Aiseya 26:1

Baha yua ra naha aiwananka na, Juda tasbaya ra aiwanbia: “Tawan tara karna yang nani brisna; bahara swak takaia, Gâd mita wan swaki sakaia kutbanka karna nani buki wankan.

Aiseya 60:18

Saura munaia daukanka ba man nani tasbayam ra kli walan kabia apia, sauhki tikan lâka, lâ krikanka nani sin walbia apia, sakuna kanra mika walbia, man tawankam kutbanka nina ba ‘Swaki Sakan Tawanka’, man getkam nani ba ‘Mayunra Getka nani’ mâkan kabia.

Isikiel 41:8

Tempel paskanka ba, yang bui tnaya bani wina laki kaikri, bara playa tara karna kum purara paski baha purara paskan kan, bahara sin rum nani paskan kan. Baha playa tara karna ba mâya wina pura ba kat 10 pît bri kan.

Isikiel 42:15

Waitna ba tempel bîla aiska kulki kaikan ba ningkara lalma tani durka bâk ai saki tempel latka ra ai brih wan, bara baha tasbaya sin kulki kaikan.

Isikiel 42:20

Tnaya walhwal ba sut kulki kaikan. Bara kaikan tempel ba 840 pît skwir kutban kan. Baha kutbanka ba mita holi bara holi apia ba wal aihka dakbi saki kata.

Isikiel 43:13

Naha sika altar yahpika kulki kaikan ba, blasi kulki kaikanka kata baku. Altarka kaina bâk, dits kum bâra kan 20 ins paknika bri kan bara 20 ins bîla yahpika bri kan, baha ba lata tani ra bâra kan, baha kan kir ba, un kum bri kata, 10 ins. Altarka plurka tani ba naku kata;

Sakaraya 2:5

Ban sakuna, Dawan naku wisa: Yang, Jerusalem kir pauta klauhi kutbanka kum baku kamna, bara tawanka bilara praina tara ba latan marikamna.’ ”

Kli Smalkanka 3:11

(King Og baman sika, refaíta nani tila wina takaskan ba; krikrika ba ayan ni paskan, 6 pît bîla yahpika, yarika 14 pît, witin nani kulkanka praiska yawan baha kaikaia Amón tawanka, Rabá ra.)

Param Marikanka 21:12

Tawanka ba kir walpa ni kutban kan, baha ba tara bara purara pali; get 12 bri kan bara getka bani ra insal kum. Israel taika nina 12 ba sin getka nani ra ulban kan.