Isikiel 4:9 - DAWAN BÎLA AISKA

⁹ “Bara plawar, barli mâ, bins, diara wala sin man bris; bara kahmi kum ra auhs, bara brit kum dauks. Yu bani smihkam tani ra baman aitniki kama bara baha pi kama yu nani 390.

Isikiel 4:9 ပူးပေါင်းရင်းမြစ်များ

Blasi Sturka 25:34

Baha kat Jekob Isau ra tâma bara pilala wal yaban brih pin. Isau baha brih pin bara din ba ningkara buan, bara tawahkia ai yamnika briaia kan ba dukiara diara kumi sin lukras, aisaras taki mahka wan.

Impakan Sturka 9:32

Ban sakuna, plawar mâ nani lika sauhki tikras kata, kan baha nani ba naika ra pihwaia piua kan bamna.

Aiseya 28:25

¿Baku daukisa apia, tasba pura ba sut ridi daukan ba ra, eneldo saumukka ba mangkisa apia kaka kumin saumukka ba sin mangki, baha ningkara barli mâ nani ba sin lainka ra mangkuya, insla un ra utmil sin, saumuk wala nani sin mangkisa?

Isikiel 4:13

Ningkara Dawan naku aisin: “Naha nani pata sâtka, plun tâski nani ba sika Israel luhpia nani pin kabia ba, ani kuntrika ra brih wamna ba ra.”

Isikiel 4:16

Baha ningkara ai win: “Yang daukisna Jerusalem ra plun ailal âpu kaia. Plun ba wiria baman yabi kabia, bara upla nani ba sarikira baha pi kabia, bara lî ba sin watla sirpi ra di kabia, sibrinkira pali.