Isikiel 40:49 - DAWAN BÎLA AISKA

⁴⁹ Baha halka ra dimaia bîla yahpika ba sin kulki kaikan bara yarika ba 34 pît kan, baha wina tâ wala ba kat 20 pît kan, baha wina purara waia tips nani matawalsip bâra kan. Bahara nan dimaia ba ra playa tara wâl bâra sa: Tnaya kum ra playa kum, tnaya wala ra playa wala.

Isikiel 40:49 ပူးပေါင်းရင်းမြစ်များ

Param Marikanka 3:12

Ani uplika nani sip muni pura lubia ba, yang baha nani ra Gâdki tempelka ra walpa bapanka baku daukamna, bara baha wina kli taki wabia apia ban kaia ra. Witin nani ra Gâdki nina ba ulbamna, Gâdki tawanka nina ba sin, baha ba Jerusalem raya kasbrika purara ba wina bara Gâdki wina aula ba. Witin nani ra sin nini raya ba ulbamni.

Isikiel 40:37

Bîla paramka ba wina kutbanka ba bilara auya playa skwir nani ba, playka nani ba kûku wahia sâtka lilka nani daukan kan tnaya bani ra. Baha wina sin purara waia 8 tips bâra kan.

Isikiel 40:34

Baha ba wina bilara dimi waia ba yabalka ra hal bâra ba, yahpika kumi baku kan. Playka skwir nani ba kûku wahia lilka tnaya wâl ra bâra kan. Baha wina kau purara waia ba 8 tips bâra kan.

Isikiel 40:31

Baha bilara hal ba ban lui wan latka wala ba kat. Bahara playka skwir nani bara kûku wahia baku sâtka lilka paski daukan kan. Baha wina purara 8 tips uli kan.

2 Kronikas 3:17

Bara playka tara wâl tempel mawanra mangkan ba, kumi smihka ra bara wala aihkika ra. Mihta aihkika ra ba nina mâkan Jaquín, bara mihta smihka ra ba nina Bóaz mâkan.

1 King Nani 6:3

Tempel watla dimaia mawan tani ra asla takaia pîska ba yarika 60 pît bri kan, utla yahpika ba wal baku. Yahpika ba utla mawan tani ra 30 pît kata.