Isikiel 38:9 - DAWAN BÎLA AISKA

⁹ Man wama dista tara baku, kuntri ba bikaia, bara purara kauhma lâ tara baku suldiarkam sut aikuki bara nisan ailal nani ba wal.

Isikiel 38:9 ပူးပေါင်းရင်းမြစ်များ

Aiseya 25:4

kan umpira nani watla man aimakram bamna, diara luha, ai sarka bri nani karnika man sma, skwal mapara yukuwaika, lapta mapara distika. Kan upla tataibra nani karnika ba, skwal kumi kauhla piua ra kutbanka kum ra platukbi ba baku sa,

Aiseya 28:2

Kaiks Dawan nâra brisa, waitna kum karna pali, pâsa baku karnika brisa, lî diara sauhkaia auhi ba baku, kauhla pâsa krawi ba baku karna sa, lisamra dingkaia laya auhi ba baku sa, lisamra tara aubrika karna platukbi ba baku sa karnika ba wal tasba ba sauhkisa.

Aiseya 5:28

Ai trisbaika nani ba, mala pali kabia, pantamangkika nani ba sin pamni bulkan kabia, Araska sûska nani ba karna walpa baku kabia, waginka nani ba wilwaika wilwi tawisa, pâsa pulaika baku;

Jirimaya 4:13

Man nani kaiks, waihla ba kasbrika awi baku aula, aiklabaia waginka nani ba prari aula baku sa, araska nani ba yakal pali ba wal kau karna plapisa. ¡Yawan ra saura pali kabia, yawan lika pat tiwan sa!

Isikiel 13:11

Wis kal wal pihni yuki nani ra, baha kauhbia; lî karna prari baku auhbia, bara lî klaswan yuyaka walpa baku yabrika auhbia, bara pâsa karnakira sin balbia.

Isikiel 30:18

Yang bui Idsip karnika ba sauhkamna ba ra, ai karnika dukiara aimayuni ba danh daukamna ba ra, lapta ba tihmu takbia Tafnes ra; kasbrika kum Idsip pura bikbia, bara ai tawanka uplika nani ba silak ra brih wabia.

Isikiel 38:16

kira upliki Israel purara kauhma. Man, Gog, kasbrika siksa baku tasba na bikma. Baha piua nani ra yabrika tasba mapara balma, baku mika man bâk nisan wala nani ba ai dara walbia, yang sunuki lâka witin nani ra marikamna ba.

Daniel 11:40

‘Ban sakuna, piua ba balbia ba ra, muna tani kingka ba yahbra tani kingka mapara aiklabia, bara naha na taki wabia wal prawaia, muna tani mapara bubia skwal saura baku, war aiklabaia wagin ni lisamra baku dimi wabia, aras âiulra daknika nani bara slaup nani kira sin.

Joel 2:2

tihmia tara bara mukus nani yua, kasbrika nani bara dista yua. Suldiar karnakira daknika tara kum unta nani purara bal iwan sa, lalma kahbi ingnika ba baku sa. Baha sât dukia takan upla kau kaikras kan, kli baku sin takka kaikbia apia, diara kum talika baku sin apia.

Param Marikanka 20:9

Witin nani tasba bîla yahpika ra bal ulan, bara Gâd uplika nani kiampka ba, bara witin latwan kaiki tawanka ba sin kir kutbi brin. Sakuna Gâd mita kasbrika purara ba wina pauta klauhan blikan, bara baha nani sut angki âpu daukan.