Isikiel 38:4 - DAWAN BÎLA AISKA

⁴ Maikrika kli tawma, bîlam ra alingka mangkamna, man ra bara suldiar araska ba sut sakamna, aras âiulra ai kwalka prana nani ba wal, baha suldiar ailalkira nani ai sordka bâra kan kahbaika sât sât nani ba sut.

Isikiel 38:4 ပူးပေါင်းရင်းမြစ်များ

2 King Nani 19:28

Bara kupiam sauhkan lâka brisma ba kaikisna mita, bara pren takankam ba sin, baku ba mita yang bâra diara krukma kum kakmam ra klauhbi pamamna bara unam mangkaika sin mangkamna; baku kli mai lakrika wama ani yabalka balram bâk.”

1 Kronikas 12:8

Baku sin Gad kiamka wina kum kum Debit tnaya ra tawi wan, upla iwras tasbaya ra kan kahbaika pliska ba ra. Baha nani ba war uplika kan, war dukia sâtka nani bri kan ai kaina kahbaika bara langsa sin. Mawan nani ba layan mawan baku kan, witin nani sîa sula baku il nani bâk plapi kan.

2 Kronikas 25:5

Amasías ba Juda bara Benjamín uplika sut asla daukan, bara kiamka bani ba kat asla dauki ai tila kat war lalka nani mangkan. Baha ningkara upla mani 20 bri ba wina purara ba kulkan bara 300,000 wahma nani sakan war ra waia langsa wal, ai kan kahbaika sin twilkaia.

Aiseya 37:29

Bara kupiam sauhkram ba kaikisni, praut takram ba sin, bara diara krukma kum kakmam ra klauhbi mangkaisna, bara unam mangkaika sin, baku kli mai lakrika wama ani yabalka balram bâk.”

Aiseya 43:17

witin daukan aiklaklabra daknika karna kum sut bal takaia, waginka nani araska nani ba aikuki sauhki tikaia. Baha nani sut kauhan witin nani sip kli buras kan; witin nani daswan lamp wîkka daswi ba baku.

Jirimaya 46:9

“¡Aras nani ba yas taki wabia! ¡Wagin nani ba yas plapbia! ¡Aiklaklabra nani ba mahka wapbia: suldiar nani Etiopía wina Libia wina, ai kaina kahbaika nani dimisa; Lidia wina suldiar nani, pantamangka lalulkra nani ba!

Isikiel 23:12

Witin sin Asiria uplika dukiara ai âuyapah takan, baha nani sut tâ brabrira nani, tawan lalka, aiklaklabra, kwala prana dimi, ai araska ra uli, wahma pranira nani.

Isikiel 29:4

Pingkrus unam ra mangkamna, bara yabrika awalkam inskika nani ba, ai taya ra alki takaskbia. ¡Awalkam wina mai sakamna, inskika nani sut kira taya ra alkan ba kat!

Isikiel 38:15

tasbayam wina, kau laihura yahbra tani wina, suldiar ailal karnakira ba aikuki, bara kwâra tara aras ra tauki nani ba

Isikiel 38:3

Wis: ‘Naku wisa Dawan ba: Gog, Mésec bara Tubal tâ brabrira tara pali ba, yang lika man waihlam takuna,

Isikiel 39:2

Maikrika kli tawma; minam lulkanka kum kum ra yahbra tani kau laihura ba wina mai sakamna bara mai bri balamna Israel ilka bîla nani ra.

Isikiel 39:20

Plun tara ridi daukamni aras wîna wal; bara aras âiulra, suldiar bara war aiklaklabra sâtka ba sut ba, plun pih aibanhbia ba kat. Yang, Dawan, kasak aisisna.

Daniel 11:40

‘Ban sakuna, piua ba balbia ba ra, muna tani kingka ba yahbra tani kingka mapara aiklabia, bara naha na taki wabia wal prawaia, muna tani mapara bubia skwal saura baku, war aiklabaia wagin ni lisamra baku dimi wabia, aras âiulra daknika nani bara slaup nani kira sin.

Emus 4:2

Dawan Gâd swer takan ai holika lâka dukiara: “Yua nani man nani puramra aula, bara alhnika ni mai alki raski mai brih wabia, luhpiam nani ra lika inska alkaia kiulhka ni alki brih wabia.