Isikiel 39:26 - DAWAN BÎLA AISKA

^26-27 Yang kli asla daukamni, nisan tringsar tila wina bara waihla kuntrika nani ba wina sin; baku mika lamni lâka ra iwbia, klauna ai tasbaya ra, upla kum sin sirang ikbia apia. Baku marikamna holiki lâka ba, bara nisan ailal nani sin kaikaia sip kabia. Israel wina nani ba bahki kulkan lâka wauhbia, yang wal kasak apia kan bamna.

Isikiel 39:26 ပူးပေါင်းရင်းမြစ်များ

1 King Nani 4:25

Bara Salaman raya iwan piua ra, Juda bara Israel wal trabil âpu iwi kata, Dan wina Beerseba kat, ai wainka kiwka muhungka kat bara ai kwah damni dusa mununhta kat iwi kan.

Lawana Nani 99:8

Dawan, yawan Gâdka, ¡man baha nani ra pana un kahbatma! Man ba witin nani saurka swih tatikra Gâdka takram, sakuna ai watawanka daukan ba tâwan klala sin yabram.

Aiseya 17:2

Tawanka tara ba lulki swin ban kabia, sîp nani prawaika takbia; witin nani bâra yapi kabia, ya witin nani ra sakaia, sirang ikaia sin âpu kabia.

Jirimaya 30:11

Yang, Dawan, kasak aisisni man nani wal sna swaki mai sakaia. Nisan nani ba sut slingbamna baha nani tilara mai yakabri ba. Sakuna man ra lika mai slingbamna apia; klala lika maikamna, mana briaia sma ba kat: klalkam ba maikras lika mai swimna apia.”

Isikiel 15:8

Bara kuntrikam ba bîla man, upla iwras tasbaya daukamna, kan yang wal kasak lâka luha kan bamna. Yang, Dawan, kasak aisisna.”

Isikiel 16:52

Man swiram daukan lâka ra bapi buaia kama, kan muihkam nani purkara kau saura daukram bamna; pâtkas talia daukram; baha swirka lâka, bara swira daukan lâka ra bapi buaia kama, kan muihkam nani ra pâtkas talia daukram.

Isikiel 16:63

Man kupiam kraukma, bara swiram lâka tara pali damra walma; bara bawan lâka sin baku man kli bîlam kwâkma apia; yang saurkam swih tikamna, diara nani daukram ba sut wina. Yang, Dawan, kasak aisisna.’ ”

Isikiel 20:27

“Bara man, upla luhpia, Israel luhpia nani ra wis: ‘Naku wisa Dawan ba: Man nani aisikam nani sin kupi sauhkan; yang wal kasak apia kan.

Isikiel 20:43

Bahara kupiam krawbia, nahki man nani diara saura nani daukram ba; bara klauna âmya warbia, saurka nani daukram ba dukiara.

Isikiel 32:25

Elam ba tnikan sa ai suldiarka pruan nani ba tilara; witin nani sut gâdkas war ra pruan, nanara ai raitika kir kutbi bri ba. Tâ ikan lâka tara daukan, raya nani ra; kuna nanara kulkanka âpu sa, raiti ra iwi wan nani tilara, upla mita ikan nani tilara takaskan.

Isikiel 32:30

“Bahara sa yahbra tani ra tâ brabrira nani sut, Sidón wihtka nani sin. Karnakira kan bara sibrin tara lâka yaban, sakuna nanara lahban sa, war ra pruan nani aikuki, bahki kulkan lâka ni blaki. Dawan luha sa, bara bikan sa kulkan lâka luha war ra pruan nani tilara, raiti ra lahban nani tilara.

Isikiel 34:25

Witin nani wal lâ wilkanka kum daukamna, yabrika rayaka kum lamni kabia. Yabrika tiwbia kuntri daiwra wail nani ba. Baku sîpki nani ba sip kabia lamni ra iwaia, plis kum param ra bara unta tilara lika apia.

Isikiel 36:31

Bara ai kupia krawbia ai iwanka saura nani ba, bara ai daukanka saura nani ba sin man nani dukiamra sin ai swira daukbia saurkam bara daukankam saura ba dukiara.

Isikiel 38:8

Mani ailal lubia ningkara adar brima, kuntri kum piua luan war ra kan ba purara kauhaia, kuna pat ai plamaika brin kabia ba; kuntri kum yakabrira kan ba nisan ailal tilara bara danh tikan kan ba, ban kaia ra, kuna pat kli asla takan ba Israel ilka nani ra. Baha piua ra, witin pat kuntri ailal wina tawi balan kabia, bara sut lamni ra iwi kabia.

Isikiel 44:13

Sip yang duki daukras kabia prîs baku, Dawan lahma aihka sakri ba lamara sin wabiara, Dawan lahma aihka sakri ba. Ai swira lâka twilkaia kabia diara saurakira nani daukan ba tâwan.

Daniel 9:16

Dawan, yang nani kaikisna man ba kupiam yamnikira pali sma. Bamna mamkabisna kupiam wilin kaka lawankam ba Jerusalem pura wina sâks, kan baha ba man tawankam sa, bara man ilkam holikira sa. Upla sât wala nani wan tawanka tnaya ra iwi nani ba kiki banhwisa Jerusalem ba dukiara, bara uplikam nani ba dukiara sin, yang nani bara wan almukka nani wal saurki ba mita.

Miqueas 4:4

Upla nani sut ai wainka nasla nani ra, kwah damni dusa nani distika ra sin, ban ai kupia kumi iwi kabia, sibrin sin daukbia apia. ¡Dawan karnika nani sut bri ba ai bîla aisin ba kat kabia!