Isikiel 40:17 - DAWAN BÎLA AISKA

¹⁷ Baha wina waitnika ba bal get bâk dimi wapi luaika bâk ai brih wan. Latka walpa ni paskan kan bâk bara 30 rum nani baha kir bâra kan.

Isikiel 40:17 ပူးပေါင်းရင်းမြစ်များ

1 King Nani 6:5

Baku sin utla sirpi kum paski kau draban tempel watla bri ba lamara, kutbanka nani tempel kir bri kan ba ra, rumka tara ba lama kir, rum nani kainara ba ra sin, baku sin rum sirpi nani ailal paskan.

2 King Nani 23:11

Bara Juda kingka nani mita lapta ra kulkanka yabi aras nani daukan kan ba, Dawan tempelka dimaika pali mawan ba kat, baha nani ba sin sut sakan, baha lika Natán-mélec pura kakaira kata ba ai watla tnaya ra, lapta ra mayunaia dukiara wagin nani bri kan ba sut sin angkan.

1 Kronikas 23:28

bara Dawan tempelka ra wark nani daukaia duki nani ba, prîs nani Eran kiamka nani ba mihta ra mangki swin kata; utla kutbanka nani ba, utla rum bilara kutbanka ba bara diara nani sut sunukira bâra kan ba, wark wala nani bâra ba sut sin, baha nani mihta ra mangkan.

1 Kronikas 9:26

Sakuna dur nani aihwaki ba lalka walhwal ba lika Libait nani kan, witin nani lika piua bani ban aihwaki kan dur nani tâ walhwal ra, bara Dawan lalahka watla nani ba sin.

2 Kronikas 31:11

Bara baha tâka, Ezequías upla nani ra win plun apahkaia watla kum tempel lamara mâkaia. Baha mâkan ba ra,

Impakan Sturka 27:9

“Watla latka ba ra linin kwalka pitbi daukan ba ni kutbanka kum dauks, waupasa tnaya ra kwala ba 50 yar yarika bri kabia.

Isikiel 10:5

Baha rayaka bri nani tnawa binka ba, baha kutbanka lila ba kat wali kata, Gâd, karnika sut bri ba aisi ba binka baku kan.

Isikiel 40:18

Naha latka walpa ni paskan ba kau mâyara kan bilara paskan wala bâra ba wal, bara bîla yahpika ba yarika ba wal baku kan.

Isikiel 40:38

Kutbanka aiska ba bilara latka ba wina tempel latka ra dimaia yahbra tani ra getka playa tara ba lata tani ra tnaya ba kat sin utla kum bâra kan. Baha watla ba ra sika daiwan nani sakripais daukaia brih aula ba iki wîna ba sikbi kan.

Isikiel 40:44

Tempel kutbanka ba bilara, sakuna get nani bilara ba bîla lika, lata tani ra, rum wâl bâra kan, kum ba yahbra tani getka ba lamara kan, wala ba waupasa tani getka lamara, baha durka wina yahbra tani ra kaiki kan.

Isikiel 40:45

Bara ai bri tauki waitnika ba ai win: “Baha rumka waupasa tani ra kaikisma ba, prîs nani ba bâra dimaia, baha nani tempel ra wark dauki ba,

Isikiel 40:46

baha rumka wala yahbra tani ra kaikisma bara sin prîs nani altar ra wark dauki nani ba dimaia. Sadoc kiamka nani ba baman prîs warkka dauki kabia sa, witin baman sip sa Dawan lamara waia.”

Isikiel 41:6

Baha rumka nani ba plur yumhpa purara paskan kan: plurka kumi bani ba purara 30 rum nani bâra kan. Plur wala nani ba wal tempel tnaya kutbanka plurka ba kau bîla sirpi kan, bara purak wapi luaika bînka ba sika rum nani karnika alki bri kan, baha sin tnaya kutbanka ba wal prakras kan.

Isikiel 42:1

Baha ningkara, waitna ba ai brih wan lata tani ra yahbra tani ba ra, bahara rum nani bâra kan utla kum latka kutbi prakan tempel ninara yaba mawanra.

Isikiel 42:10

baha wina waupasa tani ra waia yabalka bâk taki waupasa tani latka ba ra wan sa. Tempel muna tani ra utla ba baha latka aiska kutbi prakan ba bahara diman, bara bahara sin rum nani bâra kan,

Isikiel 42:3

Watla latka tempel tani ra bîla yahpika ba 34 pît bri kan, latka tnaya wala ba lika walpa ni paskan ba tani ra ba plur yumhpa paskan kan, baha purkara dur nani bri kan mâya wina bal dimaia.

Isikiel 42:4

Baha watla rumka nani ba wina yahbra tani ra wapi luaia bîla yahpika ba 16 pît bri kan bara yarika ba lika 168 pît, baha wina watla ba bilara dimi kan. Rumka nani durka ba yahbra tani ra kan.

Isikiel 44:1

Waitnika kli ai brih wan tempel ra dimaika lata tani ra, bara baha lalma dimaika ba, baha ba prakan kan.

Isikiel 45:5

Baha purkara, tasba wala bâra kabia 10 mail yarika bara 4 mail yumhpika bara bâk sakan Libait nani dukiara, tempel ra wark dauki nani ba, witin nani tawan tara nani bri kabia dukiara anira iwaia.

Isikiel 46:21

Ningkara ai brih wan kutbanka painkira lata tani ra ba ra, utla kutbanka klukia walhwal ba ra aikan taukri. Kaikri klukia walhwal sut ra kutbanka painkira watla lata sirpi kum bri kata. Sut ba sim yahpika, 68 pît yarika bara 48 pît bîla yahpika bri kan,

Param Marikanka 11:2

Sakuna tempel kutbanka painkira latka ba tani lika kulkpara, kan baha ba upla tringsar nani mihta ra mangkan sa, bara witin nani tawan holikira ai mina ni taibi bribia kati 42 prais.